Isa. 3:1 - Bhaibheri Rakachena muChindau

¹ Ngokuti, ringira, Mambo Mwari, Mambo Mwari wehondo, unotora sika nomudondoro kubva Jerusarema neJudha: zveshe zvinopa ndaramo, chingwa nemvura,

Isa. 3:1 Iomraidhean Croise

2 Madzi. 25:3

Ngezuva rechipfumbamwe romwedzi wechirongomuna nzara yakakura mudhorobha, mwaiya musina kudya kwevanhu venyika.

Nduyo 105:16

Naapo paakadaidza nzara kuti iuye panyika, nokugura ndonga yeshe yezvingwa,

Isa. 1:24

Ndizvo Mambo Mwari, Mambo Mwari wehondo, uwo Unesimba waIsuraeri, unoti, “A, ndinozodurura ushungu hwangu padera pemagaa angu nokudziunzidzira pamapandu angu.

Isa. 2:22

Kunukuka kubva kuvanhu avo vane kufema kwavo kuri mukati mwemiro dzavo, ngokuti vanozoerengwa kuitenyi?

Isa. 3:16

Mambo Mwari wakati, “Ngokuti vakunda veZioni vanodzikudza, vanohamba nemitsipa yakarebeswa mberi, nemadziso anoemura, vanohamba vechinengama mukuhamba, vechigwinjirika ngetsoka dzavo,

Isa. 36:12

Asi Rabhishake wakati, “Mambo wangu wakandituma kuti ndierekete mazwi aya kunamambo wako nekweuri, naye aazi kunditumira kuvanhu vanogara parukumbati, avo vakaemeserwa kuti vadye madisa avo nokumwa mvura yavo vari pamwepo nemwi here?”

Isa. 5:13

Ndizvo vanhu vangu vanoenda muubatwa ngokutama kuzia, nevanhu vavo vanoremeredzwa vanofa ngenzara, nechiunga chavo chinopera ngenyota.

Isa. 51:22

Izvi ndizvo zvinoronza Mambo wako, Mambo Mwari, Mwari wako uwo unoemerera ndaa dzevanhu vake, “Ringira, ndakutorera tsani yokuthethereka kubva munyara yako; auchazomwi masese ejomeya roushungu hwangu.

Isa. 9:20

Vanobvuka ngokumudyo, asi vanoita nzara, vanodya ngomuoshwe, asi avaguti; umwe ngaumwe unodya nyama yomuoko wake.

Jer. 37:21

Ndizvo Zedhekia mambo wakapanga kuti vaunze Jeremia muruwanze rwevarindi, nokumupa mazuva eshe chingwa kubva kumhatso dzevabiki, metsa zvingwa zveshe zvomudhorobha zvapera. Ndizvo Jeremia wakagara muruwanze rwevarindi.

Jer. 38:9

“Mambo wangu, mambo, vanhu ava vaita zveshe zvakashata kunaJeremia muprofeti ngokumukandira murindi, kuti afiremwo ngenzara, ngokuti akuchina kudya mudhorobha.”

Jer. 52:3

Ngegwinyiso Jerusarema naJudha vakanyangadza Mambo Mwari, ndizvo zvakaita kuti avadzinge kubva pamberi pake. Zedhekia wakamukira mambo weBhabhuroni.

Jer. 52:6

Pazuva rechipfumbamwe romwedzi wechirongomuna nzara yakashata yakauya mudhorobha, ndizvo mwaiya musichina kudya kwevanhu veiyi nyika.

Chi. 5:4

Tomwa mvura ngokutenga; huni dzedu toita zvokutengeserwa.

Ezek. 14:13

“Mukororo womunhu, apo nyika yechishaisha kwendiri ngokusikagondeka kukurutu, neni ndinozotambanudza nyara yangu kurwa nayo, ndigure mudondoro wechingwa chayo, ndiunze nzara padera payo, nokuuraya vanhu nemhuka kubva kweiri,

Revhi 26:26

Naapo ndinozogura mudondoro wechingwa chenyu, vakadzi gumi vanozobika chingwa chenyu pachoto chimwecho, navo vanozomupa chingwa ngokupima; munozodya musikaguti.

Amo. 4:6

Ndakamupa kusukika kwemazino mumadhorobha enyu eshe, nokutamika kwechingwa kundau dzenyu dzeshe, asi amuzi kupetuka kwendiri, unoronza Mambo Mwari.

Mik. 4:9

Zvino unoboorera ngenyi? Akuna mambo here mukati mwako? Mupangi wako afa here, ngokuti kurumwa kwakubata kudai ngomukadzi wobereka?