Jer. 12:11 - Bhaibheri Rakachena muChindau

¹¹ Vachiita dongo, dongo rinobonda kwendiri. Nyika yeshe yaizwe dongo, asi apana naumwe unopinimidza ndiyo.

Jer. 12:11 Iomraidhean Croise

Muchu. 7:2

Kwakapinda kunaka kuenda kumhatso yechiriro kuno kuenda kumhatso yedhiri; ngokuti aya ndiwo magumo omunhu weshe, nounopona unozochiisa mumwoyo mwake.

Isa. 42:25

Ndizvo wakadurura padera pake kupisha kwoushungu hwokutseneka kwake, nokutyisa kwehondo; zvakamuisa mumuriro unobaka kumarutii eshe, asi aazi kuzwisisa; nawo wakamupisha, asi aazi kuzviisa mumwoyo mwake.

Isa. 57:1

Vakarurama vanopera, apana naumwe unopinimidza ndizvo; vanhu vanoda Mwari vanotorwa, pasina naumwe unozwisisa. Ngokuti vakarurama vanotorwa kubva mukushata,

Jer. 10:22

Izwai, bope! Purutana, rinouya, bope guru rinobva kunyika yedera, kuita kuti madhorobha aJudha aite matongo, bako remakava anotyisa.”

Jer. 10:25

Durura ushungu hwako padera pemadzinza asikakuzii, nepadera vanhu vasikadaidzi zina rako; ngokuti vakaparadza Jakobe, vakamuparadza nokumupedza, vakaita kuti ugaro hwake huite matongo.

Jer. 14:2

“Judha rinochema nemisiwo yaro inongwendangwenda; vanoata pashi muchidima chakasvipa kakurutu, nokuchema kweJerusarema kunokwira.

Jer. 19:8

Ndinozoita kuti iri dhorobha riite matongo, chiro chinoridzirwa murudzi; weshe unopinda ndipo unozoshamiswa, naye unozoridza murudzi ngendaa yokuparadzwa kwaro kweshe.

Jer. 23:10

Ngokuti nyika yazara ngavaombi; ngendaa yechituko, nyika inobonda, mafuro akanaka omushango aoma. Kuhamba kwavo kwakashata, nesimba ravo arizi kunaka.

Jer. 25:11

Nyika yeshe iyi inozoita matongo nechishamiso; naaya madzinza anozoshandira mambo waBhabhuroni makore makumi manomwe.

Jer. 4:20

Kuparadzwa kunoteera kuparadzwa, nyika yeshe yaparadzwa. Matende angu anoparadzwa ngokukasira, machira angu omukati mwematende ngomukuwo mudoko.

Jer. 4:27

Ngokuti izvi ndizvo zvinoronza Mambo Mwari, nyika yeshe inozoparadzwa, asi andizoipedzi yaamho.

Jer. 4:28

Ngendaa yeizvi nyika inozotsumba nematenga anozosvipa; ngokuti ndakazviereketa, ndakazviemesa, andizopinduki akadi, andizokunukuki kubva kwezviri.

Jer. 6:8

Tenda kupangiwa, O Jerusarema, kuti mweya wangu urekere kupetuka kubva kweuri, ndikuite matongo, nyika isikagarwi ngevanhu.”

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Jer. 9:9

Andizovaorori here ngendaa yeizvi zviro?” Unoronza Mambo Mwari. “Andizounzidziri here dzinza rakadai ngeiri?”

Joeri 1:10

Minda yaparadzwa, nyika inochema; ngokuti zviyo zvaparadzwa, vhini idzva raomeswa, mafuta anopera.

Revhi 26:32

Ndinozoparadza nyika kuti iite mafusi; nemagaa enyu anogara kweiri anozoshamiswa ndiyo.

Zek. 7:5

“Ereketa kuvanhu veshe venyika nokuvapristi wechiti, ‘Apo mwakaera kudya mwechibonda mumwedzi wechishanu nowechinomwe, makore aya makumi manomwe, mwakaerera inini, apo pemwakaera kudya here?

Mar. 2:2

Kuti imwimwi musikazopurutani, kuti musikazouisi mumwoyo, kuirikidza zina rangu,” unoronza Mambo Mwari wehondo, “Zvino ndinozounza chituko padera penyu, neni ndinozotuka zvifumiso zvenyu; ngegwinyiso ndazvituka, ngokuti amuzi kuuisa mumwoyo.

Varoma 8:22

Ngokuti tinozia kuti zvakasikwa zveshe zvinogomera pamwepo mukurwadziwa kudai ngekwokubara metsa nazvino.