Isa. 3:9 - Bhaibheri Rakachena muChindau

⁹ Kuoneka kwehope dzavo kunopupura ndivo; navo vanoronza pamhene zvishaishi zvavo kudai ngeSodhoma, avazvifishi. Ihehe kwevari, kumweya yavo! Ngokuti vadziunzira pachavo zvakashata.

Isa. 3:9 Iomraidhean Croise

Gen. 13:13

Zvino vanhu veSodhoma vaiya vakashata, vashaishi vakurutu pamberi paMambo Mwari.

Gen. 19:34

Mangwani mangwanani wedangwe wakati kuno mudoko, “Wona, ndakaatana usiku hwezuro nababa angu; ngatiite kuti vamwe vhini usiku hunozve; upotere iwewe uatane navo, kuti tingwarire rudzi rwababa edu.”

Gen. 4:5

asi aazi kuremeredza Kheni nomudiro wake. NaKheni wakatseneka kakurutu, nehope yake yakaonyana.

2 Madzi. 9:30

Naapo Jehu aguma Jezireeri, Jezebheri wakazwa ndizvo; wakadzodza hope yake ngomutombo, akafukidza soro rake, akaringira kubanze ngepafasitera.

Nduyo 10:4

Wakashata ngokudzikudza kwehope yake unoti, “Mwari aazondibvunzi.” Mikarakadzo yake yeshe inoti, “Akuna Mwari.”

Mazwi 15:32

Uwo unoramba kudzidziswa unoshoora mweya wake, asi uwo unopurutana kupangwa unouyirwa ngokuzwisisa.

Mazwi 30:13

Varipo avo, A kudzikudza kwakaitawani madziso avo! Kurebanyi kwakaita tsiyo dzavo!

Mazwi 8:36

Asi uwo unonditama unodzikuadza pachake; veshe avo vanondizonda vanoda rufu.”

Isa. 1:10

Izwai izwi raMambo Mwari, imwimwi vatongi veSodhoma! Mupurutane kuchironzo chaMwari wedu, imwimwi vanhu veGomora!

Isa. 3:16

Mambo Mwari wakati, “Ngokuti vakunda veZioni vanodzikudza, vanohamba nemitsipa yakarebeswa mberi, nemadziso anoemura, vanohamba vechinengama mukuhamba, vechigwinjirika ngetsoka dzavo,

Isa. 57:20

Asi vakashata vakadai ngoruandhle rusikakoni kuterama, urwo mvura yarwo inobudisa matope nemavhundu.

Isa. 59:12

Ngokuti zvishaishi zvedu zvawanda pamberi pako, nezvishaishi zvedu zvinotiitira ndaa. Zvishaishi zvedu ngegwinyiso zvinesu, nesu tinozia zvishaishi zvedu:

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 3:3

Ndizvo mvura yarambidzwa kunaya, akuzi kuapo mvura yokupedzisira; asi waiya nehope yehure, wakaramba kutsverudzwa.

Jer. 6:15

Vakaita ngenjira inotsverudza, apo vakaita zvinonyangadza; asi vaiya vasikatsveruki, avazi kuzia kutsveruka. Ndizvo vanozowa pakati peavo vanowa; ngomukuwo wendinovaorora, vanozorigwa pashi,” unoronza Mambo Mwari.

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Chi. 5:16

Dzungudza rawa kubva pasoro redu; ihehe kwetiri ngokuti tashaisha!

Ezek. 16:30

“Ngenjiranyi mwoyo wako unopera simba, unoronza Mambo Mwari, Mwari, wechiita izvi zviro zveshe, zviito zvinoitwa ngehure risikatsveruki ngouhure.

Ezek. 16:49

Ringira, uku ndikwo kushata kwomunun'una wako Sodhoma: Iye nevanasikana vake vaiya nokudzikudza, nokushadaya ngokudya, nokuwanda kwokugarisika, asi avazi kudetsera varombo nevanotama.

Ezek. 23:16

Ngokukasira apo avaona ngemadziso ake, wakavaemura, naye wakatuma nhumwa kwevari muKharadhea.

Dha. 7:20

nangendaa yenyanga gumi, idzo dzaiya pasoro racho, nendaa yenyanga imweni iyo yakabuda, kupa ndau iyo yedzakawa ndiyo nhatu; runyanga urwo rwaiya nemadziso, nomuromo uwo wakaereketa zvikuru kudzikudza, urwo kuringirika kwarwo kwaiya kwakapinda kukura kunevangani varwo.

Hos. 13:9

“Ndinozokuparadza, O Isuraeri, ngokuti kudetserwa kwako kuri mwendiri.

Hos. 5:5

Kudzikudza kwaIsuraeri kunopupura muhope yake kumuitira ndaa; Efuremu unopumhunwa mukushaisha kwake; Judha naye unopumhunwa pamwepo navo.

Varoma 6:23

Ngokuti misharo yokushaisha kufa, asi chipo chenyasha dzaMwari kupona kusikaperi munaKristu Jesu Mambo wedu.

Chakapangijihwa 11:8

nemiiri yavo yakafa inozorashwa mupato redhorobha guru rinozwi ngokuedzanisa Sodhoma neEgipite, paakakohomerwa Mambo wavo.

1 Sam. 15:32

Zvino Samueri wakati, “Unza kwendiri Agagi mambo wevaAmareki.” NaAgagi wakauya kwaari ngokudakara. Agagi wakati, “Ngegwinyiso kurwadziwa kwokufa kwapera.”