Jer. 11:12 - Bhaibheri Rakachena muChindau

¹² Zvino madhorobha aJudha nevagari veJerusarema vanozoenda, vanozodaidzira kuzvimwari zvevanopira midiro yomutombo wokupisha unegwema rakanaka, asi azvizovaponesi akadi ngomukuwo wokutambudzika.

Jer. 11:12 Iomraidhean Croise

2 MaKro. 28:22

Munguva yokutambudzika kwake wakaangira kupauka kubva kunaMambo Mwari, uyu mambo Ahazi.

Isa. 45:20

“Unganidzanai pachenyu muuye pamwepo, kwedzeranayi pasinde, imwimwi mwakapokonyoka kubva mumadzinza! Avana ruziyo avo vanotwara peshe miedzaniso yavo yemiti, vechiangira kukumbira kunechimwari chisikakoni kuponesa.

Isa. 46:7

Vanochimirudza papfudzi, vanochitwara, vanochiemesa pandau yacho, nacho chinoemapo; achikoni kuhamba kubva pandau pacho. Kudai umwe echidaidzira kwechiri, achikoni kupingura, nokuti kumuponesa kubva mukutambudzika kwake.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 2:28

Asi zviri pari zvimwari zvenyu zvemwakadziitira? Ngazviuye kuti zvechikona kumuponesa ngomukuwo wokutambudzika kwenyu; ngokuti unazvo zvakawanda zvimwari kudai ngokuwanda kwemadhorobha ako, iwewe Judha.

Jer. 44:8

Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Dhuto. 32:37

Zvino unozoti, “Zviripari zvimwari zvavo, ruware rwavo rwevanotizira,

Dhuto. 32:38

izvo zvaidya mafuta emibairo yavo, zvaimwa vhini remidiro yokumwa? Ngazvimiruke zvimudetsere, zviite vangwariri venyu.”

Vato. 10:14

Endai muchemere zvimwari zvemwakatsanangura; ngazvimusunhure zvemene ngenguva yokutambudzika kwenyu.”