Jer. 10:10 - Bhaibheri Rakachena muChindau

¹⁰ Asi Mambo Mwari ndiye Mwari wegwinyiso, ndiMwari unopona, naMambo wemhera nariini. Paushungu hwake nyika inohuta, madzinza aakoni kuemerera ushungu hwake.

Jer. 10:10 Iomraidhean Croise

Gen. 21:33

Abrahama wakasima muti wemuthamarisiki muBheeri-shebha, akakumbirapo ngezina raMambo Mwari, Mwari wemhera nariini.

1 Madzi. 18:39

Naapo vanhu veshe vazviona, vakawa pashi ngehope dzavo, vakati, “Mambo Mwari ngegwinyiso ndiye Mwari; Mambo Mwari ngegwinyiso ndiye Mwari.”

1 Madzi. 8:60

kuitira kuti vanhu veshe venyika vazie kuti Mambo Mwari ndiMwari, akunazve umweni.

1 MaKro. 29:11

Ukuru ngohwako, A Mambo Mwari, simba, uthende, kunyisa noumambo; ngokuti zveshe zviri mudenga nomunyika ngezvako; umambo ngohwako, A Mambo Mwari, iwewe wakamirudzwa kuita soro padera pezviro zveshe.

2 MaKro. 15:3

Panguva yakareba vaIsuraeri vakagara vasina Mwari wegwinyiso, vasina nomupristi wokudzidzisa, vasina nomupango.

Jobe 9:6

uwo unozungunyisa nyika kubva pandau yayo, nesika dzayo dzinohuta.

Nduyo 10:16

Mambo Mwari ndiMambo mhera nariini; madzinza anozopera kubva munyika yake.

Nduyo 100:3

Ziai imwimwi kuti Mambo Mwari ndiye Mwari. Ndiye wakatisika, nesu tiri vake; tiri vanhu vake, nemapwizhi emubusho yake.

Nduyo 100:5

Ngokuti Mambo Mwari wakanaka; nyasha dzake dzinorudo dzinogara mhera nariini, nougondeki hwake huri kumibarirwana yeshe.

Nduyo 104:32

uwo unoringira panyika, nayo inotengenda, uwo unogwama mitunhu yoroyopwititika chiushi.

Nduyo 114:7

Huta, iwewe nyika, ngokuapo kwaMambo Mwari, ngokuapo kwaMwari waJakobe,

Nduyo 145:13

Umambo hwako umambo hwemhera nariini, nokutonga kwako kuchagara kumibarirwana yeshe. Mambo Mwari unogondeka mumazwi ake eshe, nenyasha mumishando yake yeshe.

Nduyo 146:6

uwo wakasika denga nenyika, ruandhle, nazvo zveshe zvirimwo; unongwarira gonda mhera nariini.

Nduyo 18:7

Zvino nyika yakazungunyika, ikatengendeka; nemadzeyo emitunhu akatengendekawo akangundangunda, ngokuti waiya anyangadzwa.

Nduyo 29:10

Mambo Mwari unogara padendemaro roumambo padera pendambi; Mambo Mwari unogara padendemaro roumambo mhera nariini.

Nduyo 31:5

Munyara yako ndinopira mweya wangu; wakandiripira, Mambo Mwari, Mwari wakagondeka.

Nduyo 42:2

Mweya wangu unenyota yokuda Mwari, Mwari unopona. Ndinozouya riini ndione hope yaMwari?

Nduyo 68:11

Mambo Mwari unopa izwi; chikurutu chiunga cheavo vanoteketesa mashoko akanaka:

Nduyo 68:8

nyika yakatengenda, matenga akadurura mvura ngokuapo kwaMwari, Mwari weMutunhu weSinai, ngokuapo kwaMwari, Mwari waIsuraeri.

Nduyo 74:12

Asi Mwari ndiye Mambo wangu kubvira karetu, unoshanda ruponeso mukati mwenyika.

Nduyo 76:7

Asi, iwewe ngegwinyiso unotyisa! Ndiani ungaema pamberi pako apo ushungu hwako hwabaka?

Nduyo 76:8

Wakaita kuti kutonga kuzwike kwechibva mudenga; nyika yakatya ikanyarara,

Nduyo 77:18

Izwi rokutinhira kwako raiya muchipupuri; mheni dzako dzakajekisa nyika; nyika yakatengenda, ikazungunyika.

Nduyo 84:2

Mweya wangu unodisisa ngegwinyiso unopera simba ngoruwanze rwengome dzaMambo Mwari; mwoyo wangu nenyama yangu zvinoemba ngokudakara kunaMambo Mwari unopona.

Nduyo 9:8

Unotonga nyika ngokururama, unotonga vanhu ngokururamisa.

Nduyo 90:11

Ndiani unozia simba roushungu hwako? Ushungu hwako hwakakura kudai ngokutyisa kunokusisira.

Nduyo 90:2

Mitunhu isati yasikwa, nokuti usati wasika ivhu nenyika, iwewe ndiwe Mwari kubvira mhera nariini metsa mhera nariini.

Nduyo 93:2

Dendemaro rako rakaemeswa kubvira karetu; iwewe waindoiyapo kubvira karetu.

