Isa. 2:3 - Bhaibheri Rakachena muChindau

³ Vanhu vazhinji vanozouya vechiti, “Uyai, ngatikwire kumutunhu waMambo Mwari, kumhatso yaMwari waJakobe, kuti atifundise njira dzake, nesu tihambe mumakwara ake. Ngokuti mupango unozobuda kubva muZioni, neizwi raMambo Mwari kubva Jerusarema.”

Isa. 2:3 Iomraidhean Croise

Esita 9:27

vaJudha vakaemesa, nokuashira kuita muitiro wavo, nokumibarirwana yavo, navo veshe vakabatana pamwepo navo, kuti pasina kukorera, vaangire kungwarira mazuva awo mairi ngegore gore, kudai ngezvezvakanyorwa, nokudai ngenguva yakaemeswa pagore ngegore.

Nduyo 102:23

Watsonza simba rangu munjira; wafupisa mazuva okupona kwangu.

Nduyo 110:2

Mambo Mwari unozotumira mudondoro wesimba rako unobva muZioni. Tonga iwewe pakati pemagaa ako.

Nduyo 119:171

Miromo yangu inozodurura kukudza, ngokuti iwewe unondidzidzisa zviemeso zvako.

Nduyo 122:1

Ndakadakara apo vakati kwendiri, “Ngatikwire kuenda kumhatso yaMambo Mwari!”

Nduyo 48:1

Mambo Mwari mukuru, unosisira kukudzwa kakurutu, mudhorobha raMwari wedu. Mutunhu wake wakachena,

Isa. 1:26

Ndichaunzazve vatongi venyu kudai ngokutanga, nemakota enyu kudai ngokuamba. Ngesure munozodaidzwa kuti, ‘Dhorobha rokururama, dhorobha rinongondeka.’ ”

Isa. 11:10

Ngeiro zuva runzinde rwaJesi runozoema kuita mujeki wevanhu; madzinza anozomutsvaka, nendau yougaro hwake inozozara ngouthende.

Isa. 19:23

Ngeiro zuva pato rinozoapo rinobva Egipite kuenda Asiria, nevaAsiria vanozouya kuEgipite, nevaEgipite kuenda Asiria; nevaEgipite vanozodira nevaAsiria.

Isa. 28:9

Ndiani waanozodzidzisa ruziyo, nokunaani kwaanozonasa kududzira izwi? Avo vakarumurwa kubva pamukaka, naavo vakaduswa kubva pamazamo?

Isa. 44:5

Umwe uyu unozoti, ‘Inini ndiri waMambo Mwari;’ umweni unozodzidaidza pachake ngezina raJakobe; asi umweni unozonyora panyara yake kuti, ‘Ndiri waMambo Mwari,’ nokudzidudza zina raIsuraeri.”

Isa. 56:5

ndinozopa mumhatso yangu, nomukati mwemarukumbati rwangu, muedzaniso nezina rakanaka kupinda vakororo nevanasikana; ndinozovapa zina risikaperi risikazogurwi.

Isa. 56:7

ava ndinozovaunza kumutunhu wangu wakachena, nokuvaita kuti vadakare mumhatso mwangu mwokukumbira; midiro yavo yokupisha nemibairo yavo inozoashirwa padera pearita rangu; ngokuti mhatso yangu inozodaidzwa kuti imhatso yokudira yevanhu veshe.”

Isa. 60:3

Madzinza anozouya mukujeka kwako, nemadzimambo mukujekisisa kwemambakwedza.

