Jer. 12:1 - Bhaibheri Rakachena muChindau

¹ “Wakarurama, O Mambo Mwari, apo ndinounza ndaa yangu pamberi pako; asi nditendere kuereketa newe ngendaa yangu. Ngenyi njira yevakashata yechibudirira? Ngenyi veshe vanoshanda ngokuchengedzera vechigarisika?

Jer. 12:1 Iomraidhean Croise

Gen. 18:25

Ngazviite kuretu kubva kwouri zviro zvakadaro, kuuraya vakarurama pamwepo nevakashata, ngokudaro vakarurama vangazodai ngevakashata! Ngazviite kuretu kubva kwouri! Mutongi wenyika yeshe aazoiti zvakarurama here?”

Ezura 9:15

A Mambo Mwari, Mwari waIsuraeri, iwewe wakarurama; asi isusu takasara tiri takapokonyoka kuita vakasara, kudai ngezvetiriazvo nyamashi. Ringira, tiri pamberi pako mukushaisha kwedu, ngokuti apana naumwe ungakona kuema pamberi pako ngendaa iyi.”

Neh. 9:33

Wakaita wakarurama munazvo zveshe zvakatigumira, ngokuti iwewe wakaita ngokugondeka nesu takaita ngokushata.

Jobe 12:6

Ugaro hwemadzongoni hunokunyarara, naavo vanomutsenesa Mwari vari vakangwaririka, avo vanozounza zvimwari zvavo munyara dzavo.

Jobe 13:3

Asi ndingada kuereketa kunouwo Une-simba-reshe, neni ndinodisisa kuphikisana naMwari.

Jobe 24:12

Kugomera kwevanofa kunozwika kwechibva mudhorobha, nomweya wevakaremadzwa inochemera kudetserwa; asi Mwari aapurutani mikumbiro yavo.

Jobe 24:23

Mwari unovapa kugarisika nokungwaririka; madziso ake anoringira njira dzavo.

Jobe 8:17

Nzinde dzake dzinozotandira murwi wemapuwe, unogara mundutwe yemapuwe.

Nduyo 116:5

Mambo Mwari unenyasha newakarurama; Mwari wedu unoitira nyasha.

Nduyo 119:137

Iwewe wakarurama, A Mambo Mwari, nezvitongero zvako zvakarurama.

Nduyo 119:75

Ndinozia, A Mambo Mwari, kuti kutonga kwako kwakarurama, nokuti muugondeki iwewe wakanditambudza.

Nduyo 145:17

Mambo Mwari wakarurama munjira dzake dzeshe, unenyasha mumishando yake yeshe.

Nduyo 37:1

Usadzinesa ngendaa yevaiti vezvakashata; usavaitira ndurumwa vanoshanda zvakashata,

Nduyo 37:35

Ndakaona wakashata unesimba guru, echikura kudai ngomusidhari weRebhanoni.

Nduyo 51:4

Kwouri, iwewe wega, ndakashaisha, nokuita chakashata mukuona kwako, kuti upembedzwe mukutonga nokuita usina ndaa apo pomunogura ndaa.

Nduyo 51:6

Ringira, unodisisa gwinyiso ngomukati; ndizvo ndidzidzise ungwaru mumwoyo wangu mwakafishika.

Nduyo 92:7

kunyazwi vakashata vanomerera kudai ngomwenje, nevashandi veshe vezvakashata vanobudirira, vakaemeserwa kuparadzwa mhera nariini;

Mazwi 1:32

Ngokuti kupauka kwaavo vasina ungwaru kunozovauraya, nokugarisika kwemapenzi kunozovapedza.

Muchu. 8:14

Chiripo chiro chisina shwiro chinoitwa munyika, kuti varipo vakarurama avo vanoitirwa kudai ngezvinoitirwa vakashata; zve, varipo vakashata vanoitirwa kudai ngezvinoitirwa vakarurama. Ndakati neizviwo azvina shwiro.

Isa. 41:21

Budisai ndaa yenyu, unoronza Mambo Mwari. Budisai zvizatho zvenyu zvinesimba, unoronza Mambo waJakobe.

Isa. 48:8

Ausati wazwa, ausati wazia; kubvira pamukuwo wekaretu nzee dzako adzizi kubeurwa. Ngokuti ndakazia kuti waizoita ngokuchengedzera kakurutu, nokuti kubvira pakubarwa wakadaidzwa kuzwi mupanduki.

