Isa. 1:5 - Bhaibheri Rakachena muChindau

⁵ Ngenyi mwechitsvaka kuchayiwazve? Ngenyi mwechiangira kumukira? Soro reshe rinorwara, nomwoyo weshe unodemera.

Isa. 1:5 Iomraidhean Croise

Ezek. 24:13

Asi apo pendakakuchenesa mutsvina yokuemura kwenyama, auzi kusukika kubva mutsvina yako; auchazosukwizve nakamwe, metsa ndapedza ushungu hwangu padera pako.

Jer. 5:3

O Mambo Mwari, madziso ako aatsvaki gwinyiso here? Wavachaya, asi avazi kuzwa kurwadziwa; iwewe wavapedza, asi vakaramba kupangwa. Vakaita kuti hope dzavo dzikonze kupinda buwe; varamba kupetuka sure.

Isa. 31:6

Petukai kwaari uwo wemwakamukira, imwimwi vana vaIsuraeri.

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 9:3

“Vanokunga rurumi rwavo kudai ngouta kufura manyepo: haiwa ngegwinyiso revanonyisa ndiro munyika. Ngokuti vanobva mukushata kuenda mukushata, navo avandizii,” unoronza Mambo Mwari.

Jer. 2:30

Ndakachayira pasina chiro vana venyu; avazi kuashira kupangwa. Shoti yenyu yemene ndiyo yakauraya vaprofeti venyu kudai ngemhondoro inokara.

Neh. 9:34

Madzimambo edu, vakuru vedu, vapristi vedu, madzibaba edu, avazi kungwarira nokuti kupurutana mipango yako, nenyowedzo dzako, dzewakaita kwevari.

Jer. 5:5

Ngandiende kuvakuru, ndierekete navo; ngegwinyiso vanozia njira yaMambo Mwari, mupango waMwari wavo.” Asi ava veshe vakatodzana vakagura joka, vakadambura zvisungo.

Isa. 33:24

Akuna mugari unozoronza kuti, “Inini ndinorwara.” Vanhu vanogaremwo vanozorekererwa zvishaishi zvavo.

Isa. 9:21

Manase unodya Efuremu, Efuremu unodya Manase, navo pamwepo vanorwisa Judha. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Isa. 9:13

Vanhu avazi kutenderukira kwaari uwo wakavachaya, nokuti kutsvaka Mambo Mwari wehondo.

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

2 MaKro. 28:22

Munguva yokutambudzika kwake wakaangira kupauka kubva kunaMambo Mwari, uyu mambo Ahazi.

2 Madzi. 1:13

Mambo wakatumazve ngokwechitatu nduna nevanhu vayo makumi mashanu. Ndizvo nduna yechitatu yemakumi mashanu yakakwira, yakawa ngemabvi ayo pamberi paErija, yakakumbira kwaari yechiti, “A, munhu waMwari, ndinokupota kuti kupona kwangu, nokweava makumi mashanu kuoneke kunemutengo mukuru mukuona kwako.

Jer. 13:23

MuEthiopia ungatsandura here ganda rake, nokuti khamba ringatsandura here maara aro? Zvino iwewewo ungakona kuita zvakanaka, wakarovedzera kuita zvakashata.

Jer. 17:9

Mwoyo unochengedza kupinda zveshe, wakashata yaamho; ndiani ungauzia?

Jer. 44:15

Zvino vamuna veshe vaizia kuti vakadzi vavo vaipisha mutombo unegwema kuzvimwari zvimweni, nevakadzi veshe vaiema pasinde, mbungano huru, vanhu veshe vakagara munyika yeEgipite muPhathrosi, vakapingura Jeremia vechiti,

Chi. 5:17

Ngendaa yeichi mwoyo yedu inodemera; ngendaa yeizvi madziso edu anodzerera, aachanasi kuona,

Ezek. 34:4

Amuzi kugwinyisa akarembedzeka, amuzi kurapa anenhenda, amuzi kusunga akaguka, amuzi kupetudza awo akapepesheka, nokuti kutsvaka akarashika, asi mwakaatonga ngokumanikidza ngorunya.

Ezek. 34:16

Ndinozotsvaka akarashika, ndinozopetudza awo akapauka, ndechisunga awo akaguka, ndechigwinyisa akarembedzeka, asi ndinozouraya akakora neanesimba. Ndinozoagutisa ngokutonga kwakanaka.