Isa. 1:1 - Bhaibheri Rakachena muChindau

¹ Chioniso chaIsaya mukororo waAmozi chaakaona ngendaa yaJudha neJerusarema, mumazuva aUzia, Jothamu, Ahazi naHezekia, madzimambo aJudha.

Isa. 1:1 Iomraidhean Croise

2 Madzi. 15:1

Mugore remakumi mairi nemanomwe raJerobhoamu mambo waIsuraeri, Azaria mukororo waAmazia mambo waJudha wakatanga kutonga.

2 Madzi. 15:13

Sharumu mukororo waJabheshi wakatanga kutonga mugore remakumi matatu nemapfumbamwe okutonga kwaUzia mambo waJudha, naye wakatonga mwedzi umwe muSamaria.

2 Madzi. 15:32

Mugore rechipiri raPheka mukororo waRemaria, mambo waIsuraeri, Jothamu mukororo waUzia mambo waJudha wakatanga kutonga.

2 Madzi. 15:7

NaAzaria wakaata nemadzibaba ake; navo vakamuika pamwepo nemadzibaba ake mudhorobha raDhavhidha; naJothamu mukororo wake wakatonga pandau yake.

2 Madzi. 18:1

Mugore rechitatu raHoshea mukororo waEra mambo waIsuraeri, Hezekia mukororo waAhazi mambo waJudha wakatanga kutonga.

2 Madzi. 19:2

Naye wakatumira izwi naEriakimu uwo waiya nduna yengome, naShebhina munyori, nevapristi vakuru, vakafuka machira emasaka kumuprofeti Isaya mukororo waAmozi.

2 MaKro. 26:1

Zvino vanhu veshe vaJudha vakatora Uzia, uwo waiya nemakore gumi nematanhatu, vakamuemesa kuita mambo pandau yababa ake Amazia.

2 MaKro. 26:22

Zvino mishando imweni yaUzia, yokutanga neyokupedzisira, yakanyorwa ndiIsaya muprofeti, mukororo waAmozi.

2 MaKro. 27:1

Jothamu waiya nemakore makumi mairi nemashanu apo paakaamba kutonga; wakatonga makore gumi nematanhatu muJerusarema. Zina ramai ake raizwi Jerusha, mwanasikana waZadhoki.

2 MaKro. 28:1

Ahazi wakatanga kutonga ane makore makumi mairi; wakatonga makore gumi nematanhatu muJerusarema. Aazi kuita zvakanaka mukuona kwaMambo Mwari, kudai ndiDhavhidha baba ake,

2 MaKro. 29:33

Nemhuka dzakapirwa kunaMwari dzaiya mikono mazana matanhatu (600), nemakwai makumi emazana matatu (3,000).

Nduyo 89:19

Zvino iwewe wakaereketa ngechioniso kunewakagondeka wako, newe ukati, “Ndaisa dzungudza padera pouwo-unesimba; ndatunhumadza umwe wakatsanangurwa kubva pakati pevanhu.

Isa. 13:1

Izwi guru ngendaa yeBhabhuroni raakaona Isaya mukororo waAmozi.

Isa. 2:1

Izwi raakaona Isaya mukororo waAmozi ngendaa yaJudha neJerusarema:

Isa. 20:2

ngouwo mukuwo Mambo Mwari waiya aereketa kunaIsaya mukororo waAmozi echiti, “Enda, usunhure machira emasaka kubva muchiunu chako, ubvise magwada patsoka dzako.” Naye wakaita kudaro, echihamba mutitinini asina magwada patsoka.

Isa. 21:2

Chioniso chinosvipisa mwoyo chinoronzwa kwendiri; mupiri unopira, muparadzi unoparadza. Kwira, O Eramu, tendenedza ngehondo, O Medhia; kweshe kufemerika kwaakaunza ndinokupedzisa.

Isa. 37:2

Naye wakatuma Eriakimu uwo waiya mukuru wengome naShebhina munyori nevapristi vakuru, vakafuka machira emasaka kumuprofeti Isaya mukororo waAmozi.

Isa. 38:1

Mazuva awo Hezekia wakarwara ari pasinde pokufa. Isaya muprofeti mukororo waAmozi wakauya kwaari, akati kwaari, “Izvi ndizvo zvinoronza Mambo Mwari, ‘Rongedza zvakanaka mhatso yako, ngokuti unozofa, auzoponi akadi.’ ”

Isa. 40:9

Kwira padera pemutunhu wakareba, muteketesi wemashoko akanaka, O Zioni; A, iwewe muteketesi wemashoko akanaka, O Jerusarema, mirudza izwi rako ngesimba; rimirudze, usatya; uti kumadhorobha aJudha, “Uripano Mwari wenyu!”

