Jer. 11:22 - Bhaibheri Rakachena muChindau

²² Ndizvo izvi zvinoronza Mambo Mwari wehondo, “Ringira, ndinozovaorora; majaha anozofa ngeshoti; vakororo vavo nevanasikana vavo vanozofa ngenzara;

Jer. 11:22 Iomraidhean Croise

2 MaKro. 36:17

Ndizvo iye wakaunza mambo wevaKharadhea koorwa navo, uwo wakauraya vadoko vavo ngeshoti mumhatso yavo yakachena, waiya asina nyasha kunemajaha nokuti kunevasikana, vakuru nokuti harahwa. Iye wakavapira veshe munyara dzake.

Jer. 18:21

Ndizvo pinzai vana vavo munzara, vapirenyi kusimba reshoti; vakadzi vavo ngavafirwe ngavana vavo nevamuna vavo. Vamuna vavo ngavaurawe ngenhenda; majaha avo ngavaurawe ngeshoti muhondo.

Jer. 21:14

Asi ndinozomuorora kudai ngemichero yezviito zvenyu, unoronza Mambo Mwari. Ndinozobasa muriro mugwasha mwaro, nawo unozopisha izvo zveshe zvinoritendenedza.”

Jer. 44:13

Ndinozoorora avo vanogara munyika yeEgipite, kudai ngezvendakaorora Jerusarema, ngeshoti, ngenzara, nedenda,

Jer. 49:26

Ndizvo majaha aro anozowa mumadariro, varwi varo veshe vehondo vanozoparadzwa ngeiro zuva,” unoronza Mambo Mwari wehondo.

Jer. 9:21

Rufu rwauya kumafasitera edu, kwapinda mungome dzedu, kugura vana kubva mumapato, nemajaha kubva kumadariro.

Chi. 2:21

Vadoko nevakuru vanoata pamavhu mumapato; mhandwe dzangu nemajaha angu awa ngeshoti; pazuva roushungu hwako wavauraya, kuuraya usikakunguriri.

Amo. 4:10

“Ndakatumira nhenda pakati penyu kudai ngezvakaitika muEgipite; majaha enyu ndakaauraya ngeshoti, ndikamutorera mahachi enyu; ndakaita kuti kunuhwa kwemakamba enyu kugume kumiro dzenyu; asi amuzi kupetuka kwendiri, unoronza Mambo Mwari.