Jer. 1:11 - Bhaibheri Rakachena muChindau

¹¹ Izwi raMambo Mwari rakauya kwendiri rechiti, “Jeremia, unoonenyi?” Neni ndakati, “Ndinoona dai romuti womuarimondi.”

Jer. 1:11 Iomraidhean Croise

Gen. 30:37

Jakobe wakatema madziro omupopura muishi noomuarimondi noomuprane; akaibura mapande kuita miara yakachena, akaita kuti kuchena kwawo kuoneke, ukwo kwaaiya nakwo madziro.

Isa. 55:11

ndizvo zvinoita izwi rangu iro rinobuda kubva pamuromo wangu; arizopetuki kwendiri risina chiro, asi rinozopedza icho chendinoda, nokubudirira kwendinorituma.

Jer. 24:3

NaMambo Mwari wakati kwendiri, “Unoonenyi, Jeremia?” Ndakati, “Maonde, maonde akanaka akanaka yaamho; maonde akashata akashata yaamho, aangadyiki, ngokuti akanyanya kushata.”

Ezek. 12:25

Asi inini Mambo Mwari ndinozoereketa izwi rendinoereketa, naro rinozoitika. Arichazononoswi, asi mumazuva enyu, O mhatso inomukira, ndinozoereketa izwi nokuriita,’ ” unoronza Mambo Mwari, Mwari.

Ezek. 12:28

Ndizvo ronza kwevari uti, ‘Izvi ndizvo zvinoronza Mambo Mwari, Mwari: Akuna narimwe remazwi angu richazononoswa, asi izwi rendinoereketa rinozoitika,’ ” unoronza Mambo Mwari, Mwari.

Ezek. 7:10

“Ringirai zuva! Ringirai, rinouya! Rufu rwako rwabuda. Ndonga yatsenenekera, kudzikudza kwaburuikira.

Amo. 7:8

NaMambo Mwari wakati kwendiri, “Amosi, unoonenyi?” Neni ndakati, “Bote rokururamisa.” Zvino Mambo Mwari wakati, “Ringira, ndinoemesa bote rokururamisa ndiro pakati pevanhu vangu Isuraeri; andichazovapindizve.

Amo. 8:2

Wakati, “Amosi, unoonenyi?” Neni ndakati, “Chitundu chemichero yepazienza.” Zvino Mambo Mwari wakati kwendiri, “Kupera kwaguma padera pevanhu vangu Isuraeri; andichazovapindizve.

Zek. 4:2

Yakati kwendiri, “Unoonenyi?” Neni ndakati, “Ndinoona chigadzikiro chechibani cheshe chomukore, nendiro huru padera pacho; zviripo zvibani zvinomwe padera pacho, nemiromo minomwe pazvibani zvinomwe, padera pacho.

Zek. 5:2

Nayo yakati kwendiri, “Unoonenyi?” Ndakapingura, “Ndinoona bhuku rakapetwa rechimbururuka; kureba kwaro mamitha mapfumbamwe, nemamitha marongomuna nehafu kupamhama.”

Zvi. 17:8

Naapo nechimangwani Mosi wakapotera mutende rechapupu; ringira, ndonga yaAroni yemhatso yaRevhi yaiya yabuda mashakani, ikaita matai, ikabuda maruva, ikabereka maonde akaibva.