Jer. 13:17 - Bhaibheri Rakachena muChindau

¹⁷ Asi kudai musikazopurutani, mweya wangu unozochema kundau dzakafishika ngendaa yokudzikudza kwenyu; madziso angu anozochema kakurutu, nemasodzi angu anozoerera, ngokuti zvifuyo zvaMambo Mwari zvatorwa kuitwa hloko.

Jer. 13:17 Iomraidhean Croise

Nduyo 119:136

Madziso angu anoerera ndwizi dzemasodzi, ngokuti vanhu avangwariri mipango yako.

Nduyo 80:1

Izwa, A muushi waIsuraeri, iwewe unotungamirira Josefa kudai ngomutanga! Iwewe wakagadzikwa padendemaro padera pemakherubhi, jeka

Isa. 63:11

Zvino wakakarakadza mazuva ekaretu, aMosi, nevanhu vake; “Uri pari uwo wakavabudisa kubva muruandhle nomuushi wezvifuyo zvake? Uri pari uwo wakaisa Mweya wake Wakachena pakati pavo,

Jer. 14:17

Unozoronza kwevari iri izwi: “Madziso angu ngaaerere masodzi usiku nemasikati, usatendera kuti arekere, ngokuti mhandara, vanhu vangu, waremadzwa kakurutu, ngokuchaiwa kunotyisa vane chironda chakakura.

Jer. 15:17

Andizi kugara pakati nokuti kudakara mumushongano wevanosheka; ndakagara ndega pashi peuremu wenyara yako, ngokuti waiya wandizadza ngoushungu.

Jer. 17:16

Asi inini andizi kutiza kubva mukuita muushi mumushando wako, nokuti kuemurira zuva rokutambudzika. Iwewe unozia izvo zvakabuda kubva pamiromo yangu, zvaiya pamberi pehope yako.

Jer. 22:5

Asi kudai musikapurutani mazwi aya, ndinopika ndini pachangu, unoronza Mambo Mwari, kuti mhatso iyi inozoita dongo.

Jer. 23:1

“Ihehe kuvaushi vanouraya nokuparadza makwai embusho yangu!” Unoronza Mambo Mwari.

Jer. 23:2

Izvi ndizvo zvinoronza Mambo Mwari, Mwari waIsuraeri, ngendaa yevaushi vanousha vanhu vangu, “Ndimwi mwakaparadza zvifuyo zvangu nokuzvidzinga; amuzi kuzviringira. Ndizvo ndinozoringira padera penyu ngendaa yokushata kwezviito zvenyu,” unoronza Mambo Mwari.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Chi. 1:16

Ngendaa yeizvi ndinochema; madziso angu anoerera masodzi; ngokuti muembedzeri uri kuretu kubva kwendiri, umwe kumusira simba rangu; vana vangu vaparadzwa, ngokuti gaa ranyisa.

Chi. 1:2

Rinochema kakurutu usiku, nemasodzi aro anomozoka pamatama aro; pakati pevadikani varo arina naumwe wokuriembedzera; vangani varo veshe vakashanda naro ngokuchengedzera, navo vakaita magaa kweriri.

Chi. 1:9

Tsvina yaro iri munezvokufuka zvaro; aripinimidzi ngemagumisiro aro; kuwa kwaro pashi kunoshamisa, pasina naumwe muembedzeri. “O Mambo Mwari, ringira kutambudzika kwangu, ngokuti gaa ranyisa.”

Chi. 2:18

Mwoyo yavo yakachema kudaidzira kunaMambo Mwari, O rukumbati rwemwanasikana weZioni. Masodzi ngaaerere kudai ngorwizi masikati nousiku! Usazorora, madziso ako asaremba.

Chi. 3:48

Madziso angu anoerera ndwizi dzemasodzi, ngendaa yokuparadzwa kwevanhu vangu.

Ezek. 24:16

“Mukororo womunhu, ringira, ngendonga imwe ndinozodusa kubva kwouri chidakadziso chemadziso ako; asi auzotsumbi nokuti kuchema, masodzi ako aazoereri kudzaka.

Ezek. 34:31

Imwimwi muri makwai angu, mutanga wembusho wangu, muri vanhu vangu, neinini ndiri Mwari wenyu, unoronza Mambo Mwari, Mwari.”

Ezek. 36:38

Kudai ngezvifuyo zvokuita mubairo, kudai ngezvifuyo zvomuJerusarema ngenguva yemishongano yaro yemadhiri, ndizvo madhorobha akaparadzwa anozozadzwa ngezvikwata zvevanhu. Zvino vanozozia kuti inini ndini Mambo Mwari.”

Ezek. 9:4

naye wakati kwaari, “Enda ngomukati mwedhorobha, nomukati mweJerusarema, uise chioniso pahuma dzevanhu vanofemurika nokugwimba ngendaa yezvinyangadzo zveshe zvinoitwa pakati paro.”

Mar. 2:2

Kuti imwimwi musikazopurutani, kuti musikazouisi mumwoyo, kuirikidza zina rangu,” unoronza Mambo Mwari wehondo, “Zvino ndinozounza chituko padera penyu, neni ndinozotuka zvifumiso zvenyu; ngegwinyiso ndazvituka, ngokuti amuzi kuuisa mumwoyo.

1 Sam. 15:11

“Ndinosvipa mwoyo kuti ndakaemesa Sauri kuita mambo; ngokuti wakapauka kubva mukunditeera, naye aazi kuteera mipango yangu.” Samueri wakashatirwa, naye wakachema kunaMambo Mwari usiku hweshe.

1 Sam. 15:35

Samueri aazi kuchazoonazve Sauri metsa pazuva rokufa kwake, asi Samueri wakachema Sauri. Mambo Mwari wakadzishoora kuti waiya akaemesa Sauri kuita mambo padera paIsuraeri.