Jer. 11:20

“Asi, O Mambo Mwari wehondo, uwo unotonga ngokururama, unoedza mukarakadzo nomwoyo, ngandione kuunzidzira kwako padera pavo ngokuti kwouri ndakaisa ndaa yangu.”

Jer. 12:6

Ngokuti kunyazwi hama dzako, nevemhatso yababa ako, kunyazwi vakaita ngokuchengedzera kwouri; vanokudaidzira; usavagonda, kunyazwi vechiereketa mazwi akanaka kwouri.”

Jer. 3:20

Asi, kudai ngomukadzi usikagondeki unosiya mwamuna wake, ndizvo wakaita usikagondeki kwendiri, iwewe mhatso yaIsuraeri,” unoronza Mambo Mwari.

Jer. 3:7

Neni ndakapinimidza, apo aita izvi zveshe, kuti unozopetuka kwendiri. Asi aazi kupetuka, naJudha munun'una wake unochengedzera wakazviona.

Jer. 32:16

Naapo ndapedza kupa tsamba dzomutengo kunaBharukhi mukororo waNeria, ndakakumbira kunaMambo Mwari ndechiti,

Jer. 5:11

Ngokuti mhatso yaIsuraeri nemhatso yaJudha vakaita ngokusikagondeka kwendiri,” unoronza Mambo Mwari.

Jer. 9:2

O kudai ndaiya nendau yokugara yevahambi murubaya, kuti ndisiye vanhu vangu, ndibve kwevari! Ngokuti veshe vaombi nembungano yevachengedzeri.

Chi. 1:18

Mambo Mwari wakarurama; ngokuti ndamukira mipango yake. Asi izwai, imwimwi vanhu mweshe, muringire kutambudzika kwangu; mhandwe dzangu nemajaha angu vapinda muuhloko.

Ezek. 18:25

“Asi imwimwi munoti, ‘Njira yaMambo Mwari aizi kururama.’ Izwai zvino, O mhatso yaIsuraeri: Njira yangu aizi kururama here? Adzisiri njira dzenyu dzisikazi kururama here?

Dha. 9:14

Ndizvo Mambo Mwari wakaramba akarinda zvakashata, metsa azviunza padera pedu. Ngegwinyiso Mambo Mwari, Mwari wedu, uri wakarurama mumishando yake yeshe yaanoita; ngokuti atizi kupurutana izwi rake.

Dha. 9:7

O Mambo Mwari, kururama kuri kwouri, asi kwetiri kutsveruka kwehope, kudai ngezviripo nyamashi, kwevari vanhu vaJudha nevagari vemuJerusarema, nokwevari vaIsuraeri veshe, avo vari pasinde, naavo vari kuretu, kunyika dzeshe kwowakavadzingira, ngendaa yokushaisha kwevakaita kwouri.

Hos. 6:7

Asi avo kudai ndiAdhamu vakagura chitenderano; apo vakaita zvokuchengedzera kwendiri.

HABHAKUKI 1:4

Ndizvo mupango unononoka kuitwa, kutonga kwakanaka akuitiki. Vakashata vanotendenedza vakarurama; ndizvo kutonga kwakanaka kunopauswa.

Zef. 3:5

Mambo Mwari uri mukati mwayo wakarurama; aaiti zvakashata. Mangwanani eshe unoita kutonga kwake mambakwedza, amwe ngaamwe aakoreri akadi; asi vasikazi kururama avazii kutsveruka.

Mar. 2:17

Mwarembesa Mambo Mwari ngemazwi enyu. Asi munoti, “Tamurembesa ngokudini?” Ngokuronza, “Veshe vanoita zvakashata vakanaka mukuona kwaMambo Mwari, naye unodakara ndivo;” nokuti ngokubvunza kuti “Uri pari Mwari wokutonga kwakanaka?”

Mar. 3:15

Zvino tinoerenga kuti vanodzikudza vanomuchena; vanoita zvakashata vakagarisika, asi apo vanoedza Mwari vanopokonyoka.’ ”

Dhuto. 32:4

Ruware, mushando wake uri wakaperera nenjira dzake dzeshe dziri kutonga kwakanaka. Mwari wakagondeka, usina kuchengedza, wakarurama nokuperera,