Jer. 11:11 - Bhaibheri Rakachena muChindau

¹¹ Ndizvo izvi, ndizvo zvinoronza Mambo Mwari, ‘Ringira, ndinozounza kushata padera pavo ukwo kwevasikazokoni kutiza; kunyazwi vanozodaidzira kwendiri, andizovapurutani.

Jer. 11:11 Iomraidhean Croise

2 Madzi. 22:16

Unoronza izvi Mambo Mwari, ‘Ringira, ndinozounza kutambudzika padera peiyi ndau, nepadera pevagari vayo, mazwi eshe ebhuku iri awoadzidzwa ndimambo waJudha.

2 MaKro. 34:24

‘Ndizvo zvinoronza Mambo Mwari: Ringira, ndinozounza dambudziko padera peiyi ndau, nepadera pevagari vayo, eya, kudai ndizvo zvituko zveshe zvakanyorwa mubhuku iri rakadzidzwa pamberi pamambo wevaJudha.

Jobe 35:13

Ngegwinyiso Mwari aazwi kuchema kusina shwiro, nokuti Uwo Unesimba-reshe aapinimidzi ndizvo.

Nduyo 18:41

Vakadaidzira kudetserwa, asi paiya pasina wokuvaponesa; vakadaidzira kunaMambo Mwari, asi aazi kuvapingura.

Nduyo 66:18

Kudai ndakangwarira kushata mumwoyo mwangu, Mambo Mwari waizodai asikazi kundizwa.

Mazwi 1:28

Zvino vanozodaidzira kwendiri, asi andizopinguri; vanozonditsvakisisa, asi avazondioni.

Mazwi 29:1

Munhu unogara echirambidzwa, asi echiangira kukonzesa mutsipa wake, unozoparadzwa ngokukasira, pasina kudetserwa.

Isa. 1:15

“Naapo pomunotambanudza nyara dzenyu, ndinozofisha madziso angu kubva kwomuri; kunyazwi mukaita mikumbiro yakawanda, andizopurutani; nyara dzenyu dzakazara ngengazi.

Isa. 24:17

Kutya, hunza nomurau, zviri padera pako, iwewe unogara panyika.

Jer. 11:14

Asi iwewe, usakumbirira ava vanhu, nokuti kudaidzira, nokuti kupota ngendaa yavo, ngokuti andizopurutani ngomukuwo wevanodaidzira kwendiri ngendaa yokutambudzika kwavo.”

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 14:12

Kunyazwi vanoera kudya, andizwi kuchema kwavo; kunyazwi vanopira mudiro wokupisha nomunikero, andizviashiri; asi ndinovapedza ngeshoti, ngenzara nenhenda.”

Jer. 14:2

“Judha rinochema nemisiwo yaro inongwendangwenda; vanoata pashi muchidima chakasvipa kakurutu, nokuchema kweJerusarema kunokwira.

Jer. 15:2

Naapo vanoti kweuri, ‘Tinozoenda kuri?’ Naapo unozovaronzera kuti, ‘Izvi ndizvo zvinoronza Mambo Mwari: Avo vakaemeserwa kufa ngenhenda ngavaende mukufa ngenhenda, naavo vakaemeserwa kufa ngeshoti ngavafe ngeshoti; naavo vakaemeserwa kufa ngenzara ngavafe ngenzara; naavo vakaemeserwa uhloko ngavaende muuhloko.’

Jer. 18:11

Ndizvo zvino, erekete kuvanhu vaJudha nokune vagari veJerusarema wechiti, Izvi ndizvo zvinoronza Mambo Mwari: Ringira, inini ndiri muumbi wehari, ndinonasira kushata kunowira padera penyu, nokuronga mazano okumurwisa. Zvino tenderukai umwe ngaumwe wenyu kubva kunjira yake yakashata, munasirise njira dzenyu nezviito zvenyu.’

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 19:3

Unozoti, ‘Izwai izwi raMambo Mwari, O madzimambo aJudha neimwimwi vagari veJerusarema. Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza kushata padera pendau iyi, ukwo kunoti, kunyazwi ndiani unokuzwa, nzee dzake dzinozozhararika.

Jer. 23:12

“Ndizvo njira dzavo dzinozoita kwevari njira dzinotedza muchidima, umwo vanozosundirwamwo nokuwiramwo; ngokuti ndinozounza kushata padera pavo ngegore rokuororwa kwavo,” unoronza Mambo Mwari.

Jer. 25:35

Vaushi avazooni nenjira yokutiza, nokuti vakuru vomutanga kuti vapone.

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 36:31

Neni ndinozomuorora, nemibarirwana yake nevaranda vake ngendaa yokushata kwavo; ndinozounza padera pavo, nepadera pevagari vomuJerusarema, nepadera pevanhu vaJudha, kushata kweshe kwendakaronza kwevari; asi avazi kupurutana.”

Jer. 6:19

Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Chi. 2:22

Wadaidza magaa angu kubva kweshe kwakanditendenedza kudai ngezuva redhiri; ngezuva roushungu hwaMambo Mwari akuna wakapokonyoka nokuti kusara; avo vendakatengura nokurera, gaa rangu ravapedza.

Ezek. 14:3

“Mukororo womunhu, vanhu ava vatora miedzaniso yavo mumwoyo yavo, nokuisa kushata kwavo kuita chipumhuniso pamberi pehope dzavo; ndingadzitendera kubvunzwa ndivo here?

Ezek. 7:5

“Izvi ndizvo zvinoronza Mambo Mwari, Mwari: Kushata kunoteera kushata! Ringira, kunoguma.

Ezek. 8:18

Ndizvo ininiwo ndinozovaitira ngoushungu; dziso rangu arizokunguriri, andizovasvipiri mwoyo; kunyazwi vanozochema munzee dzangu ngeizwi gurutu, andizovapurutani.”

Amo. 5:19

kudai ngomunhu watiza kubva kumhondoro, nouwo wakashongana nebheya; nokuti apotera mumhatso akatsamira nyara yake parukumbati, nenyoka yoroyomuruma.

Mik. 3:4

Zvino vanozochema kunaMambo Mwari, asi aazovapinguri; unozofisha hope yake kubva kwevari ngouwo mukuwo, ngokuti vakaita zvakashata muzviito zvavo.

Zek. 7:13

Ndizvo zvakaitika, apo akadaidza, vakaramba kuzwa; ngokudaro apo vakadaidzira, neni ndakaramba kuzwa, unoronza Mambo Mwari wehondo,

1 VaTes. 5:3

Naapo vanozoti, “Kuripo kunyarara nokungwaririka,” zvino ngokukasira kuparadzwa kuchauya padera pavo, kudai ngokurwadziwa kunouya padera pomudzimai wosununguka, apana unozopokonyoka!

Vahebheru 1:3

Aye uri kupenya kwouthende hwaMwari nomuedzaniso wemene waMwari, nokugwinyisa zviro zveshe ngesimba reizwi rake. Naapo achenesa zvishaishi, wakagara pashi ngokumudyo kwoUkuru mudenga.