Jer. 11:17 - Bhaibheri Rakachena muChindau

¹⁷ Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 11:17 Iomraidhean Croise

2 Sam. 7:10

Neni ndinozoemesa ugaro hwevanhu vangu Isuraeri, ndivasime, kuti vagare muugaro huri hwavo, kuti vasachazobvazve; nevaiti vezvakashata avachazovatambudzizve kudai ngekaretu,

2 MaKro. 28:25

Mudhorobha reshe raJudha wakaita ndau dzakakwirira dzokupishirepo mitombo inegwema rakanaka kuzvimwari zvimweni, wakamusira ushungu hwaMambo Mwari, Mwari wemadzibaba ake.

Nduyo 44:2

iwewe ngenyara yako wakadzinga madzinza, asi avo wakavasima; wakatambudza mbeu dzevanhu, wakavaparadza, asi avo wakavasunhura;

Nduyo 80:15

ungwarire guri rawo rakasimwa ngenyara yako yokumudyo.

Nduyo 80:8

Iwewe wakaunza muvhini kubva Egipite; wakadzinga madzinza, ukausima.

Isa. 5:2

Wakaurima, akadusa mapuwe, akausima mavhini akanakisisa, wakaaka thawa pakati pawo, wakaita pokukamira vhini pakati pawo; wakaugarira echida kuti ubereke mavhini, asi wakabereka mavhini omushango.

Isa. 61:3

kunasirira izvi avo vanotsumba muZioni; kuvapa dzungudza pandau yemarota, mafuta okudakara pandau yokuchema, jira rokukudza pandau yomweya wokusvipo mwoyo. Vanozodaidzwa kuzwi miokhi yokururama, zvisimwa zvaMambo Mwari, zvinoonisa kuirikidzwa kwake.

Jer. 1:14

Zvino Mambo Mwari wakati kwendiri, “Kushata kunozobva ngedera kuguma padera pevanhu veshe venyika.

Jer. 11:11

Ndizvo izvi, ndizvo zvinoronza Mambo Mwari, ‘Ringira, ndinozounza kushata padera pavo ukwo kwevasikazokoni kutiza; kunyazwi vanozodaidzira kwendiri, andizovapurutani.

Jer. 11:13

Ngokuti kudai ngouwandu hwemadhorobha enyu zvakawandawo kudaro zvimwari zvenyu, O Judha; kudai ngouwandu hwemapato eJerusarema akawandawo kudaro emwakaemesa anotsverudza maarita okupishira mutombo kunaBhaari.’

Jer. 12:2

Iwewe wakavasima, navo vakatsira nzinde, vanokura, nokubereka michero; uri pasinde pemiromo yavo, asi uri kuretu kubva kumwoyo yavo.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 18:8

asi kudai iro dzinza, rendakaereketa ndiro rikatenderuka kubva mukushata kwaro, ndinozorekera kuita kushata kwendakapinimidza kuita padera paro.

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 2:21

Asi ndakakusima uri muvhini wakanaka; waiya mbeu yakanaka. Ndizvo wakaita mashandukirenyi kuita muvhini weshango?

Jer. 24:6

Ndinozoisa madziso angu padera pavo kuti vagarisike, ndinozovapetudza kunyika iyi. Ndinozovaaka, andichazovaputsi; ndinozovasima, haiwa kuvabvita.

Jer. 26:13

Ndizvo zvino nasirirai njira dzenyu nezviito zvenyu, mupurutane izwi raMambo Mwari, Mwari wenyu; naMambo Mwari unozorekera kushata ukwo kwaakamurongera.

Jer. 26:19

Hezekia mambo waJudha nevanhu veshe vaJudha vakamuuraya here? Aazi kutya Mambo Mwari here nokupota nyasha dzaMambo Mwari, naMambo Mwari aazi kurekera here kushata kwaaiya aronga kuunza padera pavo? Asi taa kudziunzira kushata kwakura padera pedu.”

Jer. 32:29

VaKharadhea vanorwa nedhorobha iri vanozouya, vabase muriro padera paro nokuripisha, nemhatso idzo dzevakapishira mutombo unegwema padera pamatenga adzo kunaBhaari, vakadurura midiro yokumwa kunezvimwari zvimweni kunditsenesa.

Jer. 32:30

Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 36:7

Pamweni vanozouya koopota kunaMambo Mwari nokutenderuka, umwe ngaumwe kubva kunjira yake yakashata, ngokuti kutseneka noushungu hwakashata zvaakaronza Mambo Mwari kunevanhu ava zvikuru.”

Jer. 40:2

Nduna yevarindi yakatora Jeremia, ikati kwaari, “Mambo Mwari, Mwari wako, wakaronza uku kushata ngendau iyi;

Jer. 40:3

nazvino Mambo Mwari wakuunza pano, naye waita kudai ngezvaakaronza, ngokuti imwimwi mweshe mwakashaisha kunaMambo Mwari, nemwi amuzi kupurutana izwi rake. Ndizvo izvi zviro zvawira padera penyu.

Jer. 42:10

‘Kuti mwechizoangirira kwega kugara munyika iyi, zvino ndinozomuaka, andizomupwanyiri pashi; ndinozomusima, andizomubviti; ngokuti ndineurombo ngedambudziko rendakaunza padera penyu.

Jer. 44:5

Asi avazi kupurutana nokuti kukotamisa nzee dzavo, kuti vatenderuke kubva mukushata kwavo nokurekera kupisha mutombo unegwema kunezvimwari zvimweni.

Jer. 44:8

Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Jer. 45:4

“Izvi ndizvo zvounozoronza kwaari kuti, ‘Izvi ndizvo zvinoronza Mambo Mwari: Ringira, ndinozoputsira pashi icho chendakaaka, kubvita icho chendakasima, ndiyo nyika yeshe.

Jer. 7:18

Vana vanotheza huni, madzibaba anobasa muriro nevakadzi vanokanya hlama kuita zvingwa kunavahosi vomudenga; navo vanodurura midiro yokumwa kunezvimwari zvimweni, kumusa ushungu hwangu.

Jer. 7:9

Munozoba, kuuraya, kuomba, nokupika ngemanyepo, nokupishira midiro kunaBhaari mutombo unegwema rakanaka, nokuteera zvimwari zvimweni zvomusikazi kuzia,

Ezek. 17:5

Zvino, rakatora mbeu kubva panyika, rakaisima mumunda unendimo; rakaiisa pasinde pemvura yakawanda, rakaiemesa kuti iite kudai ngomuti womusambangwena.

Hos. 10:1

Isuraeri wakadai ngomuvhini wakanakisisa, unodziberekera michero yawo. Kuwanda kwemichero yake kunowanza maarita aanoaka; kudai ngokunaka kwenyika yake, wakaita sika dzokudira dzakanasa kunasirwa.