Isa. 1:4 - Bhaibheri Rakachena muChindau

⁴ A, dzinza rokushaisha, vanhu vanoremerwa ngokushata, mubarirwana unoita zvakashata, vana vanoita zvakaora, avo vakasiya Mambo Mwari, avo vakashoora Umwe Wakachena waIsuraeri, vakadziita vapara, vakahwirira sure.

Isa. 1:4 Iomraidhean Croise

Gen. 13:13

Zvino vanhu veSodhoma vaiya vakashata, vashaishi vakurutu pamberi paMambo Mwari.

2 Madzi. 21:22

wakasiya Mambo Mwari, Mwari wemadzibaba ake, aazi kuhamba ngenjira yaMambo Mwari.

2 MaKro. 12:1

Naapo utongi hwaRehobhoamu hwagwinyiswa, simba rake rakura, akarekera mipango yaMambo Mwari, nevaIsuraeri veshe naye.

2 MaKro. 27:2

Wakatonga wakaita zvaiya zvakanaka mukuona kwaMambo Mwari, kudai ngezvakaitwa ndiUzia baba ake, kwega kuti aazi kupotera mumhatso yaMambo Mwari. Asi vanhu vakaangira kuteera kuita zvakashata kakurutu.

Neh. 1:7

Takaita zvakashata kakurutu kwouri; atizi kungwarira mipango, zviemeso nezvitongero zvewakapanga muranda wako Mosi.

Nduyo 58:3

Vakashata vanopauka kubva vachiri mundani; vanopauka vachaamba kubarwa, vechiereketa manyepo.

Nduyo 71:22

Ndinozokukudzawo ngechimadangari, ngendaa yougondeki hwako, A Mwari wangu. Ndinozoemba kukukudza ngembira, iwewe Wakachena Umwe waIsuraeri.

Nduyo 78:40

Nguva dzakawanda vakamumukira mushango, vakamutambudza mushango musina mvura.

Nduyo 78:41

Vakaedzazve Mwari, vakanyangadza Wakachena waIsuraeri.

Nduyo 78:57

asi vakakunukukira sure, vakaita vasikagondi kudai ngemadzibaba avo; vakapauka vakaita kudai ngouta wakagoba.

Nduyo 78:8

kuti vasadai ngemadzibaba avo, mubarirwana usikazwi nounomukira, mubarirwana usikazii kururama mumwoyo yawo, uwo mweya wawo usikazi kugondeka kunaMwari.

Nduyo 89:18

Ngokuti chihlangu chedu ngechaMambo Mwari; mambo wedu kuneWakachena waIsuraeri.

EKISEDHUSI 32:7

Mambo Mwari wakati kunaMosi, “Enda, dzaka pashi; ngokuti vanhu vako vowakabudisa kubva kunyika yeEgipite vadzishaishira.

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Isa. 1:28

Asi vamukiri nevashaishi vanozoparadzwa pamwepo, naavo vanosiya Mambo Mwari vanozopera.

Isa. 10:6

Ndinomutuma koorwisa dzinza risikadi Mwari nokuvanhu voushungu hwangu ndinomupanga, kutora zvinochakatwa nokutora zvakabvukwa nokuvatsika tsika pashi kudai ngematope omumapato.

Isa. 12:6

Daidzirai nokuemba ngokudakara, imwimwi munogara muZioni, ngokuti Wakachena waIsuraeri mukuru pakati penyu.”

Isa. 14:20

Auzoshonganiswi navo mukuikwa, ngokuti waparadza nyika yako, wauraya vanhu vako. Mibarirwana yevanoita zvakashata aizokarakadzwi mhera nariini.

Isa. 29:19

Vakapfaa vanozoona kudakara kutsva munaMambo Mwari, nevarombo pakati pevanhu vanozodakara muneUwo Wakachena waIsuraeri.

Isa. 3:8

Ngokuti Jerusarema rapumhunwa, Judha rawa, ngokuti kuereketa kwavo nezviito zvavo zvinorwisana naMambo Mwari, zvechiphikisana nouthende hwokuwapo kwake.

Isa. 30:1

“O vana vanoita mbengo,” unoronza Mambo Mwari, “Avo vanoita urongwa, asi haiwa hwangu; avo vanoita chitenderano, asi vanorwisana nomweya wangu, kututsira chishaishi padera pechishaishi;

Isa. 30:15

Ngokuti izvi ndizvo zvinoronza Mambo Mwari, Uwo Wakachena waIsuraeri, “Ngokuhwirira nomukuzorora munozoponeswa; mukunyarara nomukugonda munozoita simba renyu. Asi mwaramba

Isa. 30:9

Ngokuti vanhu vanembengo, vana vasikagondeki, vana vanoramba kuzwa kudzidzisa kwaMambo Mwari;

Isa. 31:2

Asi nayewo wakangwara unounza zvakashata; aapetudzi sure mazwi ake, asi unozomiruka kurwisa mhatso yevanoita zvakashata, nokurwisa vadetseri veavo vanoita kushaisha.

