Jer. 1:18 - Bhaibheri Rakachena muChindau

¹⁸ Ngokuti, ringira, ngeiri zuva ndakakuita kuti udai ngedhorobha rakashosherwa, nokudai ngesika yesimbi, nokudai ngerukumbati rwethusi kunyika yeshe, kumadzimambo aJudha nokuvatongi vayo, nokuvapristi vayo, nokuvanhu venyika.

Jer. 1:18 Iomraidhean Croise

Isa. 50:7

Mambo Mwari, Mwari unondidetsera; ndizvo andizi kutsverudzwa; ndizvo ndaemesa hope yangu kuti idai ngebuwe rakakonza, neni ndinozia kuti andizotsverudzwi.

Jer. 1:17

Asi iwewe, sunga chiunu chako, umiruke, uerekete kwevari zveshe zvendinokupanga. Usakaruka pamberi pavo, nokuti ndinozokukarudza pamberi pavo.

Jer. 1:19

Vanozorwa newe; asi avazokunyisi akadi, ngokuti ndinewe kukununura,” unoronza Mambo Mwari.

Jer. 15:10

Ihehe kwendiri, mai angu, mwakandibara kuita munhu wokuambana nokuita hasha munyika yeshe! Andizi kumbokweretesa munhu kuti ndiuyirwe, nevanhu avazi kundikweretesa kuti vauyirwe; asi veshe vanondituka.

Jer. 15:20

Neni ndinozokuita kunevanhu ava kudai ngorukumbati rwethusi; vanozorwa newe, asi avazokunyisi akadi, ngokuti ndinewe kukuponesa nokukununura,” unoronza Mambo Mwari.

Jer. 20:11

Asi Mambo Mwari uneni, wakadai ngomurwi wehondo unotyisa; ndizvo vanonditambudza vanozopumhunwa, navo avazonyisi akadi. Vanozotsveruka kakurutu, ngokuti avazobudiriri. Kutsverudzwa kwavo kwemhera nariini akuzoriyarikanwi.

Jer. 21:4

‘Izvi ndizvo zvinoronza Mambo Mwari, Mwari waIsuraeri: Ringira ndinozopetudza ndonga dzokurwa ndidzo hondo, dziri munyara dzenyu, dzomunoshandisa kurwa ndidzo namambo weBhabhuroni, nokurwisa vaKharadhea vanomukomba ngokubanze kworusvingo, neni ndinozovaunganidza pakati pedhorobha iri.

Jer. 26:24

Asi nyara yaAhikamu mukororo waShafani yaiya naJeremia, kuti vasamupira munyara dzevanhu kuti vamuuraye.

Jer. 34:3

Newe pachako auzopokonyoki kubva munyara yake, asi ngegwinyiso unozobatwa nokupirwa munyara yake; unozoona mambo weBhabhuroni dziso kudziso, nokuereketa naye hope kuhope; newe unozoenda Bhabhuroni.

Jer. 37:7

“Izvi ndizvo zvinoronza Mambo Mwari, Mwari waIsuraeri: Izvi ndizvo zvomunozoronza imwimwi vairi kuna mambo waJudha uwo wakamutuma kwendiri kundibvunza; ringirai, hondo yaFaro iyo yakabuda kumudetsera inozopetuka kunyika yayo Egipite.

Jer. 38:18

Asi kudai usikazodzipiri kuvatongi vamambo weBhabhuroni, dhorobha iri rinozopirwa munyara yevaKharadhea, navo vanozoripisha ngomuriro, newe auzopokonyoki kubva munyara yavo.”

Jer. 38:2

“Izvi ndizvo zvinoronza Mambo Mwari: Avo vanogara mudhorobha iri vanozofa ngeshoti, ngenzara, nedenda: asi avo vanobuda kuenda kuvaKharadhea vanozopona; nokupona kwavo kunozoitwa kudai ngechakapambwa kuhondo, navo vanozopona.

Jer. 42:22

Nasai kuzia zvino kuti munozofa ngeshoti, ngenzara, ngedenda, kundau iyo yomunoda kuenda.”

Jer. 6:27

Ndakakuemesa kuti uite muedzi nokuti rukumbati pakati pevanhu vangu kuti uzie nokuedza njira dzavo.

Johani 1:42

Naye wakamuunza kunaJesu. Naapo Jesu amuringira wakati, “Iwewe ndiwe Simoni mukororo waJohani. Unozodaidzwa kuti Khefasi” (ukwo kunoti ngokukumuchwa, Petro.)

Chakapangijihwa 3:12

Iye unonyisa ndinozomuita sika mutemperi raMwari wangu; aachazobudimwo. Ndinozonyora padera pake zina raMwari wangu nezina redhorobha raMwari wangu, Jerusarema idzva rinodzaka kubva mudenga kunaMwari wangu, nezina rangu idzva.