2 MaKro. 7:3 - Bhaibheri Rakachena muChindau

³ Naapo vana veshe vaIsuraeri vaona kudzaka kwowakaita muriro kubva mudenga, nouthende hwaMambo Mwari padera petemperi, vakadzikotamisa pashi hope dzavo pamavhu, vakadira nokukudza Mambo Mwari vechiti, “Ngokuti wakanaka, ngokuti rudo rwake runogara mhera nariini.”

2 MaKro. 7:3 Iomraidhean Croise

1 Madzi. 18:39

Naapo vanhu veshe vazviona, vakawa pashi ngehope dzavo, vakati, “Mambo Mwari ngegwinyiso ndiye Mwari; Mambo Mwari ngegwinyiso ndiye Mwari.”

1 MaKro. 16:34

Bongai Mambo Mwari, ngokuti wakanaka; ngokuti rudo rwake runogara mhera nariini.

1 MaKro. 16:41

Vaiya naye ndiHemani naJedhuthuni, nevamweni vakatsanangurwa avo vakadudzwa ngemazina kuti vabonge kunaMambo Mwari, ngokuti rudo rwake runogara mhera nariini.

1 MaKro. 29:20

Zvino Dhavhidha wakati kunembungano yeshe, “Kudzai Mambo Mwari, Mwari wenyu.” Nembungano yeshe yakakudza Mambo Mwari, Mwari wemadzibaba avo, vakakotamisa masoro avo pashi, vakakudza Mambo Mwari, namambo wakakudzwawo.

2 MaKro. 20:18

Zvino Jehoshafati wakakotamisa hope yake pashi pamavhu, navo veshe vokwaJudha nevagari vemuJerusarema vakawa pashi pamberi paMambo Mwari, vechidira Mambo Mwari.

2 MaKro. 20:21

Naapo paakapangana nevanhu, wakaemesa avo vaizoembera Mambo Mwari, kuti vamukudze muunaku hwokuchena kwake, apo vechienda pamberi pehondo vechiti, “Ngaabongwe Mambo Mwari, ngokuti rudo rwake runogara mhera nariini.”

2 MaKro. 29:28

Mbungano yeshe yakadira, vaembi vakaemba, nevapristi vemagwama vakaridza; neizvi zveshe zvakaangira metsa mudiro wokupisha wapera.

2 MaKro. 29:29

Naapo vapedza midiro, mambo naavo veshe vaiyapo vakakotama, vakadira.

2 MaKro. 29:30

Mambo Hezekia nevakuru vakapanga vaRevhi kuti vaembe kukudza Mambo Mwari ngemazwi aDhavhidha naaAsafi muprofeti. Vakaemba kukudza ngokudakadzwa, vakakotamisa masoro avo vakadira.

2 MaKro. 5:13

Raiya bingo revaridzi vemagwama nevaembi kuita pachavo kuti vazwike, mukuridza nokuemba mukukudza nokubonga Mambo Mwari; naapo vakamirudza izwi ravo rengoma ngemagwama nengoma dzesimbi nezvimweni zveshe zvokuridza, mukukudza Mambo Mwari vechiti, “Ngokuti wakanaka, nenyasha dzake dzinogara mhera nariini”, mhatso, mhatso yaMambo Mwari yakadzadzwa ngegore.

Ezura 3:11

navo vakaemba vechidairana, vechikudza nokubonga kunaMambo Mwari, “Ngokuti wakanaka, ngokuti nyasha dzake dzinogara mhera nariini kunaIsuraeri.” Nevanhu veshe vakadaira ngokudaidzira kukurutu, apo pevakakudza Mambo Mwari, ngendaa yokuti tsikiro remhatso yaMambo Mwari rakaradzikwa.

Nduyo 100:5

Ngokuti Mambo Mwari wakanaka; nyasha dzake dzinorudo dzinogara mhera nariini, nougondeki hwake huri kumibarirwana yeshe.

Nduyo 103:17

Asi nyasha dzinorudo dzaMambo Mwari dzinogara dzakadaro kubvira mhera nariini metsa mhera nariini kuneavo vanomutya, nokururama kwake kunogara kuripo kunevana vevana,

Nduyo 106:1

Kudzai Mambo Mwari! A, bongai Mambo Mwari, ngokuti wakanaka; ngokuti nyasha dzake dzinorudo dzinogara mhera nariini.

Nduyo 107:1

A, bongai Mambo Mwari, ngokuti wakanaka; ngokuti nyasha dzake dzinorudo dzinogara mhera nariini.

Nduyo 118:1

Bongai Mambo Mwari, ngokuti wakanaka; nyasha dzake dzinorudo dzinogara mhera nariini.

Nduyo 95:6

A uyai, tidire, tigwadame; ngatigwadame pamberi paMambo Mwari, muiti wedu.

EKISEDHUSI 4:31

Nevanhu vakatenda; naapo vazwa kuti Mambo Mwari wakahambira vana vaIsuraeri nokuti wakaona kutambudzwa kwavo, vakakotamisa masoro avo vakadira.

Isa. 63:7

Ndinozopupura ngemishando yenyasha yaMambo Mwari, nokukudzwa kwaMambo Mwari ngeizvo zveshe zvaakatiitira Mambo Mwari, nokunaka kwakakura kwaakaita kunevemhatso yaIsuraeri kwaakavaonisa kudai ngenyasha dzake dzakawanda dzinorudo.

Jer. 33:11

kunozozwikazve, izwi rokudakara, nerokudakadzwa, izwi romukwambo, neramakhoti, nemazwi eavo vanoemba, apo vanounza mudiro wokubonga kumhatso yaMambo Mwari, “ ‘Kubonga Mambo Mwari wehondo, ngokuti Mambo Mwari wakanaka; ngokuti nyasha dzake dzinorudo dzinogara mhera nariini!’ Ngokuti ndinozounza avo vakabatwa venyika iyi kuti vaite kudai ngepakutanga,” unoronza Mambo Mwari.

Revhi 9:24

Kwakabuda muriro kubva pamberi paMambo Mwari, wakapedza kupisha mudiro wokupisha nemafuta, zvaiya paarita; uwo wakaoneka ngevanhu veshe, vakadaidzira, vakawa pashi ngehope dzavo.

Zvi. 14:5

Zvino Mosi naAroni vakawa ngehope dzavo pashi pamberi pembungano yeshe yevana vaIsuraeri.

Zvi. 16:22

Navo vakawa pashi ngehope dzavo vechiti, “A Mwari, Mwari womweya nenyama yeshe, ngokushaisha kwomunhu umwe unozotsenekera mbungano yeshe here?”

Ruka 1:50

Nenyasha dzake dziri padera pavo vanomutya kubvira kumubarirwana kuenda kumubarirwana.