Jer. 1:17 - Bhaibheri Rakachena muChindau

¹⁷ Asi iwewe, sunga chiunu chako, umiruke, uerekete kwevari zveshe zvendinokupanga. Usakaruka pamberi pavo, nokuti ndinozokukarudza pamberi pavo.

Jer. 1:17 Iomraidhean Croise

1 Madzi. 18:46

Asi nyara yaMambo Mwari yaiya padera paErija, naye wakasungisa chiunu chake, wakarumba kupindira Ahabhi, wakaguma pamusiwo waJezireeri.

2 Madzi. 1:15

Ngirosi yaMambo Mwari yakati kunaErija, “Dzaka naye; usamutya.” Ndizvo wakamiruka, wakadzaka naye kunamambo,

2 Madzi. 4:29

Wakati kunaGehazi, “Sungisa chiunu chako, utore mudondoro wangu munyara mwako, uende. Kuti ukashongana nomunhu usamuchingamidza, kuti munhu akakuchingamidza, usadaira; wooisa mudondoro wangu pahope yemwana.”

2 Madzi. 9:1

Zvino Erisha muprofeti wakadaidza umwe wevakororo vevaprofeti, wakati kwaari, “Sungisa chiunu chako, utore runyanga rwemafuta munyara yako, uende Ramothigireadhi.

Jobe 38:3

Sunga chiunu chako kudai ngomwamuna; ndichakubvunza, newe uchandironzera.

EKISEDHUSI 3:12

Wakati, “Ngegwinyiso ndinozoa newe; neichi chinozoita chioniso kwouri kuti ndini ndakutuma; naapo wabudisa vanhu kubva muEgipite, munozodira Mwari padera pomutunhu uyu.”

EKISEDHUSI 7:2

Iwewe unozoereketa zveshe zvendinokupanga, naAroni mukoma wako unozoronzera Faro kuti atendere vana vaIsuraeri kuti vabude kubva munyika yake.

Jer. 1:18

Ngokuti, ringira, ngeiri zuva ndakakuita kuti udai ngedhorobha rakashosherwa, nokudai ngesika yesimbi, nokudai ngerukumbati rwethusi kunyika yeshe, kumadzimambo aJudha nokuvatongi vayo, nokuvapristi vayo, nokuvanhu venyika.

Jer. 17:18

Ngavatsverudzwe avo vanonditambudza, asi usaita kuti inini nditsverudzwe; ngavapere simba; ngokutya, asi inini ndisapera simba vaunzire zuva rokuparadzwa, vaparadze ngokuparadzwa kwakapetwa.

Jer. 23:28

Muprofeti unehope dzaakarota, ngaadzironze, asi nouwo unemazwi angu, ngaaerekete mazwi angu ngokugondeka. Kuri pari kuedzana kwezungu nezviyo?” Unoronza Mambo Mwari.

Jer. 26:12

Zvino Jeremia wakaereketa kuvatongi veshe nokuvanhu veshe echiti, “NdiMambo Mwari wakandituma kuprofeta ngendaa yemhatso iyi nendaa yedhorobha iri mazwi eshe emwazwa.

Jer. 26:2

“Izvi ndizvo zvinoronza Mambo Mwari: Ema muruwanze rwemhatso yaMambo Mwari, uerekete kumadhorobha eshe aJudha, anouya koodira kumhatso yaMambo Mwari, uerekete kwevari mazwi eshe endinokupanga; usasiya narimwe izwi.

Jer. 36:8

NaBharukhi mukororo waNeria wakaita zveshe izvo zvaakamupanga Jeremia muprofeti, kudzidza kubva mubhuku rinopetwa mazwi aMambo Mwari mumhatso yaMambo Mwari.

Chi. 3:57

Wakakwedzera pasinde apo pendakadaidza kwouri; wakati, “Usatya.”

Jona 3:2

“Miruka, uende Ninevhe, iro dhorobha guru, uchumaire kweriri izwi rendinokuronzera.”

Ruka 12:35

“Zviunu zvenyu ngazvisungiswe nezvibani zvenyu ngazvijeke;

Zvak. 20:20

Andizi kutya kuita kwomuri chiro chinomudetsera, ndechichumaira izwi kwomuri nokumudzidzisa pamhene, kubva kumhatso kuenda kumhatso,

Zvak. 20:27

ngokuti andizi kuumira kumuronzera kupanga kweshe kwaMwari.

1 VaK. 9:16

Ngokuti kudai ndechichumaira vhangeri, andina chiro chokuganza ndicho, ngokuti ndamanikidzwa. Ngokuti indaa kwendiri kudai ndisikachumairi vhangeri!

1 VaTes. 2:2

asi kunyazwi takatambudzika pakutanga nokuitirwa zvinotsverudza muFiripi, kudai ngezvomunozia, takatsunga munaMwari wedu kuereketa kwomuri vhangeri raMwari ngokutambudzika kukurutu.

1 Pet. 1:13

Ndizvo sungai zviunu zvemipinimidzo yenyu, itai vakangwara; muemese reshe gonda renyu kunyasha dzinounzwa kwomuri pakuoneka kwaKristu Jesu.