Jer. 10:19 - Bhaibheri Rakachena muChindau

¹⁹ “Ihehe kwendiri ngendaa yokuremadzwa kwangu! Ronda rangu rakakura. Asi ndakati, ‘Chokwadi uku kuororwa kwangu, kunotamika kuti ndikutware.’

Jer. 10:19 Iomraidhean Croise

Nduyo 39:9

Ndiri chimbungumbungu, andizi kushama muromo wangu; ngokuti ndiwe wazviita.

Nduyo 77:10

Neni ndinoti, “Uku kutama simba kwangu kuti nyara yokumudyo youwo Uripadera-pazveshe yapinduka.”

Isa. 8:17

Neni ndinozogarira Mambo Mwari, uwo unofisha hope yake kubva kumhatso yaJakobe, neni ndinozogonda mwaari.

Jer. 14:17

Unozoronza kwevari iri izwi: “Madziso angu ngaaerere masodzi usiku nemasikati, usatendera kuti arekere, ngokuti mhandara, vanhu vangu, waremadzwa kakurutu, ngokuchaiwa kunotyisa vane chironda chakakura.

Jer. 14:7

O Mambo Mwari, kunyazwi zvishaishi zvedu zvinopupura tisu kutiitire ndaa, chiita ngendaa yezina rako; ngokuti takahwirira sure kazhinji, takashaisha kwouri.

Jer. 17:13

O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Jer. 4:19

Ndarwadziwa, mwoyo wangu! Ndarwadziwa, mwoyo wangu! Ndinorwadziwa mumwoyo wangu; mwoyo wangu unochema mukati mwangu; andikoni kunyarara, ngokuti mweya wangu wazwa kuridzwa kwegwama, nokurira kwemhere yehondo.

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 8:21

Ngendaa yokuremadzwa kwevanhu vangu varombo, neni ndaremadzwa; ndinosvipa mwoyo; kushamiswa kwandibata.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Chi. 1:2

Rinochema kakurutu usiku, nemasodzi aro anomozoka pamatama aro; pakati pevadikani varo arina naumwe wokuriembedzera; vangani varo veshe vakashanda naro ngokuchengedzera, navo vakaita magaa kweriri.

Chi. 3:48

Madziso angu anoerera ndwizi dzemasodzi, ngendaa yokuparadzwa kwevanhu vangu.

Mik. 7:9

Ndinozotwara ushungu hwaMambo Mwari, ngokuti ndakashaisha kwaari, metsa andirwira ndaa yangu nokundiunzidzira. Unozondiunza mukujeka, neni ndinozoona kururama kwake.