Nduyo 97:4

Mhene dzake dzinojekisa nyika; nyika inoona, nokuhuta.

Isa. 37:17

Kotamisa nzee yako, O Mambo Mwari, uzwe; beura madziso ako, O Mambo Mwari, uone; izwa mazwi eshe aSenakheribhi, awo aakatumira kuti atsverudze Mwari Unopona.

Isa. 37:4

Pamweni Mambo Mwari, Mwari wako, wazwa mazwi aRabhishake, uwo mambo wake, mambo weAsiria wakatumira kuti atsverudze Mwari wokupona, nokurambidza mazwi awo Mambo Mwari, Mwari wako, aakazwa; ndizvo mirudza izwi rako rokukumbira ngendaa yevakasara vakasiiwa.’ ”

Isa. 40:15

Ringirai, madzinza akadai ngedonhwe muchidziyo, anoerengwa kudai ngebukuta shomani pachipimo; ringirai, unotora zviwi kudai ngebukuta rakamotseka.

Isa. 40:28

Amuzi kuzia here? Amuzi kuzwa here? Kuti Mambo Mwari ndiMwari wemhera nariini, Musiki wemagumo enyika yeshe. Aatongodemeri, aarembi, akuna kutsvakisisa kwokuzwisisa kwake.

Isa. 57:15

Ngokuti izvi ndizvo zvinoronza uwo uri padera newakakwirira, uwo unogara mumhera nariini, uwo zina rake Rakachena: “Ndinogara mundau yakakwirira neyakachena, nouwo unomweya unotambudzika, wakapfaa mumweya, kumusirira mumweya wouwo wakapfaa, nokumusira mwoyo yaavo vanotenda ngomwoyo.

Isa. 65:16

Zvino kunyazwi ndiani uwo unokumbira kufumiswa munyika unozofumiswa ndiMwari wokugondeka; kunyazwi ndiani unopika munyika, unozopika ndiMwari wokugondeka; ngokuti madambudziko ekare ariyarikanwa, nawo afishwa kubva kumadziso angu.”

Jer. 23:36

Asi amuchazoereketizve ngomutwaro waMambo Mwari, ngokuti izwi romunhu umwe ngaumwe rinozoita mutwaro wake, ngokuti mwakapindura mazwi aMwari unopona, Mambo Mwari wehondo, Mwari wedu.

Jer. 4:2

nokudai wechipika, ‘Kudai ngezvaanopona Mambo Mwari,’ mugwinyiso, mukutonga kwakanaka, nomukururama, zvino madzinza anozofumiswa ndiye mwaari, vanozoganza kwaari.”

Jer. 4:24

Ndakaringira mitunhu, wona, yaihuta, nezvitunhu zvaizungunyika kakurutu kuenda mberi nesure.

Jer. 50:46

Ngebope rokubatwa kweBhabhuroni nyika inozohuta, nokuchema kunozozwika pakati pemadzinza.”

Jer. 51:29

Nyika inohuta nokundengendeka, ngokuti biningidzo raMambo Mwari rokurwisa Bhabhuroni zvinozoitika, kuti nyika yeBhabhuroni iite matongo isina unogaramwo.

Dha. 4:3

“Kukuranyi kwezvioniso zvake! A, kugwinya kwemishamiso yake! Umambo hwake umambo hwemhera nariini, nokutonga kwake kunobvira kumubarirwana kuenda kumubarirwana.

Dha. 4:34

Naapo mukuwo uwo wapera, inini Nebhukhadhineza ndakamirudza madziso angu mudenga, nokupinimidza kwangu kwakauyazve kwendiri. Ndakakudza Uri-padera-pazveshe, ndikairikidza nokuremeredza Umwe unopona mhera nariini, uwo kutonga kwake kuri kutonga kusikaperi, noumambo hwake hunobvira kumubarirwana kuenda kumubarirwana.

Dha. 6:26

Ndinoemesa chiemeso, kuti mukutonga kweshe kwoumambo hwangu vanhu ngavahute nokutya pamberi paMwari waDhanieri: “Ngokuti ndiMwari unopona, naye wakagwinya mhera nariini. Umambo hwake ndihwo husikaparadzwi, nokutonga kwake akuna magumo.

Dha. 6:27

Unonunura nokurwira, naye unoita zvioniso nemishamiso mudenga nomunyika; ngokuti wanunura Dhanieri kubva kusimba remhondoro.”

Dha. 7:14

Kwakapuwa kwaari kutonga, nouthende, noumambo, kuti vanhu veshe, madzinza nendimi vamushandire. Kutonga kwake kutonga mhera nariini, akuzopindi, noumambo hwake huri husikazoparadzwi.

Joeri 2:11

Mambo Mwari unoereketa izwi rake pamberi pehondo yake; kukuranyi kwakaita hondo yake! Vakawandisa avo vanopurutana mupango wake. Ngegwinyiso zuva raMambo Mwari iguru, rinotyisa kakurutu; ndiani ungariemera?

Mik. 1:4

Zvino mitunhu inozonyunguruka pashi pake nemapani anozoputika, kudai ngenamo pasinde pomuriro, nokudai ngemvura inodururwa pabiriiri.

