Jer. 11:20 - Bhaibheri Rakachena muChindau

²⁰ “Asi, O Mambo Mwari wehondo, uwo unotonga ngokururama, unoedza mukarakadzo nomwoyo, ngandione kuunzidzira kwako padera pavo ngokuti kwouri ndakaisa ndaa yangu.”

Jer. 11:20 Iomraidhean Croise

Gen. 18:25

Ngazviite kuretu kubva kwouri zviro zvakadaro, kuuraya vakarurama pamwepo nevakashata, ngokudaro vakarurama vangazodai ngevakashata! Ngazviite kuretu kubva kwouri! Mutongi wenyika yeshe aazoiti zvakarurama here?”

2 Madzi. 19:14

Hezekia wakaashira tsamba kubva munyara dzenhumwa akaidzidza; zvino Hezekia wakakwira kumhatso yaMambo Mwari, akaibeura pamberi paMambo Mwari.

1 MaKro. 28:9

“Neiwewe Soromoni mukororo wangu, zia Mwari wababa ako, umushandire ngomupinimidzo umwe nomwoyo unoda; ngokuti Mambo Mwari unotsvakisisa mwoyo yeshe, nokuzwisisa kupinimidza kwemipinimidzo. Kudai wechizomutsvaka unozooneka ndiwe; asi kudai wechizomusiya, unozokurasha mhera nariini.

1 MaKro. 29:17

Ndinozia, Mwari wangu, kuti iwewe unoedza mwoyo, unodakarira kururama; mukururama kwomwoyo wangu ndakapa zviro zveshe izvi ngokuda; zvino ndaona vanhu vako vari pano, vechipa kwouri ngokuda nokudakara.

Jobe 5:8

Asi kudai ndirini, ndaizotsvaka Mwari, nokunaMwari ndaizoisa ndaa yangu.

Nduyo 139:23

Nditsvakisisei, A Mwari, uzie mwoyo wangu; ndiedze, uzie mikarakadzo yangu.

Nduyo 35:2

Bata chihlangu nomuvhiko, ueme kundidetsera!

Nduyo 43:1

Ndipembedze, A Mwari, undivhikire ndaa yangu kunedzinza rakashata; kubva pamunhu unochengedzera nousikazi kururama ndirwirenyi!

Nduyo 57:1

Ndiitire nyasha, A Mwari, ndiitire nyasha, ngokuti mweya wangu unohwara mwouri; mubvuri remaphaphiro ako ndinozohwara, metsa dutu rinoparadza rapinda.

Nduyo 58:10

Vakarurama vanozodakara apo vaona kuunzidzirwa kwechiitwa; vanozoshamba tsoka dzavo mungazi yevakashata.

Nduyo 7:10

Mwari chihlangu changu uwo unoponesa vakarurama mumwoyo.

Nduyo 7:8

Mambo Mwari unotonga vanhu; nditonge, A Mambo Mwari, kudai ngokururama kwangu, nokudai ngegwinyiso riri mukati mwangu.

Nduyo 7:9

A kushata kwevakashata ngakupere, asi iwewe gwinyisa vakarurama, A Mwari wakarurama, iwewe uwo unoedza mipinimidzo nomwoyo.

Nduyo 98:9

pamberi paMambo Mwari, ngokuti unouya kootonga nyika. Unozotonga nyika ngokururama, nevanhu ngokutonga kwakanaka.

Jer. 12:1

“Wakarurama, O Mambo Mwari, apo ndinounza ndaa yangu pamberi pako; asi nditendere kuereketa newe ngendaa yangu. Ngenyi njira yevakashata yechibudirira? Ngenyi veshe vanoshanda ngokuchengedzera vechigarisika?

Jer. 12:3

Asi iwewe, O Mambo Mwari, unondizia; unondiona, unoedza mwoyo wangu, mwoyo wangu uri kwouri. Kweya uvabudise kubanze kudai ngemakwai koourawa. Uvanasirire zuva rokuurawa.

Jer. 15:15

“O Mambo Mwari, ndiwe unozia; ndikarakadze, ndihambire, undiunzidzire vanonditambudza. Mukusengerera kwako usandirasha kuretu; zia kuti ngendaa yako ndinotukwa.

Jer. 17:10

Inini Mambo Mwari ndinoringisisa mwoyo, ndinoedza zviri mukati kuti ndipe kumunhu umwe ngaumwe kudai ngenjira dzake nokudai ngemichero yezviito zvake. ”

Jer. 17:18

Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 20:12

O Mambo Mwari wehondo, unoedza vakarurama, unoona mwoyo nomukarakadzo; ngandione kuunzidzira kwako padera pavo, ngokuti kwouri ndaisa ndaa yangu.

Chi. 3:58

Waereketa ndaa dzomwoyo wangu, O Mambo Mwari; waripira kupona kwangu.

Chi. 3:59

Waona kushata kwaitwa kwendiri; O Mambo Mwari, tonga ndaa yangu.

Chi. 3:64

Vaunzidzire, O Mambo Mwari, kudai ngomushando wenyara dzavo!

Ezek. 11:5

Zvino Mweya waMambo Mwari wakadzaka padera pangu, wakati kwendiri, “Ronza, kuti izvi ndizvo zvinoronza Mambo Mwari: Izvi ndizvo zvounopinimidza, O mhatso yaIsuraeri; ndinozia zviro zvinouya mumupinimidzo wako.

Zvak. 17:31

ngokuti wakaemesa zuva raanozotonga ndiro nyika ngokururama ngouwo munhu waakagadza; ngouwo waakagwinyisa kuvanhu veshe ngokumumusa kubva kwevakafa.”

Vafiripi 4:6

Musanyunyutira chiro, asi muzviro zveshe kubudikidza ngomukumbiro nokupota pamwepo nokubonga, mikumbiro yenyu ngaiziikanwe kunaMwari.

2 Tim. 4:14

Arekizanda mupfuri wethusi wakandishaishira kakurutu; Mambo unozomuunzidzira kudai ngemishando yake.

1 Pet. 2:23

Naapo paakatukwa, aazi kutukawo; naapo atambudzika, aazi kutyisidzira; asi wakadzipira kwaari uwo unotonga ngokururamisa.

Chakapangijihwa 18:20

Dakarai ngendaa yake, iwewe denga, nemwi vakacheneswa, nemwi vapostori, nemwi vaprofeti! Ngokuti Mwari wakamutonga ngendaa yeizvo zvaakaita kwomuri.”

Chakapangijihwa 2:23

Neni ndinozouraya vana vake vafe. Nezviara zveshe zvinozozia kuti inini ndini ndinotsvakisisa mupinimidzo nomwoyo, neni ndinozomupa umwe ngaumwe kudai ngemishando yake.

1 Sam. 16:7

Asi Mambo Mwari wakati kunaSamueri, “Usaringira hope yake, nokuti kureba kwomutumba wake, ngokuti ndakamuramba; ngokuti Mambo Mwari aaringiri kudai ngokuringira kwomunhu; munhu unoringira chiemo chokubanze, asi Mambo Mwari unoringira mumwoyo.”

1 Sam. 24:15

Ndizvo Mambo Mwari ngaaite mutongi, atonge pakati pako neni. Ngaaone kwezviri, arwire ndaa yangu, nokundinunura kubva kunyara yako.”