Jer. 12:14 - Bhaibheri Rakachena muChindau

¹⁴ Izvi ndizvo zvinoronza Mambo Mwari ngevaakirwana vangu veshe vakashata, avo vanogwama nhaka yendakaita kuti vanhu vangu Isuraeri vaigare: “Ringira, ndinozovabvita kubva munyika yavo, nokubvita mhatso yaJudha kubva pakati pavo.

Jer. 12:14 Iomraidhean Croise

Nduyo 105:15

echiti, “Musagwama vakadzodzwa vangu; musaita zvakashata kunevaprofeti vangu.”

Nduyo 106:47

Tiponese, A Mambo Mwari, Mwari wedu, utiunganidze kubva pakati pevemadzinza, kuti tibonge zina rako rakachena, tinyise mukukudzwa kwako.

Jer. 2:3

Isuraeri waiya akachena kunaMambo Mwari, mitanguro yemichero yake. Veshe avo vakaidya vakaitwa vanendaa; kushata kwakauya padera pavo,” unoronza Mambo Mwari.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 3:18

Mumazuva awo vemhatso yaJudha vanozobatana pamwepo nevemhatso yaIsuraeri, navo vanozobuda pamwepo kubva munyika yedera kuenda kunyika yendakapa madzibaba enyu kuita nhaka yavo.”

Jer. 32:37

Ringira, ndinozovaunganidza kubva kunyika dzeshe dzendakavadzingira mukutseneka kwangu nomuushungu hwangu nomukushishwa kwangu kunotyisa; ndinozovaunzazve kuiyi ndau, nokuita kuti vagare vakangwaririka.

Jer. 48:1

Izvi ndizvo zvinoronza Mambo Mwari wehondo, Mwari waIsuraeri, ngendaa yaMoabhi: “Ihehe kuneNebho, raparadzwa! VaKiriathiaimu vatsverudzwa, vatorwa; marukumbati akagwinya atsverudzwa nokuputsirwa pashi.

Jer. 48:47

Asi ngamazuva okugumisira ndinozopetudzazve vakabatwa veMoabhi,” unoronza Mambo Mwari. Uku ndikwo kutongwa kweMoabhi.

Jer. 49:1

Izvi ndizvo zvinoronza Mambo Mwari ngendaa yaAmoni: “Isuraeri aana vakororo here? Aana vanogara nhaka yake here? Ngenyi zvino Mirikhomu echigara nhaka yaGadhi, nevanhu vake vechigara nhaka mumadhorobha ake?

Jer. 49:7

Izvi ndizvo zvinoronza Mambo Mwari wehondo “Amuchina ungwaru here muThemani? Kupanga kwapera kubva kunevanemazano here? Ungwaru hwaro hwapera here?

Ezek. 28:25

“Izvi ndizvo zvinoronza Mambo Mwari, Mwari: Apo pendinounganidza mhatso yaIsuraeri kubva pakati pevanhu pevakaparadzirwa, nokuonisa kucheneswa kwangu mukati mwavo mukuona kwemadzinza, zvino vanozogara munyika yavo yendakagondisa kunomuranda wangu Jakobe.

Ezek. 28:26

Vanozogara mukungwaririka mukati mwayo; vanozoaka mhatso nokusima minda yemivhini. Vanozogaramwo mukungwaririka, apo ndazopedza kuita kutonga kwangu padera pavo veshe vaakirwana vavo vanovanyenya vakavatendenedza. Navo vanozozia kuti ndini Mambo Mwari, Mwari wavo.”

Ezek. 36:24

Ngokuti ndinozomutora kubva pakati pemadzinza, ndimuunganidze kubva kunyika dzeshe, ndimuunze munyika yenyu.

Ezek. 36:5

ndizvo izvi ndizvo zvinoronza Mambo Mwari, Mwari: Ndinoereketa mukupisha kwendurumwa dzangu kuitira ndaa avo vakasara vemadzinza, nokuitira ndaa Edhomu reshe, avo vakadzitorera nyika yangu kuita nhaka yavo, ngokudakara kwomwoyo yavo yeshe, nokugutiswa kweshe, kuti vairashe kuti ipambwe.’

Ezek. 37:21

zvino ronza kwevari, ‘Izvi ndizvo zvinoronza Mambo Mwari, Mwari: Ringira, ndinozotora vanhu vaIsuraeri kubva pakati pemadzinza, apo pevakaenda, ndivaunganidze kubva kumarupande eshe, ndivaunze munyika yavo.

Hos. 1:11

Vanhu vaJudha nevanhu vaIsuraeri vanozounganidzwa pamwepo, navo vanozodziemesera soro rimwe; vanozokwira kubva kunyika iyi, ngokuti zuva raJezireeri rinozoita guru.

Zek. 1:15

Neni ndinonyangadzwa kakurutu ngemadzinza avo vakagarisika; ngokuti ndakanyangadzwa kadodoko kega, navo vakawanza kutambudzika.

Zek. 2:8

Ngokuti izvi ndizvo zvakaronza Mambo Mwari wehondo: ngesure kwouthende wakandituma kumadzinza akamuchakata: ngokuti iye unomugwama, unogwama mboni yedziso rake.

Dhuto. 28:63

Nokudai ngezveaidakara ndimwi Mambo Mwari kumuitira zvakanaka nokumuwanzisa, ngokudaro Mambo Mwari unozodakara ngokumuparadza, nokumuita kuti mupere; nemwi munozobvitwa kubva munyika yomunoenda koogara nhaka.

Dhuto. 30:3

Zvino ngouwo mukuwo Mambo Mwari, Mwari wenyu unozomutsandura uhloko hwenyu, nokumuitira nyasha, naye unozouyazve amuunganidze kubva kunyika dzeshe, paakamuparadzira Mambo Mwari, Mwari wenyu.