Jer. 10:6 - Bhaibheri Rakachena muChindau

⁶ Akuna naumwe wakadai ndiwe, O Mambo Mwari; uri mukuru, nezina rako iguru musimba.

Jer. 10:6 Iomraidhean Croise

2 Sam. 7:22

Ndizvo uri mukuru, A Mambo Mwari, Mwari; ngokuti akunazve wakadai ndiwe, akunazve Mwari umweni ngepabanze pako, kudai ngeizvo zveshe zvetakazwa ngenzee dzedu.

1 MaKro. 16:25

Ngokuti Mambo Mwari mukuru, naye unosisira kukudzwa kakurutu; ndiye unosisira kutyiwa padera pezvimwari zveshe.

Neh. 4:14

Ndapedza kuringira izvi zviro, ndakamiruka ndikati kunevakuru, vatongi nevanhu vamweni, “Musavatya. Karakadza Mambo Mwari, mukuru nounotyisa, murwire hama dzenyu, vakororo venyu, vanasikana venyu, vakadzi venyu nemhatso dzenyu.”

Neh. 9:32

“Ndizvo zvino, Mwari wedu, mukuru, unesimba, naMwari unotyisa, unongwarira chitenderano norudo rukuru, usikaringiri kutambudzika kweshe kudai ngechiro chidoodoko mukuona kwako, ukwo kwauya padera pedu, padera pemadzimambo edu, pevakuru vedu, padera pevapristi vedu, padera pevaprofeti vedu, pemadzibaba edu nepevanhu veshe vako, kubvira ngomukuwo wemadzimambo eAsiria metsa nyamashi.

Nduyo 145:3

Mambo Mwari mukuru, unosisira kuti akudzwe kakurutu; ukuru hwake ahungatsvakwi.

Nduyo 147:5

Mwari wedu mukuru, unesimba rakawandisa; kuzwisisa kwake akuna magumo.

Nduyo 35:10

Magodo angu eshe anozoti, “Mambo Mwari, ndiani wakadai ndiwe? Unonunura murombo kubva kuneavo vanesimba rinopinda ravo, unonunura murombo nomutami kubva kunouwo unomuchakata.”

Nduyo 48:1

Mambo Mwari mukuru, unosisira kukudzwa kakurutu, mudhorobha raMwari wedu. Mutunhu wake wakachena,

Nduyo 96:4

Ngokuti Mambo Mwari mukuru, unosisira kukudzwa kakurutu; unosisira kutyiwa kupinda zvimwari zveshe.

EKISEDHUSI 15:11

Ndiani wakadai ndimwi, A Mambo Mwari, pakati pezvimwari? Ndiani wakadai ndimwi, unouthende mukuchena, unokutyisa mukuirikidzwa, unoita mishamiso?

EKISEDHUSI 8:10

Iye wakati, “Mangwani.” Mosi wakati, “Ngazviitike kudai ngeizwi rako, kuti uzie kuti akuna wakadai ndiMambo Mwari, Mwari wedu.

EKISEDHUSI 9:14

Ngokuti ngouyu mukuwo ndinozotuma nhenda dzangu dzeshe padera pomwoyo wako, padera penduna dzako nepevanhu vako kuitira kuti uzie kuti akuna wakadai ndini munyika yeshe.

Isa. 12:6

Daidzirai nokuemba ngokudakara, imwimwi munogara muZioni, ngokuti Wakachena waIsuraeri mukuru pakati penyu.”

Isa. 40:18

Ndizvo ndiani womungaedzanisa naMwari? Chiedzanisonyi chomungaedzanisa naye?

Isa. 40:25

“Ndiani womunozondiedzanisa naye, nokuti ndiani wakadai ndini?” Unoronza Uwo Wakachena.

Isa. 46:5

Munozonditodzanisa nani, munozondiedzanisa nenyi nokundiita ingateyi takatodzana?”

Isa. 46:9

Karakadzai zviro zvokutanga zvekaretu; ngokuti ndini Mwari, akuna umweni; ndini Mwari, akuna umweni wakadai ndini,

Jer. 10:16

Chikoaniswa chaJakobe achizi kudai ndiyo akadi, ngokuti ndiye Mururi wezviro zveshe, naIsuraeri idzinza renhaka yake; Mambo Mwari wehondo ndiro zina rake.

Jer. 32:18

Unoonisa rudo runenyasha kumakumi emazana emibarirwana, nokuunzidzira kushata kwemadzibaba padera pevana vavo vanoteera sure kwavo, O mukuru nounesimba Mwari, uwo zina rake ndiMambo Mwari wehondo,

Dha. 4:3

“Kukuranyi kwezvioniso zvake! A, kugwinya kwemishamiso yake! Umambo hwake umambo hwemhera nariini, nokutonga kwake kunobvira kumubarirwana kuenda kumubarirwana.

Dha. 4:34

Naapo mukuwo uwo wapera, inini Nebhukhadhineza ndakamirudza madziso angu mudenga, nokupinimidza kwangu kwakauyazve kwendiri. Ndakakudza Uri-padera-pazveshe, ndikairikidza nokuremeredza Umwe unopona mhera nariini, uwo kutonga kwake kuri kutonga kusikaperi, noumambo hwake hunobvira kumubarirwana kuenda kumubarirwana.

Mar. 1:11

Ngokuti kubvira mukubuda kwezuva metsa kupota kwaro zina rangu iguru pakati pemadzinza; nokundau dzeshe mutombo wokupisha unegwema rakanaka unozopirwa kuzina rangu, nomunikero wakachena; ngokuti zina rangu iguru pakati pevemadzinza, unoronza Mambo Mwari wehondo.

1 VaK. 8:6

asi kwetiri uripo Mwari umwe, ndivo Baba, zviro zveshe zviripo zvinobva kwaari, nesu tiripo ngokuda kwake, naMambo umwe Jesu Kristu, kubudikidza ndiye zviro zveshe zviripo, nesu kubudikidza ndiye tiripo.

Dhuto. 32:31

Ngegwinyiso ruware rwavo aruzi kudai ngoRuware rwedu, nemagaa edu emene anotonga kudaro.

Dhuto. 33:26

Akuna wakadai ndiMwari waJeshuruni, uwo unogadha padera pematenga kuuya kukudetsera, nokuukuru hwake kudarika ngomumakore.