Jer. 10:12 - Bhaibheri Rakachena muChindau

¹² Ndiye wakasika nyika ngesimba rake, wakaemesa nyika ngoungwaru hwake, ngokuzwisisa kwake wakatambanudza matenga.

Jer. 10:12 Iomraidhean Croise

Gen. 1:1

Pakutanga Mwari wakasika denga nenyika.

Gen. 2:5

naapo kusati kwatongo apo nechisimwa cheshango munyika, nomuriwo naumwe waiya wamera, ngokuti Mambo Mwari waiya asati aita kuti mvura inaye padera penyika, paiya pasina munhu wokurima ivhu;

1 MaKro. 16:26

Ngokuti zvimwari zveshe zvevanhu miedzaniso, asi Mambo Mwari ndiye wakarura matenga.

Jobe 26:7

Unotambanudza denga redera padera pepasina chiro, unoturika nyika pasina chitsimiso.

Jobe 37:18

Iwewe ungakona here kudai ndiye kutambanudza denga, rakaoma kudai ngechibuko chakanyunguruswa?

Jobe 9:8

uwo ega unotambanudza matenga, echihamba padera pemafungu oruandhle,

Nduyo 104:2

Unofuka kujeka kudai ngechokupfeka; unotambanudza matenga akadai ngetende;

Nduyo 104:24

A Mambo Mwari, mishando yako aibviri ngokuwanda! Wakaita yeshe ngoungwaru; nyika yakazara ngezvisikwa zvako.

Nduyo 119:90

Ugondeki hwako hunogara kumibarirwana yeshe; iwewe wakatsimisa nyika, nayo inogara iripo.

Nduyo 24:2

ngokuti wakaiemesa padera peruandhle, akaigwinyisa padera perwizi.

Nduyo 33:6

Ngeizwi raMambo Mwari matenga akasikwa, nehondo dzawo dzeshe ngomweya womuromo wake.

Nduyo 65:7

Unonyaradza kuungumira kworuandhle, nokuungumira kwemafungo nebope revanhu.

Nduyo 78:69

Wakaaka ndau yake yakachena, kudai ngematenga akakwirira, kudai ngenyika yaakatsimisa mhera nariini.

Nduyo 93:1

Mambo Mwari ndimambo, wakapfeka umambo; Mambo Mwari wakafuka, wakadzisunga ngesimba. Wakaemesa nyika, aizozungunyiswi.

Mazwi 3:19

Ngoungwaru Mambo Mwari wakasika nyika; ngokuzwisisa wakaemesa matenga.

Mazwi 30:4

Ndiani wakakwira mudenga, nokuti kudzaka kubveyo? Ndiani wakaunganidza mhepo pakati penyara? Ndiani wakaputira mvura mujira? Ndiani wakaemesa magumo eshe enyika? Ndiani zina rake, nezina remwana wake? Ngegwinyiso unozia!

Isa. 37:16

“A Mambo Mwari wehondo, Mwari waIsuraeri, uwo wakagara padera pemakherubi, iwe uri Mwari, iwewe wega, muumambo hwenyika dzeshe; iwe wakasika denga nenyika.

Isa. 40:22

Ndiye unogara padera mukutenderera kwenyika, nevagari vemwo vakadai ngegwata rendongwe; ndiye unotambanudza matenga kudai ngejira, nokuakaka kudai ngetende rokugaremwo.

Isa. 42:5

Unoronza izvi Mwari, Mambo Mwari, uwo wakasika matenga akaatambanudza, uwo wakatambanudza nyika, neizvo zvinobuda kubva mukati mwayo; uwo unopa vanhu vanogara padera penyika mweya wokufema, nomweya kuneavo vanohamba mukati mwayo,

Isa. 44:24

Izvi ndizvo zvinoronza Mambo Mwari, Muripiri wako, uwo wakakurura mundani: “Ndini Mambo Mwari, wakasika zviro zveshe, uwo ega wakatambanudza matenga, uwo pachake wakatambanudza nyika;

Isa. 45:12

Ndakaita nyika, ndikasika munhu padera payo; inyara dzangu dzakatambanudza matenga, neni ndakapanga hondo dzawo dzeshe.

Isa. 45:18

Ngokuti ndizvo izvi zvinoronza Mambo Mwari, uwo wakasika matenga (Mwari emene!) Wakaumba nyika nokuiita, (wakaigwinyisa, aazi kuisikira madambudziko, asi wakaisikira kuti igariwe ngavanhu!) Inini ndini Mambo Mwari, akuna umweni.

Isa. 48:13

Nyara yangu yakaisa tsikiro renyika, nenyara yangu yokumudyo yakatambanudza matenga; apo ndechizvidaidza, zvinomiruka kuema kutidzi.

Isa. 49:8

Ndizvo izvi zvinoronza Mambo Mwari, “Ngomukuwo unoashirika ndakupingura, ngezuva roruponeso ndakudetsera; neni ndaikungwarira, nokukupira kuita chitenderano nevanhu, kumirudza nyika, kuita kuti vagare nhaka youpfumi hwakachakatwa,

Jer. 10:13

Naapo anoereketa izwi rake, kuripo kutinhira kwemvura mudenga, naye unoita kuti mhute ipwititike kubva kumagumo enyika. Unoita mheni nemvura nokubudisa dutu kubva mudura rake.

Jer. 10:16

Chikoaniswa chaJakobe achizi kudai ndiyo akadi, ngokuti ndiye Mururi wezviro zveshe, naIsuraeri idzinza renhaka yake; Mambo Mwari wehondo ndiro zina rake.

Jer. 14:22

Chiripo here chimwari chemadzinza pakati pezvimwari zvisina shwiro chingakona kunaisa mvura? Nokuti matenga angadzasa mvura here? Andiwepi here, Mambo Mwari, Mwari wedu? Taisa gonda redu peuri, ngokuti ndiwe unoita izvi zveshe.

Jer. 27:5

Ndakasika nyika, nevanhu nemhuka dziri padera penyika, ngesimba rangu guru, nokutambanudzwa kwenyara yangu, neni ndinoipa kunyazwi kunaani wendinodakara ndiye.

Jer. 32:17

“A Mambo Mwari! Ndiwe wakaita denga nenyika ngesimba rako guru, ngomuoko wako wakatambanudzwa. Akuna chakanyanya kukonza kwouri.

Zek. 12:1

Izwi raMambo Mwari ngendaa yaIsuraeri. Izvi ndizvo zvinoronza Mambo Mwari, uwo unotambanudza matenga nokuemesa madzeyo enyika, nokusika mweya womunhu mukati mwake:

Johani 1:3

Zviro zveshe zvakasikwa kubudikidza ndiye, ngepabanze pake paiya pasina chiro nachimwe chakasikwa cheizvo zvakasikwa.

Vakorose 1:16

ngokuti mwaari zviro zveshe zvakasikwa, zviri mudenga nezviri munyika, zviro zvinooneka nezvisikaoneki, kunyazwi madendemaro nokuti umambo nokuti vatongi nokuti vane simba; zviro zveshe zvakasikwa kubudikidza ndiye, nazvo zvakasikirwa iye.