Jer. 1:19 - Bhaibheri Rakachena muChindau

¹⁹ Vanozorwa newe; asi avazokunyisi akadi, ngokuti ndinewe kukununura,” unoronza Mambo Mwari.

Jer. 1:19 Iomraidhean Croise

Nduyo 129:2

“Mikuwo mizhinji vakanditambudza kubvira muutsva hwangu, asi avasati vandinyisa.

Jer. 1:18

Ngokuti, ringira, ngeiri zuva ndakakuita kuti udai ngedhorobha rakashosherwa, nokudai ngesika yesimbi, nokudai ngerukumbati rwethusi kunyika yeshe, kumadzimambo aJudha nokuvatongi vayo, nokuvapristi vayo, nokuvanhu venyika.

Jer. 1:8

Usatye hope dzavo, ngokuti inini ndinewe kukununura,” unoronza Mambo Mwari.

Jer. 11:19

Asi ndaiya ndakadai ngekakwai kakapfaa kanounzwa koourawa; neni ndaiya ndisikazii kuti vanoda kundimukira, vakaita urongwa vechiti, “Ngatiparadze muti uyu nemichero yawo, ngatimuuraye kuti abve munyika yevanopona, kuti zina rake risachazokarakadzwa ndiro.”

Jer. 11:21

Ndizvo izvi zvinoronza Mambo Mwari ngevanhu veAnathothi, avo vanotsvaka kukuuraya vechiti, “Usazoprofeta ngezina raMambo Mwari kuti usafa ngenyara dzedu.”

Jer. 18:18

Zvino vakati, “Uyai, ngatiite urongwa hwokurwisa Jeremia; ngokuti mipango aizoperi kubva kuvapristi nokuti kupangwa kunobva kunevakangwara, nokuti izwi kubva kunevaprofeti. Uyai, ngatimurwise ngemazwi, tisapurutana kunyazwi ngaari mazwi ake.”

Jer. 2:1

Izwi raMambo Mwari rakauya kwendiri rechiti,

Jer. 20:10

Ngokuti ndinozwa vazhinji vanovherevhenza vechiti, “Kutyisa kuri kumarupande eshe.” Vakati, “Muronzenyi! Ngatimuronze.” Vangani vangu veshe vakagarira kukorera kwangu vechiti, “Pamweni ungakona kunyengererwa, nesu tingakona kumunyisa nesu tinozokona kuunzidzira padera pake.”

Jer. 20:11

Asi Mambo Mwari uneni, wakadai ngomurwi wehondo unotyisa; ndizvo vanonditambudza vanozopumhunwa, navo avazonyisi akadi. Vanozotsveruka kakurutu, ngokuti avazobudiriri. Kutsverudzwa kwavo kwemhera nariini akuzoriyarikanwi.

Jer. 26:8

Naapo Jeremia apedza kuereketa zveshe izvo zvaakapangwa ndiMambo Mwari kuereketa kuvanhu veshe, zvino vapristi nevaprofeti nevanhu veshe vakamubata vechiti, “Ngegwinyiso unozofa.

Jer. 30:11

Ngokuti ndinemwi, unoronza Mambo Mwari, kumuponesa; ndinozoita magumo emadzinza eshe endakamuparadzira pakati pawo, asi imwimwi andizomuparadzi. Asi ndinozomuorora ngechipimo chakanaka, andizoreki kumuorora.”

Jer. 39:17

Asi ndinozokuponesa ngeiro zuva, unoronza Mambo Mwari, auzopirwi munyara dzavanhu vounotya.

Jer. 42:11

Musatya mambo weBhabhuroni kudai ngezvemwaimutya; musamutya, unoronza Mambo Mwari, ngokuti ndinemwi kumuponesa nokumusunhura kubva kunyara yake.

Jer. 46:28

Asi iwewe, usatya, O Jakobe muranda wangu,” unoronza Mambo Mwari “Ngokuti ndinewe. Ndinozopedza yaamho madzinza eshe pakati peavo vendakamudzingira kwevari, asi andizomupedzi yaamho imwimwi! Ndinozomuorora kwakapimwa; asi andizomusii musikazi kuororwa.”

Dha. 3:25

Wakaereketa akati, “Ringira, ndinoona vanhu varongomuna vakasunhurika, vanohamba pakati pomuriro, navo avaremadzwi; kuringirika kwowechirongomuna kwakadai ngomukororo wamwari?”

Zvi. 14:9

Kwega musamukira Mambo Mwari, zve, musatya vanhu venyika; ngokuti vari chokudya kwetiri; kurwirwa kwavo kwabviswa kwavari, naMambo Mwari unesu; musavatya.”

Zvak. 26:17

Ndinozokununurira kubva kunevanhu veshe nokubva kunevemadzinza, avo vendinokutumira kwavari

Josh. 1:9

Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”