Isa. 4:2 - Bhaibheri Rakachena muChindau

² Ngeiro zuva nhai yaMambo Mwari inozonaka kuringirika, inouthende, nemichero yenyika inozonakisisa, nokunaka kuringirika kwevakapokonyoka vaIsuraeri.

Isa. 4:2 Iomraidhean Croise

Nduyo 67:6

Nyika yabereka michero yayo yakawandisa; Mwari, Mwari wedu, watifumisa.

Nduyo 72:16

Ngazviwepo zviyo zvakawandisa munyika; ngazvizungunyike padera pemitunhu; michero yayo ngaidai ngeyeRebhanoni; vanhu vari muguta ngavamerere kudai ngomwenje womunyika.

EKISEDHUSI 28:2

Newe unozoita zvokusimira zvakacheneswa zvaAroni mukoma wako, zvouthende nezvounaku.

Isa. 11:4

Asi ngokururama unozotonga varombo, nokutongera vakapfaa venyika ngokuedzanisa; unozoponda nyika ngendonga yomuromo wake, ngefemero remiromo yake unozouraya vakashata.

Isa. 26:1

Ngeiro zuva nduyo iyi inozoembiwa munyika yaJudha: Tine dhorobha rakagwinya; Mwari unozoemesa kunyisa kudai ngemarukumbati nemarusvingo.

Isa. 27:6

Mumazuva awo achauya Jakobe unozoita nzinde, Isuraeri unozotumbuka maruva nokutungira matai matsva; naye unozozadza nyika ngemichero.

Isa. 30:23

Naapo unozounza mvura kumbeu dzenyu dzemwasima pamavhu; nezviyo zviri michero inobva mumavhu, izvo zvinozonaka nokuwanda. Ngeiro zuva n'ombe dzenyu dzinozofura kumafuro akapamhama.

Isa. 45:8

Nayai, O matenga kubva mudenga, nemakore ngaadurure pashi kururama; nyika ngaibeuke, kuunza ruponeso, ngaiite kuti kururama kubudewo; inini Mambo Mwari ndakazvisika.”

Isa. 53:2

Ngokuti wakakura pamberi pake kudai ngomuningwi wechisimwa, nokudai ngenzinde inobuda mumavhu akaoma; aana muemo wakanaka nokuti umambo, naapo tinozomuona akuna unaku hwetingamuda ndihwo.

Isa. 60:15

Ngokuti wakasiiwa, wakanyenywa, pasina naumwe waihamba pakati pako, zvino ndinozokuita unokudzwa mhera nariini, kudakarirwa kunobva kumazero mazhinji.

Isa. 60:21

Vanhu vako vanozoita vakarurama veshe; vanozogara nhaka yenyika mhera nariini, miningwi yomunda wangu wendakasima, mushando wenyara dzangu, kuti ndiirikidzwe.

Isa. 61:11

Ngokuti kudai ngenyika inomerisa mhurikirwa dzayo, nokudai ngomunda unomerisa izvo zvakasimwa kwouri, ngokudaro Mambo Mwari unozoita kuti kururama nokukudzwa zvibude mukuona kwemadzinza eshe.

Jer. 23:5

“Ringira, mazuva anouya chokwadi,” unoronza Mambo Mwari, “Apo ndinozomirudzira Dhavhidha Dai rakarurama, naye unozotonga paumambo ngokungwara; unozotonga ngokutonga kwakanaka, nokuita zvakarurama munyika.

Jer. 33:15

Mumazuva awo, nouwo mukuwo ndinozoita kuti Dai rokururama rikure kunaDhavhidha; naye unozotonga zvakanaka, nokururamisa munyika iyi.

Jer. 44:14

kuitira kuti pasaa naumwe wevakasara waJudha, waavo vakauya munyika yeEgipite koogaremwo, unozopona nokuti kusara, nokuti kupetuka munyika yaJudha. Kunyazwi vanodisisa kupetuka koogarayo, apana unozopetuka ngokubanze kwaavo vanozopokonyoka.”

