Jer. 11:10 - Bhaibheri Rakachena muChindau

¹⁰ Vahwirira mukushata kwemadzibaba avo ekaretu, avo vakaramba kupurutana mazwi angu; vakateera zvimwari zvimweni kuzvidira; vemhatso yaIsuraeri nevemhatso yaJudha vagura chitenderano changu chendakasunga nemadzibaba avo.

Jer. 11:10 Iomraidhean Croise

Nduyo 78:57

asi vakakunukukira sure, vakaita vasikagondi kudai ngemadzibaba avo; vakapauka vakaita kudai ngouta wakagoba.

Isa. 24:5

Nyika inosvipiswa pashi paavo vanogara mukati mwayo; ngokuti vadarika mipango, vashaishira zviemeso, vagura chitenderano chemhera nariini.

Jer. 13:10

Ava vanhu vakashata vanoramba kuzwa mazwi angu, vanohamba ngemisikazwa mumipinimidzo yomwoyo yavo, vechiteera zvimwari zvimweni kuzvishandira nokuzvidira, ndivo vanozodai ngebhande iri risikachadetseri chiro.

Jer. 17:23

Asi avazi kupurutana, nokuti kukotamisa nzee dzavo, vakaomesa mitsipa yavo, kuti vasazwa, nokuti kuashira kudzidziswa.

Jer. 22:9

Navo vanozopingura vechiti, ‘Ngokuti vakasiya chitenderano chaMambo Mwari, Mwari wavo, navo vakadira nokushandira zvimwari zvimweni.’ ”

Jer. 31:32

chisikazi kudai ngechitenderano chendakaita nemadzibaba avo, pendakavatora ngenyara kuvabudisa kubva munyika yeEgipite; chitenderano icho changu chevakagura, kunyazwi ndaiya mwamuna wavo,” unoronza Mambo Mwari.

Jer. 44:16

“Ngendaa yeizwi iro rewaereketa kwetiri muzina raMambo Mwari, atizokupurutani.

Jer. 44:5

Asi avazi kupurutana nokuti kukotamisa nzee dzavo, kuti vatenderuke kubva mukushata kwavo nokurekera kupisha mutombo unegwema kunezvimwari zvimweni.

Jer. 7:28

Unozoti kwevari, ‘Iri ndiro dzinza risikazikupurutana izwi raMambo Mwari, Mwari waro, naro arizi kuashira kupangirwa; gwinyiso rapera, ragurwa kubva kumiromo yaro.’

Jer. 9:6

Ugaro hwenyu huri pakati pokuangiridzwa padera pokuangiridzwa, kuchengedzerwa padera pokuchengedzerwa. Vanoramba kundizia,” unoronza Mambo Mwari.

Ezek. 16:59

“Eya, izvi ndizvo zvinoronza Mambo Mwari, Mwari: Inini ndinozoita kweuri kudai ngezvewakaita, iwewe wakashoora mhiko wechigura chitenderano;

Ezek. 44:7

mukutendera vapara, vasikazi kuchekwa mumwoyo nomunyama, kupinda mundau yangu yakachena, kuti vaitsverudze, mutemperi mwangu, apo imwimwi munopira kwendiri chingwa changu, mafuta nengazi. Vagura chitenderano changu ngezvinyangadzo zvavo zveshe.

Ezek. 5:6

Asi ramukira mitemo nezvitongero zvangu rechiita zvakashata kupinda madzinza nenyika dzeshe dzakaritendenedza, kuramba mitemo yangu risikadi kuteera kuhamba muzviemeso zvangu.

Hos. 6:4

“O Efuremu, ndinozoitenyi kwouri? O Judha, ndinozoitenyi kwouri? Rudo rwako rwakadai ngegore remangwanani, nokudai ngebeto rinokasira kuparara.

Hos. 6:7

Asi avo kudai ndiAdhamu vakagura chitenderano; apo vakaita zvokuchengedzera kwendiri.

Hos. 7:16

Vanohwirira asi haiwa kuno UwoUripadera-pazveshe; vakadai ngouta hwakashata; vatongi vavo vanozowa ngeshoti ngendaa youshungu hworurumi rwavo. Ichi chinozoita kushoorwa kwavo munyika mweEgipite.”

Revhi 26:15

nokudai mwechizoshoora zviemeso zvangu, nokuti kudai mweya yenyu yechizoshoora zvitongero zvangu, musikazoiti mipango yangu yeshe, asi mwechigura chitenderano changu,

Zef. 1:6

avo vakahwirira sure kubva mukuteera Mambo Mwari, avo vasikazi kutsvaka Mambo Mwari, nokuti kubvunzisisa ndiye.

Zek. 1:4

Musadai ngemadzibaba enyu, avo vevakadaidza kwevari vaprofeti vokutanga vechiti, ‘Unoronza izvi Mambo Mwari wehondo: Petukai zvino kubva kunjira dzenyu dzakashata, nokubva kuzviito zvenyu zvakashata. Asi avazi kuzwa, nokuti kupurutana kwendiri, unoronza Mambo Mwari.

Zek. 7:11

“Asi vakaramba kupurutana, vakafuratira pfudzi risikapurutani, vakatsiira nzee dzavo, kuti vasazozwa.

Zek. 7:13

Ndizvo zvakaitika, apo akadaidza, vakaramba kuzwa; ngokudaro apo vakadaidzira, neni ndakaramba kuzwa, unoronza Mambo Mwari wehondo,

Dhuto. 31:16

Mambo Mwari wakati kunaMosi, “Ngokukasira unozoata nemadzibaba ako. Zvino ava vanhu vanozomiruka, vaite umhombo ngokuteera zvimwari zvevanhu vapara venyika yevanozoenda koogara pakati pavo; navo vanozondisiya, nokugura chitenderano changu chendakaita navo.

Dhuto. 9:7

Karakadzai, musakanganwa, njira yemwakatsenesa Mambo Mwari, Mwari wenyu, mushango; kubvira kuzuva remwakabuda ndiro kubva kunyika yeEgipite, metsa kuguma kuneiyi ndau, munondomukira Mambo Mwari.

Vahebheru 8:9

haiwa chakadai ngechitenderano chendakaita nemadzibaba avo, ngezuva rendakavatora ngenyara kuvatungamirira kubuda munyika yeEgipite; ngokuti avazi kuangira kugara muchitenderano changu, neni andizi kupinimidza ndivo, unoronza Mambo Mwari.

Vato. 2:11

Zvino vaIsuraeri vakaita zvakashata mukuona kwaMambo Mwari, vakadira vanaBhaari.

Vato. 2:17

Asi avazi kupurutana vatongi vavo, asi vakaita umhombo kuteera zvimwari zvimweni, vakadzikotamisa kwezviri. Vakakasira kupauka kubva munjira yevakahamba ndiyo madzibaba avo, vechipurutana mipango yaMambo Mwari; asi ivo avazi kuteera chionero chavo.

Vato. 2:19

Asi apo mutongi afa, vaihwirira sure, nokudzishaishira kupinda madzibaba avo, ngokuteera zvimwari zvimweni nokuzvidira nokuzvigwadamira. Avazi kurekera kubva kunezviito zvavo, nokuti kubva kunjira dzavo dzomutinini.

1 Sam. 15:11

“Ndinosvipa mwoyo kuti ndakaemesa Sauri kuita mambo; ngokuti wakapauka kubva mukunditeera, naye aazi kuteera mipango yangu.” Samueri wakashatirwa, naye wakachema kunaMambo Mwari usiku hweshe.