Isa. 65:11

Asi imwimwi munosiya Mambo Mwari, munoriyarwa mutunhu wangu wakachena, munonasirira matafura kuti muuyirwe, nokuzadza tsani ngevhini rakabvengedzerwa magumo;

Isa. 66:20

Vanozounza hama dzenyu dzeshe kubva kumadzinza eshe kuita chipo chomudiro kunaMambo Mwari, padera pemahachi, mumakarichi mungoro, padera pemanurusi, napadera pemangamera, kuvaunza kumutunhu wangu wakachena Jerusarema,” unoronza Mambo Mwari, “Kudai ngevana vaIsuraeri vanounza zviyo kuita munikero wavo muzvidziyo zvakasukika kumhatso yaMambo Mwari.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 26:18

“Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Jer. 31:6

Ngokuti rinozoapo zuva apo varindi pevanozodaidza vari munyika yezvimitunhu yaEfuremu vechiti, ‘Uyai, tikwire Zioni, kunaMambo Mwari, Mwari wedu.’ ”

Ezek. 40:2

Wakandiunza muzvioniso zvaMwari kunyika yaIsuraeri, naye wakandigadzika pashi padera pomutunhu wakakwira yaamho, apo paiya nomuemo wakadai ngedhorobha ngokubani.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Hos. 6:3

Ngatizie, ngatiangire kukwedzera kuti timuzie Mambo Mwari; kubuda kwake kwakagwinya kudai ngokuedza; unozouya kwetiri kudai ngemvura yokutanga inonaya, kudai ngemvura inodiridzira panyika.

Mik. 4:2

nemadzinza akawanda anozouya echizoti, “Uyai, ngatikwire kumutunhu waMambo Mwari, kumhatso yaMwari waJakobe; kuti atidzidzise njira dzake, nokuti tihambe ngenjira dzake.” Ngokuti kubva kuZioni kunozobuda kudzidziswa, neizwi raMambo Mwari rinozobuda kubva muJerusarema.

Mateu 7:24

“Ndizvo kunyazwi ndiani unozwa mazwi angu aya nokuaita, unoedzaniswa nomunhu wakangwara, uwo wakaaka mhatso yake padera poruware.

Ruka 11:28

Asi iye wakati, “Eya, kakurutu vanomuchena avo vanorizwa izwi raMwari vechiringwarira!”

Ruka 24:47

nokutizve kutenderuka nokurekererwa kwezvishaishi kunosisira kuchumairwa ngezina rake kunemadzinza eshe, kutanga muJerusarema.

Johani 4:22

Imwimwi munodira chomusikazii; isusu tinodira chetinozia, ngokuti ruponeso runobva kuvaJudha.

Johani 7:17

kunyazwi ndiani unoda kuita kuda kwaMwari, unozozia kuti chidzidziso chinobva kunaMwari here nokuti ndinodziereketera pachangu.

Zvak. 1:8

Asi munozoashira simba apo Mweya Wakachena auya padera penyu; nemwi munozoita zvapupu zvangu muJerusarema, muJudhia mweshe, muSamaria nokumagumo enyika.”

Zvak. 10:33

Ndizvo paripo ndakatuma vanhu kwouri, newe ngokuuya wanasa; ndizvo tiri pano teshe pamberi paMwari kuzwa zveshe zvakapangwa kwouri ndiMwari.”

Varoma 10:18

Asi ndinobvunza, avazi kuzwa here? Eya, ngegwinyiso vakazwa; “Izwi ravo rakabuda kuenda panyika peshe, nemazwi avo akaguma kumagumo enyika.”

Dhuto. 33:19

Vanozodaidza vanhu kumutunhu; naapo vanozopira mibairo yokururama; ngokuti vanozodya zvouwandu hwemaruandhle, nezvoupfumi hwakafishwa mujecha.”

Dhuto. 6:1

Zvino iyi ndiyo mipango nezviemeso nezvitongero, zvaakandipanga Mambo Mwari, Mwari wenyu, kuti ndimudzidzise, kuti muzviite muri munyika yomunoenda koogara nhaka yayo,

Jakobe 1:25

Asi uwo unoringira mupango wakaperera wokusunhurika, echiangira kudaro, asikaiti unozwa echiriyarwa, asi muiti womushando, uyu munhu unozofumiswa muzviito zvake.