Isa. 7:2 - Bhaibheri Rakachena muChindau

² Naapo mhatso yaDhavhidha yazwa kuti Aramu inobatana naEfuremu, mwoyo waAhazi wakazungunyiswa, pamwepo nomwoyo yevanhu vake, kudai ngemiti yegwasha inozungunyiswa ngedutu.

Isa. 7:2 Iomraidhean Croise

2 Sam. 7:16

Mhatso yako noumambo hwako zvinozogwinyiswa pamberi pako mhera nariini.’ ”

1 Madzi. 11:32

Soromoni unozosara norudzi rumwe ngendaa yomuranda wangu Dhavhidha, nendaa yeJerusarema, dhorobha rendakatsanangura pakati pemadzinza eshe aIsuraeri.

1 Madzi. 12:16

Naapo vaIsuraeri veshe vaona kuti mambo aazi kupurutana kwevari, vanhu vakapingura mambo vechiti, “Tine chikoaniswa chenyi kunaDhavhidha? Atina nhaka kumukororo waJesi. Endai kumatende enyu, imwimwi vaIsuraeri! Ringira zvino kumhatso yako, iwewe Dhavhidha.” Ndizvo vaIsuraeri vakapararira kuenda kumatende avo.

1 Madzi. 13:2

Naye wakadaidzira kuarita ngeizwi raMambo Mwari echiti, “Iwewe arita, arita, unoronza izvi Mambo Mwari: ‘Ringira, kunozoberekwa mukororo kumhatso yaDhavhidha, Josia ndiro zina rake; nepadera pako unozopira vapristi vendau dzakakwirira, avo vanopisha mitombo inegwema rakanaka padera pako, nemagodo evanhu anozopishwa padera pako.’ ”

2 MaKro. 25:10

Zvino Amazia wakapetudza hondo iyo yakauya kwaari yechibva kwaEfuremu, kuti ihwirirezve kanyi. Asi ushungu hwavo hwakabaka kakurutu kuvaJudha, navo vakahwirira kanyi kwavo vakatseneka kakurutu.

2 MaKro. 28:12

Vamweni vakuru vokwaEfuremu, Azaria mukororo waJohanani, Bherekhia mukororo waMeshiremothi, Jehizikia mukororo waSharumu, naAmasa mukororo waHadhirai, vakaema kurambidza avo vaibva kuhondo,

Nduyo 11:1

Ndinohwara munaMambo Mwari; munozoita maronzerenyi kwendiri, kuti, “Tizira kumatunhu kudai ngeshiri.

Mazwi 28:1

Wakashata unotiza pasina wamurumbirira, asi vakarurama vanoshinga kudai ngemhondoro.

Isa. 11:13

Godo raEfuremu rinozopera, ugaa hwaJudha hunozoparadzwa; Efuremu aachazoitiri Judha godo, naJudha aachazotambudzi Efuremu.

Isa. 22:22

Ndinozoisa pamapfudzi ake kiyi yemhatso yaDhavhidha; unozobeura, akuna naumwe unozokonya; unozokonya, akuna naumwe unozobeura.

Isa. 37:27

apo vagari vawo vaiya nesimba rakatsonga, vakashamiswa nokukangaidzwa; vakaita kudai ngechisimwa chomumunda, nokudai ngomwenje mutsva, kudai ngemwenje unokura padera pemhatso, unofuhurwa usati wakura.

Isa. 37:35

‘Ngokuti ndinozorwira dhorobha iri, ndiriponese inini pachangu, nangendaa yomuranda wangu Dhavhidha.’ ”

Isa. 6:13

Kunyazwi rupande rumwe rwegumi rwechisara mukati mwayo runozopishwazve, kudai ngomutherebhinti nokudai ngomuokhi, uwo guri rawo rinosara rakaema apo unowisirwa pashi. Mbeu yakachena ndiyo guri rawo.”

Isa. 7:13

Zvino Isaya wakati, “Izwai zvino, O mhatso yaDhavhidha! Chakanyanya kuita chiro chidoko here kwomuri kurembesa vanhu, kuti murembesewo Mwari wangu?

Isa. 7:17

Mambo Mwari unozounza mazuva asikazi kumboapo padera pako, nepadera pevanhu vako, nepadera pemhatso yababa ako, kubvira pazuva raakabva ndiro Efuremu kunaJudha, mambo weAsiria.”

Isa. 7:5

Ngokuti Aramu naEfuremu nomukororo waRemaria vakapangana zvakashata ndiwe vechiti,

Isa. 8:12

“Musati idumba, zveshe zvavanozoronza vanhu ava kuti idumba; musatya zvevanotya, nokuti kukaruka.

Isa. 9:9

nevanhu veshe vanozozvizia, Efuremu naavo vanogara muSamaria, asi vanoronza ngokudzikudza nemanyau mumwoyo vechiti,

Jer. 21:12

O mhatso yaDhavhidha. Izvi ndizvo zvinoronza Mambo Mwari: Tongai kutonga kwakanaka mangwanani, mumusunhure kubva kunyara yomutambudzi weshe wakabirwa, kuti ushungu hwangu husabuda kudai ngomuriro nokupisha, pasina naumwe ungaudzima, ngendaa yokushata kwezviito zvenyu.

Hos. 12:1

“Efuremu unoguta ngedutu, unoteera dutu rokumabvazuva zuva reshe; unowanza manyepo nokuparadza; unoita chitenderano naAsiria, nemafuta anotwara kuenda Egipite.”

Mateu 2:3

Kwakati Herodhi mambo azwa, wakatambudzika neveJerusarema veshe naye.