EKISEDHUSI 26:1 - Bhaibheri Rakachena muChindau

¹ “Zve, unozoita tende rine machira okusitira ndiwo gumi remachira akanakisisa, akarukwa ngezvakakoshwa zvakasvipirika nezvakatsvukuruka nezvakatsvuka, anezvipuka zvine maphaphiro, mushando wengwazi.

EKISEDHUSI 26:1 Iomraidhean Croise

2 Sam. 7:2

mambo wakati kunaNathani muprofeti, “Wona zvino, inini ndinogara mumhatso yakaakwa ngemisidhari, asi bhokisi rechitenderano chaMwari rinogara mukati mwemachira etende.”

1 Madzi. 6:29

Wakanemesa marukumbati eshe emhatso ngemiedzaniso yakatsetswa yemakherubhi, neyemiti yomubvumo, namaruva akabeuka, mukati mwayo nokubanze kwemakamera.

1 MaKro. 17:1

Zvino apo Dhavhidha agara mumhatso yake, Dhavhidha wakati kunomuprofeti Nathani, “Ringira, inini ndinogara mumhatso yemisedhari, asi bhokisi rechitenderano chaMambo Mwari rinogara pashi petende.”

1 MaKro. 21:29

Ngokuti thabhenakeri raMambo Mwari, iro raakanasira Mosi mushango, nearita remidiro yokupisha, ngeiyo nguva raiya kundau dzakakwirira muGibheoni;

EKISEDHUSI 25:18

Ita makherubhi ane maphaphiro mairi omukore; kumagumo mairi echigaro chenyasha unozoaita ngomukore wakapfurwa.

EKISEDHUSI 25:4

machira matema neakatsvukuruka, eharahara, erukangaza rwakanaka neemamviri embudzi,

EKISEDHUSI 25:8

Ngavandiitire ndau yakachena, kuti ndigare pakati pavo.

EKISEDHUSI 26:2

Kureba kwejira rimwe ngarimwe kunozoita mamitha gumi namairi, nokupamhama kwejira rimwe ngarimwe kunozoita mamitha mairi: machira eshe anozoita chipimo chimwe.

EKISEDHUSI 26:31

“Unozoita chisitiro chejira rakasvipirika, rakatsvukuruka, rakatsvuka, nejira rakanakisa rakakoshwa; rinozoitwa makherubhi zvine maphaphiro, mushando wengwazi.

EKISEDHUSI 26:36

“Unozoita jira repamusiwo petende, rakarukwa ngezvakasvipira, zvakatsvukuruka, zvakatsvuka, nejira rakanakisisa rakakoshwa, mushando wengwazi.

EKISEDHUSI 31:7

Tende romushongano, nebhokisi rechitenderano, nechigaro chenyasha chiri padera paro, nezvidziyo zveshe zvetende,

EKISEDHUSI 35:11

thabhenakeri, tende raro nechifukidziro charo, zvikoreko zvaro, mapuranga aro, mwamba yaro, sika dzaro nemagadzikiro aro;

EKISEDHUSI 35:35

Wakavazadza ngoungwaru hwokukona, kushanda mbeu dzeshe dzemishando, wokunangura, newoungwazi, newomunemesi wezvakasvipirika, zvakatsvukuruka, zvakatsvuka, zvorukangaza zvakanaka, newomuruki, nowaavo vanoita mushando nokuti ngouri, nowaavo vanoronga mishando youngwazi.

EKISEDHUSI 35:6

zvakarukwa zvakasvipirika, zvakatsvukuruka, zvakatsvuka, zvakarukwa ngerukangaza rwakanaka, nezvemamviri embudzi;

EKISEDHUSI 36:35

Wakaita vheri ngemachira akasvipirika, akatsvukuruka, akatsvuka akarukwa, ngorukangaza rwakanaka rwakakoshwa; wakarinemesa ngemakherubhi, mushando wengwazi.

EKISEDHUSI 39:3

Naavo vakapfura mukore kuita maruepepe, vakaachekera kuita tambo dzokutunga ndidzo akatsvukuruka, akatsvuka, neorukangaza rwakanaka, mushando wengwazi yokutunga.

EKISEDHUSI 40:2

“Ngezuva rokutanga romwedzi wokutanga unozoemesa thabhenakeri retende romushongano.

Zvi. 3:25

Vakororo vaGershoni ndivo vangwariri veizvi zviro mutende romushongano, zviri thabhenakeri nezvinorifukidza zvaro, nejira rakaturikwa rinokonya musiwo wetende romushongano,

Zvi. 4:25

Navo vanozotwara machira okuturika ethabhenakeri netende romushongano, nezvifukidzo zvaro zvematoo akasukutwa zviri padera paro, nejira rokuturika pamusiwo wetende romushongano,

Johani 1:14

NeIzwi wakaita munhu, wakagara pakati pedu, nesu takaringira uthende hwake, uthende huri hwouwo wakabarwa ega ndiBaba, akazara ngenyasha negwinyiso.

Johani 2:21

Asi iye wakaereketa ngendaa yetemperi romuiri wake.

Vahebheru 8:2

ari mushandi wezvakachena nowetende regwinyiso, raakaaka Mambo, haiwa munhu.

Vahebheru 9:2

Ngokuti tende rokutanga rakanasirwa, umwo mwaiya nechigadzikiro chechibani, tafura nezvingwa zvaipirwa kunaMwari; iyi inodaidzwa kuti, “Ndau yakachena.”

Vahebheru 9:9

Ichi chiri muedzaniso wenguva ino, yavanopira ndiyo zveshe zvipo nemidiro, zvisikakoni kuita kuti mhumba younodira iperere,

Chakapangijihwa 19:8

Wakatenderwa kuti adzisimidze ngemachira akanaka orukangaza, anojeka neakaperera.” Ngokuti machira akanaka orukangaza ndizvo zviito zvakarurama zvevakacheneswa.

Chakapangijihwa 21:3

Neni ndakazwa izwi guru rechibva pachigaro choumambo rechiti, “Ringira, ugaro hwaMwari huri pakati pevanhu. Unozogara navo; navo vanozoita vanhu vake, naMwari emene unozoa navo, echiita Mwari wavo.