Isa. 37:23

Ndiani wewakasheka nokutuka? Uwo wewakamirudzira izwi rako, nokumirudzira madziso ako padera? Unorwisana noUwo Wakachena waIsuraeri!

Isa. 41:14

“Usatya, iwewe honye Jakobe, neimwimwi vanhu vaIsuraeri! Ndinozomudetsera, unoronza Mambo Mwari, Muripiri wenyu ndiye Wakachena waIsuraeri.

Isa. 41:16

Munozozvipepeta, nedutu rinozozvitora, nechipupuri chinozozviparadza. Zvino munozodakara munaMambo Mwari; mune Wakachena waIsuraeri munozokudza.

Isa. 41:20

kuti veshe vaone, vazie, vapinimidze, vazwisise pamwepo, kuti nyara yaMambo Mwari yakaita izvi, Wakachena waIsuraeri wakazvisika.”

Isa. 5:19

avo vanoti, “Ngaakasire, ngaakasire nomushando wake, kuti tiuone; nourongwa hwoUwo Wakachena waIsuraeri ngahukasire kuzadzisika, kuti tihuzie!”

Isa. 5:24

Ndizvo zvino, kudai ngomurazvu womuriro unodya matsotso, nokudai ngomurazvu unopisha matsengwe akaoma, ndizvo nzinde dzawo dzinoita dzakaora neruwa ravo rinozopwititika kudai ngebukuta; ngokuti varamba kupanga kwaMambo Mwari wehondo, nokushoora izwi roUwo Wakachena waIsuraeri.

Isa. 57:17

Ngendaa yokushaisha kwokuemura kwake ndakamutsenekera; ndikamuchaya, ndakahwara ndakatseneka; asi wakaangira kupetuka sure munjira yokuda kwomwoyo wake.

Isa. 58:2

Asi vanonditsvaka mazuva eshe nokudakarira kuzia njira dzangu, kudai ngedzinza rinoita zvakarurama, nokudai ngevasikazi kusiya mipango yaMwari wavo; vanokumbira kwendiri kutonga kwakarurama, vanodakara ngokukwedzera pasinde naMwari.

Isa. 65:11

Asi imwimwi munosiya Mambo Mwari, munoriyarwa mutunhu wangu wakachena, munonasirira matafura kuti muuyirwe, nokuzadza tsani ngevhini rakabvengedzerwa magumo;

Isa. 65:3

vanhu vanondiambira pamberi pehope yangu mikuwo yeshe kuti nditseneke; vanopira mudiro muminda, nokupisha mutombo unegwema rakanaka padera pemaarita ezvidhina;

Isa. 9:17

Ndiyo ndaa Mambo Mwari aazodakariri majaha avo, aazokunguririzve nherera neshirikadzi; ngokuti veshe vasikadi Mwari nevaiti vezvakashata, nemiromo yeshe inoereketa upenzi. Ngeizvi zveshe ushungu hwake ahuzi kupetuka, asi nyara yake ichakatambanudzwa nazvinopano.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 2:13

Ngokuti vanhu vangu vaita kushata kuiri: vandisiya inini chinyuka chemvura yokupona, vadzitsira zvinyuka zvinerutwe, zvisikagari nemvura.

Jer. 2:17

Auzi kudziunzira izvi padera pako here, ngokusiya Mambo Mwari, Mwari wako, apo akakutungamirira munjira?

Jer. 2:19

Kushata kwako kwemene kunozokuorora, nokupetuka sure kwako kunozokuitira ndaa. Zia nokuona kuti chiro chakashata nechinovava kweuri kusiya Mambo Mwari, Mwari wako; kutyisa kwangu akurimwopi mukati mwako,” unoronza Mambo Mwari wehondo.

Jer. 2:31

Nemwi, O mubarirwana, wonai izwi raMambo Mwari. Ndaita rubaya kunaIsuraeri here nokuti ndaita nyika yechidima? Ngenyi zvino vanhu vangu vechironza kuti, takasunhurika, atizouyizve kwouri?

Jer. 2:33

Kunakanyi kwakaita utungamiriri hwako hwokutsvaka vadikani! Ndizvo kunyazwi nokuvakadzi vakashata wakadzidzisa njira dzako.

Jer. 2:5

Ndizvo izvi zvinoronza Mambo Mwari, “Kushatanyi kwevakaona madzibaba enyu mwendiri, kwakaita kuti vaende kuretu kubva kwendiri, nokuteera zviro zvoupenzi, nokudziita pachavo vasina shwiro?

Jer. 32:32

ngendaa yokushata kweshe kwevanhu vaIsuraeri nekwevanhu vaJudha, kwevakaita kumusa kutseneka kwangu, ivo namadzibaba avo, vatongi vavo, vapristi vavo nevaprofeti vavo, vanhu vaJudha, naavo vanogara muJerusarema.

