Jer. 1:14 - Bhaibheri Rakachena muChindau

¹⁴ Zvino Mambo Mwari wakati kwendiri, “Kushata kunozobva ngedera kuguma padera pevanhu veshe venyika.

Jer. 1:14 Iomraidhean Croise

Isa. 14:31

Boorera, O iwewe musiwo; chema, iwewe dhorobha; nyunguruka mukutya, iwewe nyika yeshe yeFiristia. Ngokuti chiushi chinobva dera; akuna unozopauka kubva pandau yake yaakaemeserwa.

Isa. 41:25

Ndamirudza umwe wedera, naye wauya; umwe kubva kumabvazuva, unodaidza ngezina rangu. Unozotsika padera pevatongi kudai ngokutsika dhaka, kudai ngomuumbi unokanya dongo.

Jer. 10:22

Izwai, bope! Purutana, rinouya, bope guru rinobva kunyika yedera, kuita kuti madhorobha aJudha aite matongo, bako remakava anotyisa.”

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 31:8

Ringira, ndinozovaunza kubva kunyika yedera, nokuvaunganidza kubva kumiganu yenyika iri kuretu yaamho, pakati pavo pane mapofu nezvirema, madzimai anemimba, naavo vanorwadziwa ngokuda kubereka, veshe pamwepo; vanhu vazhinji vanozopetuka pano.

Jer. 4:6

Emesai mujeki muringire Zioni; tizai kuti mupone, musanonoka, ngokuti ndinounza kushata kunobva ngedera nokuparadzwa kukurutu.”

Jer. 46:20

Egipite rakadai ngetsiru rakanaka, asi mazimha anobva dera anomata padera paro.

Jer. 47:2

Izvi ndizvo zvinoronza Mambo Mwari, “Ringira, mvura inokwira yechibva dera, nayo inozoita ndambi inopopoma, inozokukuza nyika nazvo zveshe zviri mukati mwayo, dhorobha, naavo vanogara mukati mwaro. Vanhu vanozochema yaamho, nevagari venyika vanozoboorera.

Jer. 50:41

Ringira, dzinza revanhu rinouya kubva dera, dzinza guru, nemadzimambo akawanda anomuswa kubva kumarupande enyika ari kuretu.

Jer. 50:9

Ngokuti, ringira, ndinozomirudza hondo, nokuiunza kuti irwise neBhabhuroni, chikwata chemadzinza makurutu anobva kunyika yedera; navo vanozofora pachavo kurwisa, kubva apo rinozotorwa. Misee yavo yakadai ngemisee yengwazi iyo isikapetuki isikazi kufura.

Jer. 6:1

Tizai kuti mupone, O vana vaBhenjamini, kubva pakati peJerusarema! Muridze gwama muThekoa, mwechiemesa mujeki muBhethi-hakheremu; ngokuti kushata kunouya kubva dera, nokuparadzwa kukuru.

Jer. 6:22

Izvi ndizvo zvinoronza Mambo Mwari, “Ringira, vanhu vanouya kubva kunyika yedera, dzinza guru rinomuswa kubva kumarupande arikure enyika.

Ezek. 1:4

Pendakaringira, ndakaona chipupuri chakabva ngedera, gore guru rinokujeka kwakaritendenedza, nomuriro unoramba wechipenya, nepakati pemuriro pane chiro chakadai ngethusi rinon'anikira.

Ezek. 24:3

Uerekete muedzaniso kunemhatso inomukira, wechiti kweiri, “Izvi ndizvo zvinoronza Mambo Mwari, Mwari: Terekai hari, itereke, udurure mvura mukati mwayowo;

Joeri 2:20

Ndinozodusa hondo yedera kubva kwomuri kuenda kuretu nokuidzingira kunyika yakaoma isina chiro, isikagarwi, hope yayo yakaringira kuruandhle rwokumabvazuva, norupande rwayo rwesure rwakaringira kuruandhle rwokumabirirazuva; nokunuhwa kwayo negwema rayo rakashata kunozokwira. Ngegwinyiso wakaita zvakakura.

Zek. 6:6

Ngoro inemahachi matema inoenda kunyika yedera; ineakachena inoenda kunyika yokumabirirazuva; ineakasvipirika inoenda kunyika yokubani.