Jer. 1:16 - Bhaibheri Rakachena muChindau

¹⁶ Ndinozoronza kutonga kwangu kwevari ngendaa yokushata kwavo kweshe, avo vakandisiya, vakapisha mutombo unegwema rakanaka pamberi pezvimwari zvimweni, nokudira mishando yenyara dzavo.

Jer. 1:16 Iomraidhean Croise

2 Madzi. 22:17

Ngokuti vandisiya, vapisha mitombo inegwema rakanaka kunezvimwari zvimweni, ndizvo vandimusira ushungu ngemishando yenyara dzavo; ndizvo ushungu hwangu hunozobaka kuneiyi ndau, auzodzimwi.’

2 MaKro. 15:2

Wakabuda kuenda kooshongana naAsa, wakati kwaari, “Ndizwe, iwewe Asa, nemwi mweshe vaJudha nevaBhenjamini; Mambo Mwari unemwi, apo muchiri naye. Kudai mwechimutsvaka, munozomuona; asi kudai mwechimurasha, naye unozomurasha.

2 MaKro. 28:2

asi wakahamba ngenjira dzeshe dzemadzimambo aIsuraeri. Wakaita miedzaniso yakanyunguruswa yaBhaari;

2 MaKro. 34:25

Ngokuti vakandisiya vakapishira mitombo inegwema rakanaka kunezvimwari zvimweni, ndizvo vandimusira ushungu ngemishando yeshe yenyara dzavo; ndizvo ushungu hwangu hunozodururwa padera pendau iyi, nahwo ahuzodzimwi.’

2 MaKro. 7:19

“Asi kudai mwechizopauka, nokusiya zviemeso zvangu nemipango yangu, zvendakaisa pamberi penyu, mwechienda kooshandira zvimwari zvimweni nokuzvidira,

Isa. 2:8

Nyika yavo yakazara ngemiedzaniso yokudira; vanogwadama pashi kudira mishando yenyara dzavo, kune chakaitwa ngezvinwe zvavo.

Isa. 37:19

nokukandira zvimwari zvavo mumuriro, ngokuti zvaiya zvisiri Mwari, asi mishando yenyara dzevanhu, miti nokuti mapuwe, ndizvo vakazviparadza.

Isa. 44:15

Zvino unozoshandiswa kuitwa huni ngomunhu; unotora rupande rwawo kurugota pachake; unobasa rupande rumweni kuti abike chingwa ndirwo. Zvino unotora rupande rumweni kuita chimwari nokuchidira; unoita muedzaniso wakatsetswa nokuugwadamira.

Isa. 65:3

vanhu vanondiambira pamberi pehope yangu mikuwo yeshe kuti nditseneke; vanopira mudiro muminda, nokupisha mutombo unegwema rakanaka padera pemaarita ezvidhina;

Jer. 10:15

Aina shwiro, mishando yokuchengedzera; ngomukuwo wokuororwa kwayo inozopera.

Jer. 10:3

Ngokuti mitoo yevanhu inonyepa; muti unotemwa kubva mugwasha, unotsetswa ngesanho, mushando wenyara dzomutsetsi.

Jer. 11:12

Zvino madhorobha aJudha nevagari veJerusarema vanozoenda, vanozodaidzira kuzvimwari zvevanopira midiro yomutombo wokupisha unegwema rakanaka, asi azvizovaponesi akadi ngomukuwo wokutambudzika.

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 16:11

Zvino unozoti kwevari, ‘Indaa yokuti madzibaba enyu akandisiya, unoronza Mambo Mwari, akateera zvimwari zvimweni, nokuzvishandira nokuzvidira; vandisiya nokusikangwarira mipango yangu;

Jer. 17:13

O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 19:4

Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,

Jer. 2:13

Ngokuti vanhu vangu vaita kushata kuiri: vandisiya inini chinyuka chemvura yokupona, vadzitsira zvinyuka zvinerutwe, zvisikagari nemvura.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:28

Asi zviri pari zvimwari zvenyu zvemwakadziitira? Ngazviuye kuti zvechikona kumuponesa ngomukuwo wokutambudzika kwenyu; ngokuti unazvo zvakawanda zvimwari kudai ngokuwanda kwemadhorobha ako, iwewe Judha.

Jer. 4:12

dutu rinesimba kuzvikurira. Zvino ndini uwo unoereketa mukutongwa kwavo.

