Jer. 12:7 - Bhaibheri Rakachena muChindau

⁷ Ndasiya mhatso yangu, ndarasha nhaka yangu; ndakapa mudikani womwoyo wangu munyara dzemagaa ake.

Jer. 12:7 Iomraidhean Croise

2 Madzi. 21:14

Ndinozorasha vakasara venhaka yangu, ndinozovapira munyara dzemagaa avo; vanozoita vakachakatwa nevakapambwa kumagaa avo eshe,

Nduyo 106:40

Zvino ushungu hwaMambo Mwari hwakabaka kuvanhu vake, naye wakanyangadzwa ngenhaka yake.

Nduyo 78:62

Wakakovera vanhu vake kushoti, nokubeurira ushungu hwake kunhaka yake.

Isa. 2:6

Ngokuti wasiya njira yevanhu vako, O mhatso yaJakobe. Ngokuti vakazara ngemishuma inobva kumabvazuva, vafemberi kudai ngevaFiristia, navo vanobatana nyara nevana vevapara.

Jer. 11:15

“Mudikani wangu chiinyi chaachinacho mumhatso yangu, apo akaomba nevazhinji? Mhiko zhinji nenyama yokupira zvingadusa kuparadzwa kwako here? Apo unoita zvakashata unodakara here?

Jer. 14:19

Mwarasha yaamho vaJudha here? Mweya wako unonyenya Zioni here? Ngenyi watichaira pashi, pasina kurapwa kwedu? Tinotsvaka kunyarara asi akuna chakanaka, tinoringira mukuwo wokutambiswa, asi ringira kutyiswa!

Jer. 17:4

Ngendaa yokuita kwako unozotorerwa nhaka yako yendakakupa; ndinozoita kuti ushandire magaa ako munyika yousikazii; ngokuti muushungu hwangu wakabaka muriro uwo unozobaka mhera nariini.

Jer. 22:5

Asi kudai musikapurutani mazwi aya, ndinopika ndini pachangu, unoronza Mambo Mwari, kuti mhatso iyi inozoita dongo.

Jer. 23:33

“Naapo ava vanhu, vaprofeti, nokuti vapristi, vanozokubvunza vechiti, ‘Ngowenyi mutwaro waMambo Mwari?’ Ndizvo unozoti kwevari, ‘Imwimwi ndimwi mutwaro. Ndinozomurasha kuretu, unoronza Mambo Mwari.’

Jer. 23:39

ndizvo, ringira, inini ndemene ndinozomuriyarwa yaamho, ndinozomurasha kubva mukuona kwangu, imwimwi nedhorobha, rendakamupa nemadzibaba enyu.

Jer. 51:5

Ngokuti Isuraeri naJudha avazi kusiiwa ndiMwari wavo, Mambo Mwari wehondo, kunyazwi nyika yavo yakazadzwa ngokushaisha pamberi peUmwe Wakachena waIsuraeri.

Jer. 7:14

ndizvo ndinozoita kuiyi mhatso inodudzwa ngezina rangu, yomunogonda ndiyo, ndau yendakapa kwemuri nokumadzibaba enyu, kudai ngezvendakaita kuneShiro.

Jer. 7:29

“Para bvudzi rako, urirashe kuretu; udzichemere uri pandau dziri padera, ngokuti Mambo Mwari wakaramba nokusiya mubarirwana unomusa ushungu hwake.

Ezek. 24:21

‘Ereketa kunemhatso yaIsuraeri, izvi ndizvo zvinoronza Mambo Mwari, Mwari: Ringira, ndinozosvipisa ugaro hwangu hwakachena, kudzikudza kwesimba renyu, chidakadziso chemadziso enyu, nechidisiso chomweya yenyu; vakororo venyu nevanasikana venyu vemwakasiya sure vanozourawa ngeshoti.

Hos. 11:1

“Apo Isuraeri achimwana, ndakamuda, ndakadaidza mukororo wangu kubva muEgipite.

Hos. 9:15

Kweshe kushata kwavo kwakatangira muGirigari; ndipo pendakavanyenya. Ngendaa yokushata kwezviito zvavo ndinozovadzinga kubva kumhatso yangu. Andichazovadi; veshe vatongi vavo vamukiri.

Joeri 2:15

Ridzai gwama muZioni, chenesai mukuwo wokuera kudya, mudaidzire mushongano wokudira.

Joeri 3:2

ndinozounganidza madzinza eshe nokuaunza muBani raJehoshafati; ndinozopinda mukutonga navo apo ngendaa yevanhu vangu nendaa yenhaka yangu Isuraeri, avo vevakaparadzira pakati pemadzinza. Vakagurirana nyika yangu,

Ruka 21:24

vanozowa ngokupinza kweshoti, vanozokweiwa kuita hloko kumadzinza eshe; neJerusarema rinozotsikwatsikwa pashi ngevemadzinza, metsa nguva yevemadzinza yazadzisika.

Dhuto. 33:12

NdiBhenjamini wakati: “Mudikani waMambo Mwari unogara mukungwaririka pasinde pake; Mwari Uri-Padera-pazvo-zveshe unozomutendenedza zuva reshe, mudikani unozogara pakati pemapfudzi ake.”