Isa. 7:3 - Bhaibheri Rakachena muChindau

³ Zvino Mambo Mwari wakati kunaIsaya, “Buda wooshongana naAhazi, iwewe naShearijashubhi mukororo wako, kumagumo omugero wegandwa redera, mupato romunda womusuki wezvokusimira,

Isa. 7:3 Iomraidhean Croise

2 Madzi. 16:1

Mugore regumi nemanomwe raPheka mukororo waRemaria, Ahazi mukororo waJothamu mambo waJudha wakatanga kutonga.

2 Madzi. 18:17

Mambo weAsiria wakatuma Thartani, Rabhisarisi naRabhishake nehondo huru kubva Rakhishi kuenda kunamambo Hezekia koorwa muJerusarema. Naapo vaguma vakakwira, vakaema pasinde pemugero wedziya redera, mupato guru, rinoenda kumunda womusuki wezvokusimira.

2 Madzi. 20:20

Mishando imweni yaHezekia, simba rake reshe, njira yaakanasira ndiyo dziya, nomugero, uwo waiunza mvura mudhorobha, azvizi kunyorwa here muBhuku reMishando yeZuva ngeZuva yeMadzimambo aJudha?

Neh. 3:16

Pasure pake Nehemia mukororo waAzabhuki, mutongi worupande rwenyika yaBhethizuri, waiakisa kubvira pandau yakaringirana nemaiba aDhavhidha, metsa kuguma kugandwa rakatsiwa, nokuguma kumhatso yevakuru vehondo.

EKISEDHUSI 7:15

Enda kunaFaro mangwanani, paanobuda kuenda kumvura; newe unozomuemera pahumbikumbi yorwizi kuti ushongane naye; unozotora ndonga munyara yako iyo yakapinduka kuita nyoka.

Isa. 10:21

Unosara, eya, unosara waJakobe unozohwirira kunaMwari unesimba.

Isa. 22:10

Mwakaerenga mhatso dzeJerusarema, mwakaputsa mhatso kuti mugwinyise marukumbati.

Isa. 22:11

Mwakaita gandwa pakati pemarukumbati mairi kutora mvura yegandwa rekaretu. Asi amuzi kuringira kwaari uwo wakaita izvi, nokuti kuremeredza uwo wakazvironga karetu.

Isa. 36:2

Mambo weAsiria wakatuma Rabhishake kubva Rakhishi kuenda Jerusarema kunamambo Hezekia nehondo hurutu. Wakaema kumagumo omugero wegandwa redera, mupato guru romunda womusuki wezvokusimira.

Isa. 55:7

Wakashata ngaasiye njira yake, nomunhu usikazi kururama mipinimidzo yake; ngaatenderukire kunaMambo Mwari, naye unozomuitira nyasha, nokunaMwari wedu, ngokuti unozomukungurira yaamho.

Isa. 6:13

Kunyazwi rupande rumwe rwegumi rwechisara mukati mwayo runozopishwazve, kudai ngomutherebhinti nokudai ngomuokhi, uwo guri rawo rinosara rakaema apo unowisirwa pashi. Mbeu yakachena ndiyo guri rawo.”

Jer. 22:1

Izvi ndizvo zvinoronza Mambo Mwari: “Dzaka kumhatso yamambo waJudha, uerekete apo izwi iri

Varoma 9:27

NaIsaya wakadaidzira ngendaa yevaIsuraeri kuti, “Kunyazwi uwandu hwevana vaIsuraeri hwechinyazodai ngejecha roruandhle, vakasara vavo ndivo vanozoponeswa;