Jer. 10:22 - Bhaibheri Rakachena muChindau

²² Izwai, bope! Purutana, rinouya, bope guru rinobva kunyika yedera, kuita kuti madhorobha aJudha aite matongo, bako remakava anotyisa.”

Jer. 10:22 Iomraidhean Croise

Isa. 34:13

Minzwa inozomera mungome yayo, makato nengwenanguruve zvinozomera mungome nomumarukumbati avo. Inozoita bako rehava, nougaro hwemhowani.

Jer. 1:14

Zvino Mambo Mwari wakati kwendiri, “Kushata kunozobva ngedera kuguma padera pevanhu veshe venyika.

Jer. 1:15

Ngokuti, ringira, ndinodaidza marudzi eshe oumambo hwedera,” unoronza Mambo Mwari; “Navo vanozouya, vanozoemesa umwe ngaumwe dendemaro rake pamisiwo yeJerusarema, nepamarukumbati eshe aro anoritendenedza, nokumadhorobha eshe aJudha.

Jer. 2:15

Mhondoro dzamubhongera, dzabhonga kakurutu. Vakachakata nyika yake; madhorobha ake aamatongo, asina unogaramwo.

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 4:15

Ngokuti izwi rinodaidzira rinobva Dhani, nerinodaidzira kutambudzika kunobva kuMutunhu Efuremu.

Jer. 4:6

Emesai mujeki muringire Zioni; tizai kuti mupone, musanonoka, ngokuti ndinounza kushata kunobva ngedera nokuparadzwa kukurutu.”

Jer. 49:33

“Hazori rinozoita ugaro hwemakava nokuita matongo mhera nariini; akuna munhu unozogaramwo, nokuti umwe ungaakamwo.”

Jer. 5:15

“Ringira, ndinounza padera pako dzinza rinobva kuretu, O mhatso yaIsuraeri” unoronza Mambo Mwari. “Idzinza rinogara, riri dzinza rekaretu, dzinza rousikazii rurumi rwaro, auzwi cherinoereketa.

Jer. 6:1

Tizai kuti mupone, O vana vaBhenjamini, kubva pakati peJerusarema! Muridze gwama muThekoa, mwechiemesa mujeki muBhethi-hakheremu; ngokuti kushata kunouya kubva dera, nokuparadzwa kukuru.

Jer. 6:22

Izvi ndizvo zvinoronza Mambo Mwari, “Ringira, vanhu vanouya kubva kunyika yedera, dzinza guru rinomuswa kubva kumarupande arikure enyika.

Jer. 9:11

“Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Chi. 1:4

Njira dzinoenda Zioni dzinochema, ngokuti akuna naumwe unouya kumadhiri akaemeswa; misiwo yaro yeshe yaparadzwa, vapristi varo vanogwimba; mhandwe dzaro dzinotambudzika, iro pacharo riri mukutambudzika.

Ezek. 12:19

uti kunevanhu venyika, ‘Izvi ndizvo zvinoronza Mambo Mwari, Mwari ngendaa yevagari veJerusarema munyika yaIsuraeri: Vanozodya chingwa chavo mukutyiswa, nokumwa mvura yavo mukupera simba, ngokuti nyika yavo inozotorerwa zveshe zviri mukati mwayo, ngendaa yokugebenga kwavo veshe vanogara mukati mwayo.

Mar. 1:3

asi ndanyenya Esau, ndaita kuti nyika yake yezvimitunhu iite matongo nenhaka yake kuita rubaya rwemakava.”