Jer. 11:23 - Bhaibheri Rakachena muChindau

²³ apana naumwe wavo unozosara. Ngokuti ndinozounza kuparadzwa padera pevanhu vaAnathothi, gore rokuororwa kwavo.”

Jer. 11:23 Iomraidhean Croise

Jer. 11:19

Asi ndaiya ndakadai ngekakwai kakapfaa kanounzwa koourawa; neni ndaiya ndisikazii kuti vanoda kundimukira, vakaita urongwa vechiti, “Ngatiparadze muti uyu nemichero yawo, ngatimuuraye kuti abve munyika yevanopona, kuti zina rake risachazokarakadzwa ndiro.”

Jer. 23:12

“Ndizvo njira dzavo dzinozoita kwevari njira dzinotedza muchidima, umwo vanozosundirwamwo nokuwiramwo; ngokuti ndinozounza kushata padera pavo ngegore rokuororwa kwavo,” unoronza Mambo Mwari.

Jer. 44:27

Ringira, ndinozovarinda kuvaitira zvakashata, haiwa zvakanaka; vanhu veshe vaJudha vari munyika yeEgipite vanozopera ngeshoti nenzara, metsa kutamike naumwe wavo unosara.

Jer. 46:21

Kunyazwi varwiri varo vari pakati paro vakadai ngamakonyana akakodzwa muchibaya; navowo vakapetuka, vakatiza veshe pamwepo; avazi kuema, ngokuti zuva rokuororwa kwavo kukuru ravagumira; mukuwo wokuororwa kwavo.

Jer. 48:44

“Weshe unotiza kutyisa unozowira muhunza; nouwo unokwira kubuda muhunza unozobatwa mumurau. Ngokuti ndinozounza zviro izvi padera paro Moabhi, mugore rokuororwa kwaro,” unoronza Mambo Mwari.

Jer. 5:29

“Andizovaorori ngeizvi here?” Unoronza Mambo Mwari. “Mweya wangu auzoshunguriri here dzinza rakadai?

Jer. 5:9

Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Jer. 50:27

Urayai mikono yaro yeshe; ngaidzake koourawa. Ihehe kwevari! Zuva ravo raguma, mukuwo wokuunzidzirwa kwavo.

Jer. 6:9

Izvi ndizvo zvinoronza Mambo Mwari wehondo, “Kwarakwatai yaamho kudai ngemavhini vakasara veIsuraeri, hwirinzai nyara yenyu kumatai kudai ngomuunganidzi wemavhini.”

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Hos. 9:7

Mazuva okuororwa aguma, mazuva okuunzidzirwa aguma; Isuraeri unochema, “Muprofeti raabenzi, munhu womweya wapenga!” Ngendaa youwandu hwokushata kwako, kunyenya kwako kwakura.

Obh. 1:18

Mhatso yaJakobe inozoita muriro, mhatso yaJosefa murazvu, mhatso yaIsau mahlanga; vachavapisha nokuvapedza; akuzoapo unosara wemhatso yaIsau; ngokuti Mambo Mwari waereketa.

Mik. 7:4

Uwo wakapinda kunaka kwevari wakadai ngorukato, nouwo wakapinda kururama wavo rushosha rweminzwa. Zuva rokurinda kwavo nerokuororwa ravo rauya; zvino kwaapasinde kukangaidzwa kwavo.

Ruka 19:44

Anozokupwanyira pashi, nevana vako vari mukati mwako, navo avazosii mukati mwako nebuwe rimwe rakagadzikwa padera perimweni; ngokuti iwewe auzi kuzia mukuwo wokuhambirwa kwako.”