Isa. 7:9 - Bhaibheri Rakachena muChindau

⁹ Soro raEfuremu iSamaria, nesoro raSamaria mukororo waRemaria. Kudai musikaemi mwakagwinya mukugonda, ngegwinyiso amuzotsimiswi.”

Isa. 7:9 Iomraidhean Croise

2 Madzi. 15:27

Mugore remakumi mashanu namairi rokutonga kwaAzaria mambo waJudha, Pheka mukororo waRemaria wakatanga kutonga Isuraeri muSamaria. Wakatonga makore makumi mairi.

2 MaKro. 20:20

Navo vakamiruka mangwanani maishi, vakabuda kuenda mushango reTekoa; naapo vachabuda Jehoshafati wakaema akati, “Ndizwenyi, imwimwi vaJudha nevagari veJerusarema; tendai kunaMambo Mwari, Mwari wenyu, ngokudaro munozogwinyiswa; mugonde vaprofeti vake, nemwi munozobudirira.”

Isa. 28:1

A dzungudza rokudzikudza rezviradza zvaEfuremu, nokufota kwounaku hwouthende hweruva, riri pasoro peavo vanogutiswa ngokudya kwakawanda, avo vanonyiswa ngevhini!

Isa. 5:24

Ndizvo zvino, kudai ngomurazvu womuriro unodya matsotso, nokudai ngomurazvu unopisha matsengwe akaoma, ndizvo nzinde dzawo dzinoita dzakaora neruwa ravo rinozopwititika kudai ngebukuta; ngokuti varamba kupanga kwaMambo Mwari wehondo, nokushoora izwi roUwo Wakachena waIsuraeri.

Isa. 7:10

Mambo Mwari wakaereketazve kunaAhazi echiti,

Isa. 7:4

wechiti kwaari, ‘Ngwara, unyarare; usatya, usaita kuti mwoyo wako udemere ngendaa yezvitsiki izvi zviiri zvinopwititika, ngendaa youshungu hunotyisa hwaRezini neAramu nomukororo waRemaria.’

Isa. 8:4

ngokuti mwana asati azia kuchema kuti, ‘Baba angu,’ nokuti, ‘Mai angu,’ upfumi hweDhamasekusi nezvakachakatwa zveSamaria zvinozotorwa ndimambo weAsiria.”

Isa. 9:9

nevanhu veshe vanozozvizia, Efuremu naavo vanogara muSamaria, asi vanoronza ngokudzikudza nemanyau mumwoyo vechiti,

Jer. 43:2

Azaria mukororo waHoshaia naJohanani mukororo waKarea, nevanhu veshe vamweni vokudzikudza, vakati kunaJeremia, “Unotironzera manyepo. Mambo Mwari wedu aazi kukutuma kutironzera kuti, ‘Musaenda koogarayo Egipite,’

Mik. 1:5

Zveshe izvi indaa yokushaisha kwaJakobe, nezvishaishi zvemhatso yaIsuraeri. Ndaa yaJakobe ngeiri? Andiyo here Samaria? Nendau dzakakwirira dzaJudha ngedziri? Andidzopi Jerusarema here?

Zvak. 27:11

Asi nduna yezana yakanasa kupurutana muhambisi wengarava mukuru nomuna wengarava kupinda izvo zvakaereketwa ndiPhauri.

Zvak. 27:25

Ndizvo, hama, tsungai mwoyo, ngokuti ndinogonda Mwari kuti kunozoitika kudai ngezvaakaereketa kwendiri.

Varoma 11:20

Zvakanaka. Dzakagurwa ngendaa yokugononda kwadzo, asi iwewe unoema kubudikidza ngokugonda. Usadzikudza mumupinimidzo wako, asi itya.

Vahebheru 11:6

Asi pasina kugonda azvingaitiki kumudakadza, ngokuti kunyazwi ndiani uwo unouya kunaMwari, unosisira kuti atende kuti uriyo, naye unopa muthuso avo vanomutsvaka.

1 Joh. 5:10

Iye unotenda Mukororo waMwari uneuchapupu mukati mwake. Iye usikatendi Mukororo waMwari unomuita munyepi, ngokuti aazi kutenda uchapupu hwaakapupura Mwari ngendaa yoMukororo wake.