Jer. 10:20 - Bhaibheri Rakachena muChindau

²⁰ Tende rangu raparadzwa, nemapote angu eshe adamburwa; vana vangu vandisiya, apachina; apachina naumwe wokutambanudzazve tende rangu, nokuemesa machira angu omukati mwetende.”

Jer. 10:20 Iomraidhean Croise

Jobe 7:8

Dziso iro rinondiona arichazondionizve; naapo madziso ako anondiringira, andichazoapopi.

Mazwi 12:7

Vakashata vanoparadzwa, navo avachaapopi; asi mhatso yewakarurama inozoema.

Isa. 51:16

Ndaisa mazwi angu mumuromo wako, nokukufisha mubvute renyara yangu, ndechitambanudza matenga, nokuaka matsikiro enyika, nokuti kuneZioni, ‘Muri vanhu vangu.’ ”

Isa. 51:18

Akuna naumwe wokumutungamirira pakati pevana veshe vaakabereka; apana naumwe unomubata nyara pakati pevana veshe vaakarera.

Isa. 54:2

“Kudza ndau yetende rako, machira ougaro hwako ngaatambanudzwe; usatsonza; rebesa tambo dzematende ako, ugwinyise mbambo dzako.

Jer. 30:17

Ngokuti ndinozomutambisa, ndinozorapa maonje enyu, unoronza MamboMwari, ‘Ngokuti vakamududza kuti varashwa’ vechiti, ‘Ndiro Zioni; akuna naumwe unendaa naro.’ ”

Jer. 31:15

Izvi ndizvo zvinoronza Mambo Mwari: “Izwi rinozwika muRama, kuchema nokutsumba kukurutu. Racheri unochemera vana vake; unoramba kuemberedzerwa ngendaa yevana vake, ngokuti apachina.

Jer. 4:20

Kuparadzwa kunoteera kuparadzwa, nyika yeshe yaparadzwa. Matende angu anoparadzwa ngokukasira, machira angu omukati mwematende ngomukuwo mudoko.

Chi. 1:5

Magaa aro aita vatongi varo, mapandu aro anobudirira, ngokuti Mambo Mwari wakariita kuti ritambudzike ngendaa youwandu hwezvishaishi zvaro; vana varo vapinda muubatwa pamberi pemagaa.

Mik. 2:9

Vakadzi vevanhu vangu munovadzinga kubva mumhatso dzavo dzakanakisa; kubva kuvana vavo vadoko munobvisa uthende hwangu mhera nariini.