Jer. 10:9 - Bhaibheri Rakachena muChindau

⁹ Sirivha yakapfurwa yakaunzwa kubva Tharshishi, nomukore kubva Ufazi. Mushando womupfuri nowenyara dzomuumbi; zvinopfekeswa ngezvakasvipirika nezvakatsvukuruka; zveshe zviri mushando wevamuna ngwazi.

Jer. 10:9 Iomraidhean Croise

1 Madzi. 10:22

Ngokuti mambo waiya nengarava dzakawanda muruandhle rweTharshishi, pamwepo nengarava dzaHiramu. Kamwe pamakore matatu dzaiuya ngarava dzeTharshishi, dzechiunza mukore, sirivha, nyanga dzenzou, matede, neshiri dzinozwi phikhoki.

2 MaKro. 9:21

Ngokuti ngarava dzamambo dzakaenda Tharshishi nevaranda vaHiramu; kamwe kega pamakore matatu eshe dzaiuya ngarava dzeTharshishi dzaiya dzechiunza mukore, sirivha, nyanga dzenzou, matede, neshiri dzinozwi maphikhoki.

Nduyo 115:4

Miedzaniso yavo isirivha nomukore, mushando wenyara dzevanhu.

Nduyo 72:10

Madzimambo eTharshishi neezviwi ngavamubhadhare chibharo, madzimambo eShebha neeSebha ngavaunze zvipo.

Isa. 23:6

Ambukai Tharshishi; boorerai, O imwimwi vagari vepachiwi.

Isa. 40:19

Muedzaniso? Mupfuri unoumba muedzaniso, nomupfuri womukore unoudzodza ngomukore wakanyunguruswa, nokunasira maketani esirivha.

Ezek. 27:12

“Tharshishi rakatengeserana newe ngendaa youwandu hwoupfumi hwako hweshe; vakatenga midziyo ngesirivha, simbi, thini, nomuthovhi.

Ezek. 27:7

Jira iro rewakatambanudza kuita rokuhluza ndiro raiya rorukangaza rwakanaka rwakarukwa ngezvinemeso rwakabva Egipite; jira retende rako rokukufukidzira raiya rakasvipirika nokutsvukuruka rakabva kuzviwi zvaErisha.

Dha. 10:5

ndakaringira mudenga, ringira, munhu wakasimira jira rorukangaza, chiunu chake chakasungwa ngebhande romukore wakaera waibva Ufazi.

Hos. 8:6

Ngokuti unobva muIsuraeri, mushandi wakariumba; andi Mwari akadi. Konyana reSamaria rinozoputswa kuita zvigurwa.

Jona 1:3

Asi Jona wakamiruka kutizira Tharshishi kubva pamberi paMambo Mwari. Wakadzaka Jopa, akaona ngarava yaienda Tharshishi; ndizvo wakabhadhara mare yokuhamba ndiyo, akakwira mukati mwayo, kuenda navo Tharshishi kubva pamberi paMambo Mwari.

HABHAKUKI 2:19

“Ihehe kwaari unoti kumuti, ‘Muka;’ nokune buwe risikaereketi, ‘Miruka pachako!’ ” Uyu unokona kudzidzisa here? Ringira, wakasetwa ngomukore nesirivha, nawo amuna nakamwe kufema nepadodoko mukati mwawo.