Jer. 50:29

“Unganidzai vanofura ngeuta kurwa neBhabhuroni, veshe vanokwanya. Akai matende kuritendenedza; musatendera naumwe kuti apokonyoke. Riunzidzirei kudai ngomushando waro; kudai ngezverakaita, itaiwo kudaro kweriri, ngokuti rakadzikudza pamberi paMambo Mwari, Wakachena waIsuraeri.

Jer. 51:5

Ngokuti Isuraeri naJudha avazi kusiiwa ndiMwari wavo, Mambo Mwari wehondo, kunyazwi nyika yavo yakazadzwa ngokushaisha pamberi peUmwe Wakachena waIsuraeri.

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Jer. 7:26

asi avazi kupurutana nokuti kukotamisa nzee kwendiri, asi vakakonzisa mitsipa yavo. Vakaita zvakashata kupinda madzibaba avo.

Ezek. 14:5

kuitira kuti ndibate mwoyo yemhatso yaIsuraeri, veshe avo vakaparadzaniswa kubva kwendiri kubudikidza ngemiedzaniso yavo yokudira.’

Ezek. 16:33

Zvipo zvinopuwa kumahure eshe; asi iwewe wakapa zvipo zvako kunevadikani vako, nokuvabhadhara kuti vauye kwouri kubva kumarutii eshe ngendaa youhure hwako.

Ezek. 16:45

Iwewe uri mwanasikana wamai ako, uwo wakanyenya mwamuna wake nevana vake; newe uri hurwani wevanun'una vako, avo vakanyenya vamuna vavo nevana vavo. Mai ako vaiya muHiti nababa ako vaiya muAmori.

Dha. 9:11

VaIsuraeri veshe vakagura mupango wako, ngokupauka, vakaramba kuti vasazopurutana izwi rako. Ndizvo chituko chakadururwa padera pedu, nokupika ukwo kwakanyorwa mumipango yaMosi, muranda waMwari, ngokuti takamushaishira.

Zef. 1:6

avo vakahwirira sure kubva mukuteera Mambo Mwari, avo vasikazi kutsvaka Mambo Mwari, nokuti kubvunzisisa ndiye.

Zvi. 32:14

Nazvino, imwimwi mibarirwana yevashaishi, mwamiruka pandau yemadzibaba enyu, kututsira ushungu hunotyisa hwaMambo Mwari kuvaIsuraeri!

Mateu 11:28

Uyai kwendiri imwimwi mweshe munoremba, munodzimbirwa ngomutwaro, neni ndinozomuzorodza.

Mateu 23:33

Imwimwi nyoka, imwimwi vana vemabuura, mungaita mapokonyokerenyi kubva mukutongwa nokukandirwa muGehena?

Mateu 3:7

Asi echiona vazhinji vevaFarisi nevaSadhusi vechiuya kurubhabhatidzo rwake, wakati kwavari, “Imwimwi vana vemabuura, ndiani wakamunyowedza kuti mutize ushungu hunouya?

Varoma 8:7

Ngokuti mupinimidzo wezvenyama kuambana naMwari; ngokuti aupfairi Mupango waMwari, ngegwinyiso aungakoni;

1 VaK. 10:22

Nokuti isusu tinoda kumusa ndurumwa yaMambo here? Isusu takagwinya kumupinda here?

Dhuto. 29:25

Naapo vanhu vanozoti, “Ngokuti vakasiya chitenderano naMambo Mwari, Mwari wemadzibaba avo, chaakaita navo apo akavabudisa kubva munyika yeEgipite.

Dhuto. 31:16

Mambo Mwari wakati kunaMosi, “Ngokukasira unozoata nemadzibaba ako. Zvino ava vanhu vanozomiruka, vaite umhombo ngokuteera zvimwari zvevanhu vapara venyika yevanozoenda koogara pakati pavo; navo vanozondisiya, nokugura chitenderano changu chendakaita navo.

Dhuto. 32:19

Mambo Mwari wakazviona, akava nendurumwa, naye wakaramba vakororo vake nevanasikana vake.”

Dhuto. 32:5

asi imwimwi muri vasikagondeki, amuzi kusisira kuita vana vake, muri mubarirwana unopauka nowakashongoroka.

Vakorose 1:24

Zvino ndinodakara mukutambudzika kwangu ngendaa yenyu, ndechizadzisa munyama yangu icho chakasarira chemadambudziko aKristu ngendaa yomuiri wake, kuronza, chiara.

Chakapangijihwa 18:5

ngokuti zvishaishi zvake zvakaita murwi zvinoguma mudenga, naMwari wakakarakadza ngezvakashata zvake.

Vato. 10:10

VaIsuraeri vakachema kunaMambo Mwari vechiti, “Takashaisha kwouri ngokusiya Mwari wedu, nokudira vanaBhaari.”