Jer. 12:2 - Bhaibheri Rakachena muChindau

² Iwewe wakavasima, navo vakatsira nzinde, vanokura, nokubereka michero; uri pasinde pemiromo yavo, asi uri kuretu kubva kumwoyo yavo.

Jer. 12:2 Iomraidhean Croise

Jobe 24:12

Kugomera kwevanofa kunozwika kwechibva mudhorobha, nomweya wevakaremadzwa inochemera kudetserwa; asi Mwari aapurutani mikumbiro yavo.

Jobe 5:3

Ndaona benzi rechitsira nzinde, asi ngokukasira ndakatuka ugaro hwaro.

Nduyo 37:35

Ndakaona wakashata unesimba guru, echikura kudai ngomusidhari weRebhanoni.

Isa. 29:13

Mambo Mwari wakati, “Ngokuti vanhu ava vanokwedzera kwendiri ngemiromo yavo, nemiromo yavo vanondiremeredza, naapo mwoyo yavo iri kuretu kubva kwendiri, nokundidira kwavo chaita chironzo chomunhu chakadzidziswa kwevari;

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 3:10

Asi ngeizvi zveshe munun'una wake unochengedzera aazi kupetuka kwendiri ngomwoyo wake weshe, asi ngokudziitisa,” unoronza Mambo Mwari.

Jer. 45:4

“Izvi ndizvo zvounozoronza kwaari kuti, ‘Izvi ndizvo zvinoronza Mambo Mwari: Ringira, ndinozoputsira pashi icho chendakaaka, kubvita icho chendakasima, ndiyo nyika yeshe.

Ezek. 33:31

Vanouya kwouri kudai ngokuuya kunoita vanhu, navo vanogara pamberi pako kudai ngezvinoita vanhu vangu, vanozwa mazwi ako, asi avazoapurutani. Ngokuti ngomuromo wavo vanoonisa rudo, asi mwoyo wavo unokara ngokuda kuuyirwa ngezvakawanda.

Hos. 7:14

Avachemi kwendiri kubva mumwoyo yavo, asi vanoboorera vari pamibhedhi yavo; vanodziunganidzira koroni nevhini, vanondimukira.

HABHAKUKI 1:13

Madziso ako akanyanya kuchena kuti aringire zvakashata, newe aukoni kuringira zvishaishi; ngenyi wechiringira avo vanoshanda ngokuchengedzera, wechinyarara apo wakashata echimedza munhu wakapinda kururama kuneivo?

Mateu 15:8

‘Vanhu ava vanondiremeredza ngemiromo yavo, asi mwoyo yavo iri kuretu kwendiri.’

Marku 7:6

Wakati kwavari, “Isaya wakanasa kuprofeta ndimwi, imwimwi vadziitisi, kudai ngezvezvakanyorwa kuti, “ ‘Ava vanhu vanondiremeredza ngemiromo yavo, asi mwoyo yavo iri kuretu neni;

Titosi 1:16

Vanopupura kuti vanomuzia Mwari, asi ngemishando yavo vanomuramba. Vanonyangadza, avapurutani, vasikadetseri chiro kumishando yeshe yakanaka.