Jer. 4:28

Ngendaa yeizvi nyika inozotsumba nematenga anozosvipa; ngokuti ndakazviereketa, ndakazviemesa, andizopinduki akadi, andizokunukuki kubva kwezviri.

Jer. 44:17

Asi ngegwinyiso tinozoita chiro cheshe chetakapika kuita, kupisha mutombo unegwema kunavahosi vomudenga nokudurura kwaari mudiro wokumwa, kudai ngezvatakaita, isusu nemadzibaba edu, nemadzimambo edu nevatongi vedu, mumadhorobha aJudha nomumapato eJerusarema. Taigara tinokudya kwakawanda, techigara zvakanaka, atizi kuona chakashata.

Jer. 5:29

“Andizovaorori ngeizvi here?” Unoronza Mambo Mwari. “Mweya wangu auzoshunguriri here dzinza rakadai?

Jer. 5:9

Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Jer. 51:17

Munhu weshe ibenzi naye aana ruziyo; mupfuri womukore weshe unotsverudzwa ngomuedzaniso wake; ngokuti miedzaniso yake yakanyunguruswa ngeyokunyepera, nayo aifemi mukati mwayo.

Jer. 7:17

Auoni here izvo zvevanoita mumadhorobha aJudha nomumapato eJerusarema?

Jer. 7:18

Vana vanotheza huni, madzibaba anobasa muriro nevakadzi vanokanya hlama kuita zvingwa kunavahosi vomudenga; navo vanodurura midiro yokumwa kunezvimwari zvimweni, kumusa ushungu hwangu.

Jer. 7:9

Munozoba, kuuraya, kuomba, nokupika ngemanyepo, nokupishira midiro kunaBhaari mutombo unegwema rakanaka, nokuteera zvimwari zvimweni zvomusikazi kuzia,

Ezek. 16:18

newe wakatora zvokusimira zvako zvakanemeswa kuifukidzira, ukaisa mafuta angu nemitombo yangu inegwema rakanaka pamberi payo.

Ezek. 24:14

Inini Mambo Mwari ndakaereketa; nguva iri kuuya, ndinozochiita. Andizorekeri, andizokunguriri, andizokunukuki. Kudai ngenjira dzako nezviito zvako, ndinozokutonga,” unoronza Mambo Mwari, Mwari.

Hos. 11:2

Kuvadaidza kazhinji kwendakaita, vakapinda kuenda kuretu kubva kwendiri; vakaangira kupira mibairo kumaBhaari, vakapisha mitombo inegwema rakanaka kumiedzaniso yakatsetswa.

Hos. 8:6

Ngokuti unobva muIsuraeri, mushandi wakariumba; andi Mwari akadi. Konyana reSamaria rinozoputswa kuita zvigurwa.

Joeri 2:11

Mambo Mwari unoereketa izwi rake pamberi pehondo yake; kukuranyi kwakaita hondo yake! Vakawandisa avo vanopurutana mupango wake. Ngegwinyiso zuva raMambo Mwari iguru, rinotyisa kakurutu; ndiani ungariemera?

Zvak. 7:41

Navo vakaumba konyana ngaawo mazuva, vakaita mudiro kunouwo muedzaniso, vakadakara ngomushando wenyara dzavo.

Dhuto. 28:20

Mambo Mwari unozounza padera penyu kutukwa, nokutsverudzwa, nokuganyirwa, kuneizvo zveshe zvomunozoita ngenyara dzenyu, metsa mupedzwe, metsa mufe paripo; ngendaa yokushata kwezviito zvenyu zvemwakaita, ngokuti mwakandiramba.

Dhuto. 31:16

Mambo Mwari wakati kunaMosi, “Ngokukasira unozoata nemadzibaba ako. Zvino ava vanhu vanozomiruka, vaite umhombo ngokuteera zvimwari zvevanhu vapara venyika yevanozoenda koogara pakati pavo; navo vanozondisiya, nokugura chitenderano changu chendakaita navo.

Josh. 24:20

Kudai mwechisiya Mambo Mwari nokuenda kooshandira zvimwari zvenyika, naapo unozokunukuka nokumuitira zvakashata nokumupedza, ngesure apo akamuitira zvakanaka.”

Chakapangijihwa 9:20

Vamweni vanhu, vasikazi kuurawa ngenyatwa idzi, avazi kutenderuka kubva kumishando yenyara dzavo, kuitira kuti vasazodira madhimoni nemiedzaniso yokudira yomukore, yesirivha, yethusi, yemapuwe neyemiti, iyo isikakoni kuona nokuti kuzwa nokuti kuhamba.