Nah. 1:5

Mitunhu inozungunyika pamberi pake, nezvimitunhu zvinonyunguruka; nyika inohuta pamberi pake, nyika nazvo zveshe zvinogaramwo.

Nah. 1:6

Ndiani ungakona kuema pamberi poushungu hwake? Ndiani ungakona kugara mukupisha kwoushungu hwake? Ushungu hwake hunodururwa kudai ngomuriro, nokubudikidza ndiye mapuwe anopwanyika kuita zvigurwa.

HABHAKUKI 3:10

Mitunhu yakakuona, ikatya; ndambi yemvura yakakukuza yechipinda; ruandhle rwakaereketa ngeizwi rarwo. Rwakamirudza nyara dzarwo mudenga.

HABHAKUKI 3:6

Wakaema, akazungunyisa nyika; wakaringira, akaita kuti madzinza ahute. Mitunhu yemhera nariini yakaparadzwa; kuteera njira dzake dzekaretu zvimitunhu zvemhera nariini zvakanzvaira.

Mar. 3:2

Asi ndiani uwo ungakona kutsunga ngezuva rokuuya kwake? Ndiani uwo ungakona kuema apo ooneka? Ngokuti iye wakadai ngomuriro womueresi, nokudai ngesipo yomusuki;

Mateu 16:16

Simoni Petro wakapingura, akati kwaari, “Iwewe uri Kristu, Mukororo waMwari Unopona.”

Mateu 26:63

Asi Jesu wakanyarara. Nomupristi mukuru wakati kwaari, “Ndinokuphikisa ndiMwari Unopona, kuti utironzere kuti uri Kristu here, Mukororo waMwari?”

Johani 17:3

Uku ndikwo kupona kusikaperi, kuti vamuzie imwimwi, Mwari ega wegwinyiso, naJesu Kristu uwo womwakatuma.

Zvak. 14:15

vechiti, “Vanhu, munoita izvi ngenyi? Isusuwo tiri vanhu vakadai ndimwi, tinounza kwomuri mashoko akanaka okuti mutenderuke kubva kuneizvi zvisina shwiro, muuye kunaMwari unopona, uwo wakasika denga nenyika noruandhle neizvo zveshe zviri mukati mwazvo.

Dhuto. 32:4

Ruware, mushando wake uri wakaperera nenjira dzake dzeshe dziri kutonga kwakanaka. Mwari wakagondeka, usina kuchengedza, wakarurama nokuperera,

Dhuto. 5:26

Ngokuti uri pari pakati pevanhu veshe wakambozwa izwi raMwari unopona rechiereketa kubva pakati pomuriro kudai tisu, oroopona?

1 VaTes. 1:9

Ngokuti avo vemene vanoshuma tisu ngenjira yemwakatiashira ndiyo pakati penyu, nenjira yemwakatenderuka ndiyo kuna Mwari kubva kumiedzaniso yokudira, kuti mushandire Mwari unopona wegwinyiso,

1 Tim. 1:17

Kuna Mambo usikaperi, usikaori, usikaoneki, ndiye Mwari ega, ngaugare kwaari uthende nokuremeredzwa mhera nariini nariini. Ameni.

1 Tim. 6:17

Panga avo vari makurudza munyika muno kuti vasadzikudza nokuti kuemesa kugonda kwavo paupfumi husikagari, asi kunaMwari, uwo unotipa kakurutu zveshe kuti tidakare ndizvo;

Vahebheru 10:31

Ichi chiro chinotyisa kuwira munyara dzaMwari unopona.

Josh. 3:10

Joshua wakati, “Ngeichi munozozia kuti Mwari unopona uri pakati penyu, ngegwinyiso unozodzinga kubva pamberi penyu vaKhenani, vaHiti, vaHivhi, vaPherizi, vaGirigashi, vaAmori nevaJebhusi.

1 Joh. 5:20

Nesu tinozia kuti Mukororo waMwari wakauya, akatipa kuzwisisa kuti tizie uwo unegwinyiso; nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi.

Chakapangijihwa 20:11

Ndakaona chigaro chikuru choumambo chakachena, nouwo wakagara padera pacho; ngokuapo kwake nyika nedenga zvakamutiza, akuzi kuchazooneka ndau yazvo.

Vato. 5:4

Mambo Mwari, apo iwewe wakabuda kubva Seira, apo wakahamba kubva mushango reEdhomu, nyika yakahuta, nematenga akadonha, nemakore nawo akadonha mvura.

1 Sam. 17:26

Dhavhidha wakaereketa kuvanhu vaiya vakaema pasinde pake echiti, “Chiinyi chinozoitwa kunomunhu unouraya muFiristia uyu, nokudusa kushoorwa kwaIsuraeri? Ngokuti ndiani uyu muFiristia usikazi kuchekwa, kuti ashoore hondo yaMwari unopona?”

1 Sam. 17:36

Muranda wako wakauraya zveshe, mhondoro nebheya; uyu muFiristia usikazi kuchekwa unozodai ngechimwe chazvo, ngokuti washoora hondo dzaMwari unopona.”