Isa. 5:2 - Bhaibheri Rakachena muChindau

² Wakaurima, akadusa mapuwe, akausima mavhini akanakisisa, wakaaka thawa pakati pawo, wakaita pokukamira vhini pakati pawo; wakaugarira echida kuti ubereke mavhini, asi wakabereka mavhini omushango.

Isa. 5:2 Iomraidhean Croise

2 Sam. 7:10

Neni ndinozoemesa ugaro hwevanhu vangu Isuraeri, ndivasime, kuti vagare muugaro huri hwavo, kuti vasachazobvazve; nevaiti vezvakashata avachazovatambudzizve kudai ngekaretu,

Neh. 13:15

Mumazuva awo ndakaona muJudha vanhu vechikamura vhini ngezuva reSabatha, vechiunza mwanda yezviyo, nokuitwarisa padera pezvimbongoro; nevhini rakakamurwa, mavhini, maonde, nembeu yeshe yemitwaro yaiunzwa muJerusarema ngezuva reSabatha; neni ndakavanyowedza ngokuvaitira ndaa ngeiro zuva revaitengesa ndiro zvokudya.

Nduyo 80:8

Iwewe wakaunza muvhini kubva Egipite; wakadzinga madzinza, ukausima.

Nduyo 80:9

Wakaurimira munda, wakatsira nzinde ukazadze nyika.

EKISEDHUSI 33:16

Ngokuti zvino kunozoziikanwa ngenyi kuti ndakaona nyasha mukuona kwako, inini nevanhu vako? Andikwo kuti unohamba nesu here, kuti kuapo mupauko, inini nevanhu vako kubva kune vanhu veshe vari padera pehope yenyika?”

Isa. 1:8

Nomukunda weZioni wasara kudai ngomuchacha mumunda wemivhini, kudai ngedumba riri mumunda wemakaka, kudai ngedhorobha ratendenedzwa ngehondo.

Isa. 5:7

Ngokuti munda wemivhini waMambo wehondo imhatso yaIsuraeri, nevanhu vaJudha muti wake unodakadza; naye wakakarira kuona kutonga kwakanaka, asi wakaona kuparadza ngazi; kuona kururama, asi wakaona kuchema.

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 2:21

Asi ndakakusima uri muvhini wakanaka; waiya mbeu yakanaka. Ndizvo wakaita mashandukirenyi kuita muvhini weshango?

Hos. 10:1

Isuraeri wakadai ngomuvhini wakanakisisa, unodziberekera michero yawo. Kuwanda kwemichero yake kunowanza maarita aanoaka; kudai ngokunaka kwenyika yake, wakaita sika dzokudira dzakanasa kunasirwa.

Mik. 4:8

Newe, O rusvingo rwemakwai, mutunhu wemwanasikana Zioni, kwouri unozouya umambo hwokutanga hunozouya, umambo hwemwanasikana Jerusarema.”

Zvi. 23:9

Ngokuti kubvira ndiri padera pamapuwe ndinomuona, nokubvira ndiri padera pezvimitunhu ndinomuringira; penya vanhu avo vanozogara vari vega, vasikazoerengwi pamwepo nemadzinza!

Mateu 21:19

Naapo aona muonde pasinde penjira, wakaguma kwouri, akaona usina chiro, asi mashakani ega, naye wakati kwouri, “Michero isachazoberekwa kwouri kunoti mhera nariini.” Paripo muonde wakazeketera.

Mateu 21:33

“Izwai muedzaniso umweni. Kwaiyapo munewemhatso wakatikuti, wakasima munda wemivhini, wakaushoshera ngerusvingo, wakatsvaka pokukamurira vhini mukati mwawo, naye wakaaka chitumba akauhina kuti ungwarirwe ngevarimi, akaenda kunyika imweni.

Mateu 21:34

Naapo nguva yokuibva kwemichero yakwedzera, wakatuma varanda vake kuvarimi avo, kuti vaashire chikoaniswa chake chemichero.

Marku 11:13

Echiona muonde kuretu unemashakani, wakenda kwouri kuti pamweni ungaona michero kwouri. Naapo aguma kwouri aazi kuona michero, kwega mashakani, ngokuti yaiya isati yaanguva yemaonde.

Marku 12:1

Zvino wakatanga kuereketa kwavari ngemiedzaniso echiti, “Munhu wakasima munda wemivhini, wakaushoshera ngorushosha kutendenedza, wakatsa rindi rokukamurira vhini, akaaka chitumba, wakaupa kuvarimi kuti vaushandise, akaenda kunyika imweni.

Marku 12:2

Naapo nguva yokuibva kwemichero yaguma, wakatuma muranda kuvarimi kuti aashire michero imweni yemivhini kubva kunevarimi.

Varoma 9:4

Ndivo vaIsuraeri, kwavari wakavaita vana vake, vanouthende, zvitenderano, nokupuwa kwoMupango, kudira nezvigondiso;

1 VaK. 9:7

Ndiani mujoni unoshanda mushando woujoni ngemare yake? Ndiani unosima munda wemivhini, asikadyi michero yawo? Ndiani unousha zvifuyo, asikadyi mukaka wazvo?

Dhuto. 32:6

Ndiyo njira here yomunoripira Mambo Mwari ndiyo, imwimwi vanhu mapenzi nevasina kungwara? Andiye here baba wenyu uwo wakamusika, uwo wakamuita nokumugwinyisa?

Vato. 16:4

Ngesure kweizvo wakada mudzimai waigara mubani reSoreki, zina rake raiya Dherira.