Jer. 12:12 - Bhaibheri Rakachena muChindau

¹² Vaparadzi vakwira padera pendau dzeshe dzakakwirira dzeshango; ngokuti shoti yaMambo Mwari inovapedza kubvira kumagumo amwe enyika kuenda kuneamweni; apana naumwe unozoane kunyarara.

Jer. 12:12 Iomraidhean Croise

Isa. 34:6

Mambo Mwari uneshoti; yagutiswa ngengazi, yakoriswa ngemafuta, ngengazi yemakwai nembudzi, ngemafuta etsvo dzemagondohwe. Ngokuti Mambo Mwari unemubairo muBhozira, nokuurawa kukurutu munyika yeEdhomu.

Isa. 57:21

Akuna kunyarara kunevakashata,” unoronza Mwari wangu.

Jer. 15:2

Naapo vanoti kweuri, ‘Tinozoenda kuri?’ Naapo unozovaronzera kuti, ‘Izvi ndizvo zvinoronza Mambo Mwari: Avo vakaemeserwa kufa ngenhenda ngavaende mukufa ngenhenda, naavo vakaemeserwa kufa ngeshoti ngavafe ngeshoti; naavo vakaemeserwa kufa ngenzara ngavafe ngenzara; naavo vakaemeserwa uhloko ngavaende muuhloko.’

Jer. 16:5

“Ngokuti izvi ndizvo zvinoronza Mambo Mwari, usaenda mumhatso yokubonda, nokuti kuenda koochema nokuti kugomera ngendaa yavo, ngokuti ndatora kunyarara kwangu kubva kuvanhu ava, unoronza Mambo Mwari, rudo rwangu runenyasha nokukungurira.

Jer. 25:11

Nyika yeshe iyi inozoita matongo nechishamiso; naaya madzinza anozoshandira mambo waBhabhuroni makore makumi manomwe.

Jer. 3:2

Mirudza madziso ako kundau dzakakwirira dzisina chiro, uone! Iripo here ndau pousikazi kuatwa newe? Pasinde penjira wakavagarira vadiwa kudai ngavaArabia mushango. Newe wasvipisa nyika ngouhure hwako nokushata kwako.

Jer. 3:21

Izwi rinozwika pandau dzakakwirira dzisina chiro, kuchema nokupota kwevana veIsuraeri, ngokuti vakapauka kubva munjira yavo, vakariyarwa Mambo Mwari, Mwari wavo.

Jer. 30:5

“Izvi ndizvo zvinoronza Mambo Mwari: ‘Tazwa izwi rinokarudza, rokutyisa, risiri rokunyarara.

Jer. 34:17

Ndizvo izvi ndizvo zvinoronza Mambo Mwari: Amuzi kundipurutana ngokuisa kusunhurwa, umwe ngaumwe kuhama yake nokumungani wake; ringira, ndinozoisa kusunhurwa kwomuri, unoronza Mambo Mwari, kusunhurwa kweshoti, kwedenda, nokwenzara. Ndinozomuita chiro chinotyisa kuumambo hweshe hwenyika.

Jer. 4:27

Ngokuti izvi ndizvo zvinoronza Mambo Mwari, nyika yeshe inozoparadzwa, asi andizoipedzi yaamho.

Jer. 46:10

Zuva iro izuva raMambo Mwari, Mwari wehondo, zuva rokuunzidzira, rokuti adziunzidzire magaa ake. Shoti inozodya, inozoguta nokuradza ngengazi yavo. Ngokuti Mambo Mwari, Mwari wehondo, unemudiro wokubaira ngedera parwizi runozwi Yufratesi.

Jer. 47:6

A shoti yaMambo Mwari! Unozonyarara metsa riini? Hwirira mumakara ako; zorora unyarare.

Jer. 48:2

Kukudzwa kweMoabhi akuchazoapopi; muHeshibhoni vakaronga zvakashata kweriri vechiti, ‘Uyai, ngatiriparadze kuti risachaita dzinza.’ Newewo, O Madhimeni, uchaunzwa mukunyaradzwa; shoti ichakurumbirira.

Jer. 8:15

Takaringirira kunyarara, asi akuna chakanaka chakauya; mukuwo wokuporeswa, asi ringira, kutyisa kukurutu.

Chi. 3:17

Mweya wangu uri kuretu kubva murunyararo; ndariyarwa kuti kugarisika kudini.

Ezek. 14:17

“Nokuti kudai ndechiunza shoti padera penyika iyo ndechiti, ‘Shoti ngaihambe kupinda ngomunyika;’ nokuuraya vanhu nemhuka kubva kweiri,

Ezek. 21:28

“Asi iwewe, mukororo womunhu, profeta wechiti, ‘Izvi ndizvo zvinoronza Mambo Mwari, Mwari ngendaa yevaAmoni, nendaa yokutuka kwavo, ronza iwewe, uti: Shoti, shoti, yakashwamurwa kuuraya, yangwizwa kuti ipedze, ipenye kudai ngemheni.

Ezek. 21:4

Ngokuti ndinozouraya kubva kweuri vakarurama nevakashata, ndizvo shoti yangu inozobuda mumakara ayo, kurwa nenyama yeshe kubvira kubani metsa dera;

Ezek. 21:8

Neizwi raMambo Mwari rakauya kwendiri rechiti,

Ezek. 21:9

“Mukororo womunhu, profeta wechiti, ‘Izvi ndizvo zvinoronza Mambo Mwari, Mwari; uti: Shoti, shoti yarodzerwa, yangwizirwa.

Ezek. 5:2

Unozopisha rupande rwaro rwechitatu ngomuriro mukati mwedhorobha, apo mazuva okukombiwa apera; unozotora rupande rumweni rwechitatu rwaro, nokuruchaya ngeshoti kutendenedza dhorobha; norupande rwechitatu rumweni unozoparadzira mudutu, neni ndinozoshwamura shoti sure kwaro.

Revhi 26:33

Ndinozomuparadzira pakati pemadzinza, ndinozomushwamurira shoti padera penyu; nenyika inozoita mafusi, nemadhorobha enyu anozoita matongo.

Amo. 9:4

Kunyazwi vanoenda muusungwa pamberi pemagaa avo, kubvapo ndinozopanga shoti, nayo inozovauraya; neni ndinozoisa madziso angu padera pavo kuvaitira zvakashata, haiwa zvakanaka.”

Zef. 2:12

Nemwiwo, vaEthiopia, munozourawa ngeshoti yangu.

Dhuto. 32:42

Ndinozoita kuti misee yangu iradze ngengazi, neshoti yangu inozodya nyama, pamwepo nengazi yevakaurawa, neyehloko, kubva kumagaa angu anebvudzi rakareba.

Chakapangijihwa 6:4

Nehachi rimweni rakabuda shava; nomugadhi waro wakapuwa simba rokudusa kunyarara kubva munyika, kuti vanhu vaurayane; naye wakapuwa shoti huru.