Isa. 4:4 - Bhaibheri Rakachena muChindau

⁴ kamwe apo Mambo Mwari asuka tsvina yevakunda veZioni, nokushamba madonhwe engazi kubva pakati peJerusarema ngomweya wokutonga nomweya wokupisha.

Isa. 4:4 Iomraidhean Croise

Nduyo 51:2

Ndisukenyi kakurutu kubva mukushata kwangu, nokundichenesa kubva muchishaishi changu.

Sor. 3:11

Budai, imwimwi vanasikana veZioni, muringire kunamambo Soromoni kudzungudza rakaiswa ndimai ake ngezuva rokuchadhiswa kwake, ngezuva rokudakara kwomwoyo wake.

Isa. 1:15

“Naapo pomunotambanudza nyara dzenyu, ndinozofisha madziso angu kubva kwomuri; kunyazwi mukaita mikumbiro yakawanda, andizopurutani; nyara dzenyu dzakazara ngengazi.

Isa. 1:25

Ndichapetudza nyara yangu kurwa nemwi; ndinozonyungurusa marara enyu, ndichabvisa kweshe kusikasukika kwenyu.

Isa. 1:31

Wakagwinya unozodai ngemwenje wakaoma, nomushando wake unozodai ngetsatsi; iye nemishando yake zvinozobaka pamwepo, akuna unozozvidzima.

Isa. 27:9

Ndizvo ngendaa iyi kushata kwaJakobe kunozoripirwa; neiyi ndiyo michero yakazara yokuduswa kushaisha kwake; apo paanoita mapuwe eshe earita kuti adai ngemapuwe akapfaa anoputswa kuita zvigurwa, apana sika yokudira nemitombo inonuhwira yepaarita zvinozosara zvakaemapo.

Isa. 28:6

nokuita mweya wokutonga kwakanaka kwaari unogara pakutonga, nokugwinyisa avo vanopetudza hondo pamisiwo.

Isa. 9:19

Kubudikidza ngoushungu hwaMambo Mwari wehondo nyika yakatsva, nevanhu vakaita kudai ngehuni dzomuriro; akuna munhu unozokungurira hama yake.

Isa. 9:5

Ngokuti magwada eshe evanorwa hondo akatsikatsika, nezvokusimira zvakamwirira ngengazi zvichapishwa kudai ngehuni dzomuriro.

Jer. 9:6

Ugaro hwenyu huri pakati pokuangiridzwa padera pokuangiridzwa, kuchengedzerwa padera pokuchengedzerwa. Vanoramba kundizia,” unoronza Mambo Mwari.

Chi. 1:9

Tsvina yaro iri munezvokufuka zvaro; aripinimidzi ngemagumisiro aro; kuwa kwaro pashi kunoshamisa, pasina naumwe muembedzeri. “O Mambo Mwari, ringira kutambudzika kwangu, ngokuti gaa ranyisa.”

Ezek. 22:15

Ndinozokuparadzira pakati pemadzinza, nokukutatanisa munyika, ndinozopedza tsvina yako kubva kwouri.

Ezek. 36:25

Ndinozofafaza mvura yakaera padera penyu, nemwi munozoita vakasukika kubva mukusikasukika kwenyu kweshe, nokubva mukudira miedzaniso yenyu yeshe ndinozomusuka.

Ezek. 36:29

Ndinozomuponesa kubva mukusikasukika kwenyu kweshe; ndinozodaidza koroni, nokuiita kuti iwandise, andizounzi nzara padera penyu.

Joeri 3:21

Ndinozochenesa ngazi yavo yendisikazi kuchenesa, ngokuti Mambo Mwari unogara muZioni.”

Zef. 3:1

Ihehe kuiswa mavhu, kusvipiswa, dhorobha rinotambudza!

Zek. 13:1

“Pairo zuva chinyuka chinozobeurirwa mhatso yaDhavhidha nevagari veJerusarema, chokusuka kushaisha nokusikasukika.

Zek. 13:9

Neni ndinozoisa urwu rupande rwechitatu mumuriro, ndinozoaererisa kudai ngounoeresa sirivha, nokuvaedza kudai ngounoedzwa kunoitwa mukore. Vanozodaidza ngezina rangu, neni ndinozovapingura. Ndinozoti, ‘Vanhu vangu;’ navo vanozoti, ‘Mambo Mwari ndiye Mwari wedu.’ ”

Mar. 4:1

“Ringira, zuva rinouya, rechibaka kudai ngechoto, navo veshe vanodzikudza, veshe vaiti vezvakashata, vanozoita mazungu; zuva rinouya rinozovapisha,” unoronza Mambo Mwari wehondo, “Kuti arizovasiiri runzinde nokuti nhai.

Mateu 23:37

“Jerusarema, Jerusarema, iwewe unouraya vaprofeti, wechivaponda ngemapuwe avo vanotumwa kwouri, kuwandanyi kwemikuwo yendakada kuunganidza vana vako pamwepo, kudai ngemhambo inounganidza zvitiyo zvayo pashi pemaphaphiro ayo, nemwi amuzikutenda!