Jer. 44:28

Naavo vanopokonyoka shoti, nokupetuka kunyika yaJudha kubva munyika yeEgipite, vanozoita vashomani; zvino veshe vakasara vaJudha avo vakauya koogara munyika yeEgipite vanozozia kuti mazwi anesimba ngaani, angu nokuti avo.

Ezek. 34:29

Ndinozoasimira zvisimwa zvinembiri, nawo aachazopedzwi ngenzara munyika, nawo aachazotwari kutukwa ngemadzinza.

Ezek. 36:8

“Asi imwimwi, O mitunhu yaIsuraeri, munozomerera matai enyu, mwechibereka michero yenyu kunevanhu vangu Isuraeri; ngokuti vachakasira kuuya kanyi.

Ezek. 7:16

Kudai varipo vanopona vanopokonyoka, vanozooneka padera pemitunhu, vakadai ngemagora omumapani, veshe vechibonda, umwe ngaumwe ngendaa yokushata kwake.

Joeri 2:32

Zvino weshe uwo unokumbira ngezina raMambo Mwari unozoponeswa; ngokuti kuMutunhu Zioni nomukati mweJerusarema vachazoamwo avo vakapokonyoka, kudai ngezvaaereketa Mambo Mwari, nepakati pevakasara vanozoapo avo vaanodaidza Mambo Mwari.”

Joeri 3:18

Muzuva iro, mitunhu inozodonha vhini idzva, zvimitunhu zvinozoerera ngomukaka, nendwizi dzeshe dzaJudha dzinozoerera ngemvura, nechinyuka chinozobuda mumhatso yaMambo Mwari, nokudiridzira Bani reShitimu.

Obh. 1:17

Asi paMutunhu weZioni kunozoapo avo vakapokonyoka, nawo unozoita wakacheneswa; mhatso yaJakobe inozogara nhaka youpfumi hwayo.

Zek. 3:8

Zvino, purutana, O Joshua, mupristi mukuru, nevangani vako vanogara pamberi pako! Ngokuti vari chioniso chezviro zvichauya: Ndinozounza muranda wangu, Nhai.

Zek. 6:12

uti kwaari, ‘Izvi ndizvo zvinoronza Mambo Mwari wehondo: Ringira, uwo munhu zina rake ndiNhai; naye unozoita nhai pandau yake; unozoaka temperi raMambo Mwari.

Zek. 9:17

A kunakanyi nokuringirika kwakanaka kwake! Zviyo zvinozoita kuti majaha akure akagwinya, nevhini idzva kuti vasikana vakure vakagwinya.

Mar. 3:17

“Navo vanozoita vangu,” unoronza Mambo Mwari wehondo, “Vangu vemene ngeiro zuva rendinozoita; neni ndinozovakungurira, kudai ngomunhu unokungurira mwana wake emene, uwo unomushandira.

Mateu 24:22

Kudai mazuva awo asikazofupiswi, akuna nomunhu unozoponeswa; asi ngepamusoro pevakatsanangurwa, awo mazuva anozofupiswa.

Ruka 21:36

Asi rindai nguva dzeshe, kumbirai kuti muwe nesimba rokupokonyoka kubva kuneizvi zveshe zvinozoitika, nokuema pamberi poMukororo woMunhu.”

Johani 1:14

NeIzwi wakaita munhu, wakagara pakati pedu, nesu takaringira uthende hwake, uthende huri hwouwo wakabarwa ega ndiBaba, akazara ngenyasha negwinyiso.

2 VaK. 4:6

Ngokuti ndiMwari wakati, “Kujeka kunozojeka kwechibva muchidima”, ndiye wakajeka mumwoyo mwedu, kuti atipe kujeka kwokuzia uthende hwaMwari pahope yaJesu Kristu.

2 Pet. 1:16

Ngokuti atizi kuteera ngano dzakaitwa ngourimbwi, apo petakaziisa kwomuri simba nokuuya kwaMambo wedu Jesu Kristu, asi taiya zvapupu zvakaona ngemadziso zvoukuru hwake.