Jer. 12:3 - Bhaibheri Rakachena muChindau

³ Asi iwewe, O Mambo Mwari, unondizia; unondiona, unoedza mwoyo wangu, mwoyo wangu uri kwouri. Kweya uvabudise kubanze kudai ngemakwai koourawa. Uvanasirire zuva rokuurawa.

Jer. 12:3 Iomraidhean Croise

2 Madzi. 20:3

“Karakadza zvino, A Mambo Mwari, ndinokupota, kuhamba kwendakaita pamberi pako, mugwinyiso ngomwoyo wakaperera, ndakaita zvakanaka mukuona kwako.” NaHezekia wakachema kakurutu.

1 MaKro. 29:17

Ndinozia, Mwari wangu, kuti iwewe unoedza mwoyo, unodakarira kururama; mukururama kwomwoyo wangu ndakapa zviro zveshe izvi ngokuda; zvino ndaona vanhu vako vari pano, vechipa kwouri ngokuda nokudakara.

Jobe 23:10

Asi iye unozia njira yendinohamba ndiyo; naapo andiedza, ndinozobuda ndakadai ngomukore.

Nduyo 11:5

Mambo Mwari unoedza vakarurama nevakashata; nomweya wake unozonda avo vanoda kugebenga.

Nduyo 139:23

Nditsvakisisei, A Mwari, uzie mwoyo wangu; ndiedze, uzie mikarakadzo yangu.

Nduyo 17:3

Kudai wechiedza mwoyo wangu, kudai ukandihambira usiku, kudai wechindiedza, auzooni kushata kwendiri; ndakagura kuti muromo wangu usashaisha.

Nduyo 26:1

Ndipembedze, Mambo Mwari, ngokuti ndakahamba mukururama kwangu; ndakagonda munaMambo Mwari, ndisikatsvedzuki.

Nduyo 7:9

A kushata kwevakashata ngakupere, asi iwewe gwinyisa vakarurama, A Mwari wakarurama, iwewe uwo unoedza mipinimidzo nomwoyo.

Jer. 15:15

“O Mambo Mwari, ndiwe unozia; ndikarakadze, ndihambire, undiunzidzire vanonditambudza. Mukusengerera kwako usandirasha kuretu; zia kuti ngendaa yako ndinotukwa.

Jer. 17:16

Asi inini andizi kutiza kubva mukuita muushi mumushando wako, nokuti kuemurira zuva rokutambudzika. Iwewe unozia izvo zvakabuda kubva pamiromo yangu, zvaiya pamberi pehope yako.

Jer. 17:18

Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 20:12

O Mambo Mwari wehondo, unoedza vakarurama, unoona mwoyo nomukarakadzo; ngandione kuunzidzira kwako padera pavo, ngokuti kwouri ndaisa ndaa yangu.

Jer. 48:15

Muparadzi weMoabhi nemadhorobha wauya, nemajaha akatsanangurwa adzaka koourawa,” unoronza Mambo, uwo zina rake ndiMambo Mwari wehondo.

Jer. 50:27

Urayai mikono yaro yeshe; ngaidzake koourawa. Ihehe kwevari! Zuva ravo raguma, mukuwo wokuunzidzirwa kwavo.

Jer. 51:4

Vanozowa pashi vaurawa munyika yevaKharadhea, nokubaiwa mumapato aro.

Johani 21:17

Wakati kwaari ngokwechitatu, “Simoni, mukororo waJohani, unondida here?” Petro wakarwadziwa mwoyo ngokuti wakati kwaari ngokwechitatu, “Unondida here?” Naye wakati kwaari, “Mambo, iwewe unozia zveshe; unozia kuti ndinokuda.” Jesu wakati kwaari, “Usha makwai angu.

Jakobe 5:5

Mwakararama munyika mukushadaya nomukudakara; mwakakodza mwoyo yenyu ngezuva rokuuraya.

2 Pet. 2:12

Vanhu ava, vakadai ngemhuka dzisina mipinimidzo dzakabarwa kuti dzibatwe, dziurawe. Vanotuka ngendaa dzevasikazwisisi, navo vachaparadzwa mukuora kwavo.