Isa. 1:3 - Bhaibheri Rakachena muChindau

³ Kabi inozia mune wayo, nembongoro chidziyo chatenzi wayo; asi Isuraeri aazii, vanhu vangu avazwisisi.”

Isa. 1:3 Iomraidhean Croise

Nduyo 94:8

Zwisisai, imwimwi mabungumupee evanhu; mapenzi, munozongwara riini?

Mazwi 28:5

Vanhu vakashata avazwisisi kutonga kwakanaka, asi avo vanotsvaka Mambo Mwari vanokuzwisisa kweshe.

Mazwi 6:6

Enda kudzunzi, iwewe unenungo; wechikarakadza njira dzaro, ungware.

Isa. 27:11

Naapo matai aoma, anogurwa; vakadzi vanouya nokubasa muriro ndiwo. Ngokuti ava vanhu vasina kuzwisisa; ndizvo uwo wakavaita aazovazwiri urombo, nouwo wakavasika aazovaitiri nyasha.

Isa. 42:20

Waona zviro zvizhinji, asi auzviringisisi; nzee dzako dzakabeuka, asi auzwi.”

Isa. 44:18

Avazii nokuti kuzwisisa; ngokuti vakapofomadza madziso avo kuti vasaona, nokuti vasakona kuzwisisa.

Isa. 5:12

kumadhiri enyu munoridzwa gitari, chidangari, ngoma yesimbi, munanzi nevhini, asi amupinimidzi ngomushando waMambo Mwari, amuzi kuringira mushando wenyara dzake.

Isa. 5:13

Ndizvo vanhu vangu vanoenda muubatwa ngokutama kuzia, nevanhu vavo vanoremeredzwa vanofa ngenzara, nechiunga chavo chinopera ngenyota.

Isa. 56:11

Imbwa dzinokara kudya, dzisikagutswi. Vaushi vasikakoni kuzwisisa; veshe vatokunukukira kunjira dzavo, umwe ngaumwe unotsvaka kuuyirwa kwake.

Jer. 10:14

Munhu weshe uri bungumupee mukuzia kwake; mupfuri weshe unotsverudzwa ngemiedzaniso yake, ngokuti miedzaniso yake ngeyokunyepera, amuna mweya wokufema mukati mwayo.

Jer. 10:8

Asi veshe mabungumupee nemapenzi. Chidzidzo chinoitwa ngemiedzaniso achinaki kupinda chemuti.

Jer. 35:16

Mibarirwana yaJonadhabhi mukororo waRekhabhi vakapurutana mupango uwo wevakapuwa ndibaba avo; asi vanhu ava avazi kupurutana kwendiri.

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 50:6

Vanhu vangu vaiya makwai akarashika; vaushi vawo vakaapausa, vakaatinhira kumitunhu, kuhamba kubva kudunhu kuenda kuchitunhu; variyarwa ndau yavo yokuzorora.

Jer. 8:7

Kunyazwi usore unozia mukuwo wawo wakaemeswa; nenjia, konjana nemherepere dzinozia mukuwo wokuuya kwadzo; asi vanhu vangu avazii chiemeso chaMambo Mwari.

Ezek. 16:30

“Ngenjiranyi mwoyo wako unopera simba, unoronza Mambo Mwari, Mwari, wechiita izvi zviro zveshe, zviito zvinoitwa ngehure risikatsveruki ngouhure.

Dha. 9:11

VaIsuraeri veshe vakagura mupango wako, ngokupauka, vakaramba kuti vasazopurutana izwi rako. Ndizvo chituko chakadururwa padera pedu, nokupika ukwo kwakanyorwa mumipango yaMosi, muranda waMwari, ngokuti takamushaishira.

Hos. 2:8

Ngokuti aazi kuzia kuti ndini ndakamupa koroni nevhini nemafuta, nokuwanza kwaari sirivha nomukore, zvevakanasirira Bhaari.

Mateu 13:19

Apo munhu kunyazwi ngouri arizwa izwi roumambo, asikarizwisisi, naapo unouya uwo wakashata unovhomora izvo zvakakushwa mumwoyo mwake; uyu ndiye wakakushwa panjira.

Varoma 1:28

Kudai ngezvevasikazi kuona zvakanaka kugara vasikazii Mwari, Mwari wakavarekera mukupinimidza kunonyangadza nokuita zviro zvisikasisiri.

2 Pet. 3:5

Ngokuti ngemaune vanoriyarwa ndaa iyi, kuti ngeizwi raMwari matenga aiyapo karetu nenyika ngokudaro, yechibudiswa mumvura kubudikidza ngemvura,