Jer. 1:10 - Bhaibheri Rakachena muChindau

¹⁰ Wona, nyamashi ndakuemesa padera pemadzinza nepadera poumambo, kubvita nokuputsa, kuparadza nokudzasa pashi, kuaka nokusima.”

Jer. 1:10 Iomraidhean Croise

1 Madzi. 17:1

Zvino Erija muThishibhe uwo waiya weThishibhe muGireadhi wakati kunaAhabhi, “Kudai ngezvaanopona Mambo Mwari, Mwari waIsuraeri, wendinoema pamberi pake, akuzoapo beto nokuti mvura makore aya, ngepabanze peizwi rangu.”

1 Madzi. 19:17

Kunyazwi ndiani uwo unopokonyoka kubva kushoti yaHazaeri, unozourawa ndiJehu; nayezve unopokonyoka kubva kushoti yaJehu, unozourawa ndiErisha.

Muchu. 3:3

mukuwo wokuuraya, nomukuwo wokurapa; mukuwo wokupwanyira pashi, nomukuwo wokuaka;

Jer. 1:5

“Ndisati ndakuumba mundani, ndaikuzia; usati wabarwa, ndakakuchenesa, ndikakuemesa kuti uite muprofeti kumadzinza.”

Jer. 24:6

Ndinozoisa madziso angu padera pavo kuti vagarisike, ndinozovapetudza kunyika iyi. Ndinozovaaka, andichazovaputsi; ndinozovasima, haiwa kuvabvita.

Jer. 25:13

Neni ndinozoita kuti mazwi angu eshe endakaereketa ngeiyi nyika aitike, zveshe zvakanyorwa muiri bhuku, zvaakaprofeta Jeremia ngaaya madzinza eshe.

Jer. 31:28

Kudai ngezvendakaringira padera pavo, kubvita, nokuvaputsira pashi, kubvisa, kuparadza, nokuunza kushata, ndizvo ndinozovaringira kuaka nokusima,” unoronza Mambo Mwari.

Jer. 31:40

Bani reshe remiiri yakafa neremarota, neminda yeshe metsa kuguma kuRwizi rweKidroni, kuguma pakhona reMusiwo Mahachi, wakaringira kumabvazuva, zvichaita zvakacheneswa kunaMambo Mwari. Aizobvitwizve nokuti kuparadzwa mhera nariini.”

Jer. 36:2

“Tora bhuku rinopetwa, unyore mukati mwaro eshe mazwi endakaereketa kwouri ndiIsuraeri naJudha, nemadzinza eshe kubvira pazuva rendakaereketa kwouri, kubvira pamazuva aJosia metsa nyamashi.

Jer. 44:27

Ringira, ndinozovarinda kuvaitira zvakashata, haiwa zvakanaka; vanhu veshe vaJudha vari munyika yeEgipite vanozopera ngeshoti nenzara, metsa kutamike naumwe wavo unosara.

Jer. 45:4

“Izvi ndizvo zvounozoronza kwaari kuti, ‘Izvi ndizvo zvinoronza Mambo Mwari: Ringira, ndinozoputsira pashi icho chendakaaka, kubvita icho chendakasima, ndiyo nyika yeshe.

Ezek. 21:19

“Mukororo womunhu, tora mapato mairi eingauya ndiyo shoti yamambo weBhabhuroni; eshe mairi anozobuda kubva kunyika imweyo. Newe uise chioniso, peinoita mhararano yokupinda mudhorobha.

Ezek. 23:36

Mambo Mwari wakati kwendiri: “Mukororo womunhu, unozotonga here Ohora naOhoribha? Zvino varonzere zvinyangadzo zvezviito zvavo.

Ezek. 32:18

“Mukororo womunhu, bonda ngendaa yembungano yeEgipite, nokuitumira pashi, nevanasikana vemadzinza anembirikira, kuti vadzake kunyika iri pashi, pamwepo naavo vanodzaka murindi.

Ezek. 36:36

Zvino madzinza akasara anomutendenedza anozozia kuti inini Mambo Mwari ndakaakisa ndau dzakaondomoka, nokusima ndau dzaiya matongo; inini Mambo Mwari ndaereketa, neni ndinozochiita.”

Ezek. 43:3

Chioniso chendakaona chakadai ngechioniso chendakaona apo akauya kooparadza dhorobha, nechioniso chakadai ngechioniso chendakaona ndiri parwizi Khebhari; neni ndakawa ngehope yangu.

Hos. 6:5

Ndizvo ndavatema ngevaprofeti; ndavauraya ngemazwi omuromo wangu, nokutonga kwangu kwakadai ngokubuda kwokujeka.

Amo. 3:7

Ngegwinyiso Mambo Mwari, Mwari aaiti chiro, asikazi kuonisa chakafishika chake kuvaranda vake vaprofeti.

Amo. 9:11

Pairo zuva ndinozomirudza tende raDhavhidha iro rakawa, ndinozotsiira ndau dzaro dzakapwanyika; ndinozoakisa matongo ake, ndechizoriakisa kudai ngemazuva ekare,

Zek. 1:6

Asi mazwi angu nezviemeso zvangu, zvendakapanga varanda vangu vaprofeti, azvizi kubatira kumadzibaba enyu here?’ ” Ndizvo vakatenderuka, vakati, “Mambo Mwari wehondo wakatiitira, kudai ngenjira dzedu nokudai ngezviito zvedu, kudai ngezvaakaronga kuita.”