Jer. 10:21 - Bhaibheri Rakachena muChindau

²¹ “Ngokuti vaushi mabungumupee, avabvunzi Mambo Mwari; ndizvo avazi kubudirira nezvifuyo zvavo zveshe zvapararira kweshe.

Jer. 10:21 Iomraidhean Croise

Jer. 10:14

Munhu weshe uri bungumupee mukuzia kwake; mupfuri weshe unotsverudzwa ngemiedzaniso yake, ngokuti miedzaniso yake ngeyokunyepera, amuna mweya wokufema mukati mwayo.

Jer. 10:8

Asi veshe mabungumupee nemapenzi. Chidzidzo chinoitwa ngemiedzaniso achinaki kupinda chemuti.

Jer. 12:10

Vaushi vakawanda vaparadza munda wangu wemivhini, vatsikatsika pashi petsoka chikoaniswa changu, vaita kuti chikoaniswa changu chinodakadza chiite shango risina chiro.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 22:30

Izvi ndizvo zvinoronza Mambo Mwari, “Nyora, ‘Munhu uyu kudai ngeusina mwana, munhu usikazobudiriri mumazuva ake; ngokuti akuna naumwe worudzi rwake unozobudirira, kugara padendemaro raDhavhidha, nokutonga munyika yaJudha.’ ”

Jer. 49:32

“Mangamera avo anozochakatwa, nen'ombe dzavo dzakawanda dzinozopambiwa. Inini ndinozovaparadzira kudutu reshe avo vakaparwa bvudzi pamarutii ehuma dzavo, neni ndinozounza kutambudzika kukuru kubva kumarupande eshe,” unoronza Mambo Mwari.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 50:17

“VaIsuraeri vakadai ngegwai rinovhimwa rinorumbirirwa ngemhondoro. Pakutanga mambo weAsiria wakavadya, nepakugumisira Nebhukhadhineza mambo weBhabhuroni wakatsenga magodo avo.”

Jer. 8:9

Vanhu vakangwara vanozotsverudzwa, vanozopera simba nokutorwa; ringira vakaramba izwi raMambo Mwari; kungwaranyi kuri mukati mwavo?

Ezek. 34:12

Kudai ngomuushi unotsvaka zvifuyo zvake, apo ari pakati pemakwai ake akapararira, ndizvo ndinozotsvaka makwai angu. Ndinozoabvisa kundau dzeshe paakapararira ngezuva remakore nechidima chakakora.

Zek. 10:3

“Ushungu hwangu hunobaka kuvaushi, neni ndinozoorora makotokoto; ngokuti Mambo Mwari wehondo unongwarira makwai ake, mhatso yaJudha, naye unozovaita kuti vadai ngehachi rake rinodadisa muhondo.

Zek. 13:7

“Muka, O shoti, urwe nomuushi wangu, urwe nomunhu uri hama yangu, unoronza Mambo Mwari wehondo. Baya muushi, kuti makwai apararire kweshe; ndinozopetudza nyara yangu padera pevadoko.