Isa. 6:1

Mugore raakafa mambo Uzia, ndakaona Mambo Mwari akagara padendemaro, rakareba nokukwirira, nemipendero yemachira ake yakazadza temperi.

Isa. 7:1

Mumazuva aAhazi, mukororo waJothamu, mukororo waUzia, mambo waJudha, Rezini, mambo weAramu, naPheka, mukororo waRemaria, mambo waIsuraeri, vakakwira koorwa neJerusarema, asi vakakorera kurinyisa.

Jer. 23:16

Izvi ndizvo zvinoronza Mambo Mwari, “Musapurutana kumazwi evaprofeti, avo vanoprofeta kwomuri, vanomunyepera. Vanoereketa zvioniso zvomwoyo yavo, haiwa zvinobva kumuromo waMambo Mwari.

Ezek. 1:1

Mugore remakumi matatu, mumwedzi wechirongomuna, pazuva rechishanu, ndaiya pakati pehloko, pasinde porwizi Khebhari, matenga akabeuka, neni ndakaona zvioniso zvaMwari.

Hos. 1:1

Izwi raMambo Mwari rakauya kunaHosea mukororo waBheeri, mumazuva amambo Uzia, Jothamu, Ahazi naHezekia, madzimambo aJudha, nomumazuva amambo Jerobhoamu mukororo waJoashi weIsuraeri.

Amo. 1:1

Mazwi aAmosi, uwo waiya pakati pevaushi veThekoa, awo aakaona ngendaa yaIsuraeri mumazuva aUzia mambo waJudha, nomumazuva aJerobhoamu mukororo waJoashi mambo waIsuraeri, makore mairi kuzungunyika kwenyika kusati kwaitika.

Amo. 4:5

Mupishe mudiro wokubonga wechingwa chinomumera, nokuteketesa minikero yokuda kwenyu nokuiziisa; ngokuti munoda kuita, O vanhu vaIsuraeri, unoronza Mambo Mwari, Mwari.

Mik. 1:1

Izwi raMambo Mwari iro rakauya kunaMikha weMoreshethi mumazuva aJothamu, Ahazi, naHezekia, madzimambo aJudha, raakaona ngendaa yeSamaria neJerusarema.

Nah. 1:1

Chiprofeti ngendaa yeNinevhe. Bhuku rechioniso chaNahume muErikoshi.

HABHAKUKI 2:2

Zvino Mambo Mwari wakandipingura, akati, “Nyora chioniso pamarusamba, uite kuti chinase kuoneka, kuti murumbi achidzidze.

Zvi. 12:6

Naye wakati, “Izwanyi zvino mazwi angu: Kudai aripo muprofeti pakati penyu, inini Mambo Mwari ndinozoita kuti ndiziikanwe kwaari muchioniso, ndinozoereketa kwaari mukurota.

Zvi. 24:16

chiprofeti chouwo unozwa mazwi aMwari, nounozia kuzia kwoUripadera-pazveshe, uwo unoona chioniso choUnesimba-reshe, uwo unowa pashi, asi madziso ake akabeuka:

Zvi. 24:4

chiprofeti chouwo unozwa mazwi aMwari, uwo unoona chioniso choUnesimba-reshe, uwo unowa pashi, asi madziso ake akabeuka:

Mateu 17:9

Vachadzaka kubva padera pomutunhu, Jesu wakavapanga echiti, “Musazoronzera munhu naumwe ngendaa yechioniso metsa Mukororo woMunhu amuka kwavakafa.”

Zvak. 10:17

Zvino Petro achakangaidzwa mukati mwake kuti chinoronzenyi chioniso icho chaaiya aona, penya, avo vanhu vakatumwa ndiKhoneriusi, vaiya vechibvunza mhatso yaSimoni, vakaema pamusiwo.

Zvak. 26:19

“Ndizvo, mambo Agripa, andizi kuramba kupurutana chioniso chomudenga,

2 VaK. 12:1

Ndinosisira kuti ndiganze, kunyazwi azvizi kunaka; asi ndaguma mukuereketa ngezvioniso nezvakaoniswa zvaMambo.

2 Pet. 1:21

ngokuti akuna kuprofeta kwakamboapo ngokuda kwomunhu; asi vanhu vakaereketa zvinobva kunaMwari, vechisundwa ndiMweya Wakachena.