Jer. 10:5 - Bhaibheri Rakachena muChindau

⁵ Miedzaniso yakadai ngezungazunga rokudzinga makunguwo mumunda wemagaka, aikoni kuereketa; inotwarwa, ngokuti aikoni kuhamba. Musaitya, ngokuti aikoni kuita zvakashata, nokuti kuita zvakanaka.”

Jer. 10:5 Iomraidhean Croise

1 Madzi. 18:26

Ndizvo vakatora mukono wakapuwa kwevari, vakaunasirira, vakakumbira ngezina raBhaari kubvira mangwanani metsa masikati vechiti, “A Bhaari, tipingure!” Asi kwaiya kusina izwi haro, nokuti mupinguro. Vakanyandukira padera pearita rakaakwa.

2 MaKro. 25:15

Ndizvo ushungu hwaMambo Mwari hwakabaka kunaAmazia, wakatuma muprofeti kwaari, uwo wakati kwaari, “Wakatsvaka ngenyi zvimwari zvevanhu, zvisikazi kukona kurwira vanhu vazvo kubva kunyara yako?”

Isa. 16:12

Naapo Moabhi paanodzionisa pachake, apo paanodzitambudza pachake padera pendau yakakwirira, apo paanouya kundau yake yakacheneswa kookumbira, aazonyisi akadi.

Isa. 45:20

“Unganidzanai pachenyu muuye pamwepo, kwedzeranayi pasinde, imwimwi mwakapokonyoka kubva mumadzinza! Avana ruziyo avo vanotwara peshe miedzaniso yavo yemiti, vechiangira kukumbira kunechimwari chisikakoni kuponesa.

Isa. 46:1

“Bheri naNebho vanokotama pashi; miedzaniso yavo yokudira inoita mutwaro padera pemhuka nen'ombe; zviro zvomunotwara zvakarongedzwa kudai ngomutwaro padera pemhuka dzakaremba.

Isa. 46:7

Vanochimirudza papfudzi, vanochitwara, vanochiemesa pandau yacho, nacho chinoemapo; achikoni kuhamba kubva pandau pacho. Kudai umwe echidaidzira kwechiri, achikoni kupingura, nokuti kumuponesa kubva mukutambudzika kwake.

Jer. 10:14

Munhu weshe uri bungumupee mukuzia kwake; mupfuri weshe unotsverudzwa ngemiedzaniso yake, ngokuti miedzaniso yake ngeyokunyepera, amuna mweya wokufema mukati mwayo.

HABHAKUKI 2:19

“Ihehe kwaari unoti kumuti, ‘Muka;’ nokune buwe risikaereketi, ‘Miruka pachako!’ ” Uyu unokona kudzidzisa here? Ringira, wakasetwa ngomukore nesirivha, nawo amuna nakamwe kufema nepadodoko mukati mwawo.

1 VaK. 12:2

Munozia kuti apo muchiri mahedheni mwaikweyiwa kuenda kune iyo miedzaniso isikaereketi, kunyazwi mwaikweyiwa ngenjira yakadini.

1 VaK. 8:4

Ndizvo ngendaa yokudya izvo zvinopirwa kumiedzaniso, tinozia kuti, “Akuna muedzaniso munyika unopona,” nokuti, “Akuna Mwari umweni, asi umwe.”

Dhuto. 4:28

Naapo munozoshandira zvimwari zvimweni zvakaitwa ngenyara dzevanhu, zviri zvemiti nezvemapuwe, zvisikakoni kuona, nokuti kuzwa, nokuti kudya, nokuti kufemba.