Jakobe 4:4 - Bhaibheri Rakachena muChindau

⁴ Imwimwi vaombi! Amuzii here kuti ukama nenyika ugaa naMwari? Ndizvo kunyazwi ndiani unoda kuita ukama nenyika, unodziita gaa raMwari.

NOVO TESTAMENTO EM NDAU

⁴ Imwimwi vaombi, amuzivi here kuti ukama hwo mu nyika huri ukorore na Mwari? Ndizvo pikija ndiyani unoda kuyita ukama no nyika, unojiita bandu kuna Mwari.

Jakobe 4:4 Iomraidhean Croise

Gen. 3:15

Ndinozoisa ugaa pakati pako nomukadzi, nepakati pemibarirwana yako nemibarirwana yake; mibarirwana yake inozoremadza soro rako, newe unozoremadza chisisinho chake.”

Nduyo 21:8

Nyara yako inozoona eshe magaa ako; nyara yako yokumudyo inozoona avo vanokuzonda.

Nduyo 50:18

Unoita ukama nembavha apo unoiona, unozwanana nevaombi.

Nduyo 73:27

Ngegwinyiso avo vari kuretu newe vanozopera; unoparadza veshe vasikagondeki kwouri.

Isa. 57:3

Asi imwimwi, kwedzerai pasinde pano, imwimwi vana vomukadzi unokamba, imwimwi mibarirwana yehure nemhombo.

Jer. 2:2

“Enda, udaidzire mukuzwa kwevanhu veJerusarema wechiti, unoronza izvi Mambo Mwari: Ndinokarakadza, ngenyasha dzoutsva hwako, norudo rwako petakatanga kuroorana, apo wainditeera mushango, munyika yaiya isikazi kusimwa.

Jer. 9:2

O kudai ndaiya nendau yokugara yevahambi murubaya, kuti ndisiye vanhu vangu, ndibve kwevari! Ngokuti veshe vaombi nembungano yevachengedzeri.

Ezek. 16:32

Mukadzi unoomba, uwo unoashira vapara pandau yemwamuna wake!

Hos. 3:1

Mambo Mwari wakati kwendirizve, “Enda, ida mukadzi unodiwa ngemudiwa wake naye ihure, kudai ndiMambo Mwari unoda vaIsuraeri, kunyazwi vanoringira kunezvimwari zvimweni, vanodazve makheke anemarizeni.”

Mateu 12:39

Asi iye wakapingura akati kwavari, “Mubarirwana wakashata nounoomba unotsvaka chioniso; asi akuna chioniso chinozooniswa kwouri, kwega chioniso chaJona muprofeti.

Mateu 16:4

Mubarirwana wakashata nounoomba unotsvaka chioniso, akuna chioniso chinozoitwa kwouri, asi kwega chioniso chaJona.” Naye wakavasiya akaenda.

Mateu 6:24

“Akuna munhu ungakona kushandira madzimambo mairi; ngokuti unozonyenyeredza umwe, ade umweni, nokuti unozoshoora umwe abatirire kunoumweni. Amungashandiri Mwari nemare.

Ruka 19:27

Asi ao magaa angu, aiya asikatendi kuti nditonge padera pao, aunzenyi panapa muauraye pamberi pangu.’ ”

Johani 15:19

Kudai mwaiya vomunyika, nyika yaizoda vayo. Asi ngokuti amusiri vomunyika akadi, asi ndakamutsanangura kubva munyika, ndizvo nyika inomuzonda.

Johani 17:14

Ndakapa kwavari izwi renyu, nenyika yakavazonda ngokuti avasiri venyika akadi, kudai ndini ndisiri wenyika akadi.

Johani 7:7

Nyika aikoni kumuzonda imwimwi, asi inondizonda inini ngokuti ndinopupura ndiyo kuti mishando yayo yakashata.

Varoma 5:10

Ngokuti kudai apo taiya magaa takaiyaniswa kunaMwari kubudikidza ngokufa kwoMukororo wake, kakurutu tiri vakaiyaniswa, tinozoponeswa ngendaramo yake.

Varoma 8:7

Ngokuti mupinimidzo wezvenyama kuambana naMwari; ngokuti aupfairi Mupango waMwari, ngegwinyiso aungakoni;

1 VaK. 1:20

Uripari wakangwara? Iripari ngwazi yokufunda? Iripari ngwazi yokuereketa yeiyi nguva? Mwari aazi kuzviita upenzi here zvoungwaru hweiyi nyika?

1 VaK. 1:21

Ngokuti, muungwaru hwaMwari, nyika aizi kuzia Mwari kubudikidza ngoungwaru hwayo, kwakadakadza Mwari, kubudikidza ngoupenzi hwokuchumaira, kuti avo vanotenda avaponese.

Vagaratiya 1:10

Ngokuti inini zvino ndinotsvaka kudiwa ngevanhu here, nokuti kudiwa ndiMwari? Nokuti ndinoedza kudakadza vanhu here? Kudai ndaiya ndichadakadza vanhu, ngokudaro andingaiti muranda waKristu.

Jakobe 1:27

Kudira kwakaperera nokusikazi kusvipiswa pamberi paMwari wedu naBaba ndikwo uku, kuhambira nherera neshirikadzi mukutambudzika kwavo, nokudzingwarira kuti asasvipiswa ngezvenyika.