2 MaKro. 2:6 - Bhaibheri Rakachena muChindau

⁶ Asi ndiani ungakona kumuakira mhatso, kwechioneka kuti denga nematenga azvikoni kumukwana? Inini ndiri anani ungakona kumuakira mhatso, kwega ndau yokupishira midiro pamberi pake?

2 MaKro. 2:6 Iomraidhean Croise

2 Sam. 7:18

Zvino mambo Dhavhidha wakapotera, akagara pamberi paMambo Mwari, naye wakati, “Ndiri anani, A Mambo Mwari, Mwari? Mhatso yangu chiinyi, kuti iwewe undiunze pano?

1 Madzi. 7:13

Zvino mambo Soromoni wakatuma vanhu kutora Hiramu kubva Thire.

1 Madzi. 7:14

Waiya mukororo weshirikadzi, wedzinza raNafitari, uwo baba ake vaiya munhu weThire, mupfuri wethusi; waiya akangwara nokuzwisisa, noungwazi, kushanda mishando yeshe yethusi. Wakauya kunamambo Soromoni, akaita mishando yake yeshe.

1 Madzi. 8:27

“Asi ngegwinyiso Mwari ungagara here munyika? Kunyazwi denga nedenga rematenga aakukwani iwewe; hino kunozoita kwakaitawani kutsonga kuneiyi mhatso yendakaaka!

1 MaKro. 22:15

Iwewe une vashandi vakawanda: vatsetsi vemapuwe, vanoaka ngemapuwe, vatsetsi vematanda, nevanhu veshe vanobheja kuita mbeu dzeshe dzemishando vasikaerengeki, ngwazi dzemishando

1 MaKro. 29:14

“Asi inini ndiri chiinyi, nevanhu vangu vari chiinyi, kuti isusu tikone kupa ngokuda? Ngokuti zviro zveshe zvinobva kwouri, nesu takupa izvo zviri zvako.

2 MaKro. 1:10

Ndipe zvino ungwaru nokuzia, kuti ndikone kubuda nokupotera pamberi pevanhu ava; ngokuti ndiani ungakona kutonga ava vanhu vako vakawanda kudai?”

2 MaKro. 6:18

“Ngegwinyiso Mwari ungagara nevanhu here munyika? Kunyazwi denga nedenga rematenga aakukwani iwewe; zvino kunozopinda kwakaitawani kutsonga kuneiyi mhatso yendakaaka!

EKISEDHUSI 3:11

Asi Mosi wakati kunaMwari, “Ndiri ani inini ndingaende kunaFaro nokuti ndibudise vana vaIsuraeri kubva muEgipite?”

EKISEDHUSI 31:5

kutsetsa mapuwe okuemesa, nokutsetsa miti, yembeu dzeshe dzemishando.

Isa. 66:1

Izvi ndizvo zvinoronza Mambo Mwari, “Denga idendemaro rangu, nenyika chitambarariro chetsoka dzangu; imhatso yakadini zvino yomunondiakira? Indau yakadini yokuzorora kwangu?

Jer. 23:24

“Uripo here ungahwara mundau dzakafishika, kuti ndisakona kumuona?” Unoronza Mambo Mwari. “Andizadzi denga nenyika here?” Unoronza Mambo Mwari.

2 VaK. 2:16

Kuneavo tiri gwema rinobva murufu kuenda murufu; nokune vamweni tiri gwema rinobva mukupona kuenda mukupona. Ndiani ungakona kuita mushando wakadai?

Vaefesu 3:8

Kwendiri, kunyazwi inini ndiri mudoko wokupedzisira wavo veshe vakacheneswa, nyasha idzi dzakapuwa, kuti ndichumaire kune vemadzinza upfumi husikatsvakiki hwaKristu,

Dhuto. 12:11

zvino kunozoa nendau yaanozotsanangura Mambo Mwari, Mwari wenyu kuita kuti zina rake rigare apo, munozounza apo zveshe zvendakamupanga: midiro yenyu yokupisha, nemibairo yenyu, nezvegumi zvenyu, nemidiro yenyara dzenyu zvakatsanangurwa zvemwakapika kupa kunaMambo Mwari.

Dhuto. 12:14

Asi kundau yaanozotsanangura Mambo Mwari pakati perimwe remadzinza enyu, ndipo pomunozopira midiro yenyu yokupisha, naapo munozoita izvo zveshe zvendinomupanga.

Dhuto. 12:26

Kwega munozotora zviro zvenyu zvakachena zvomunazvo, nezvemhiko dzenyu, muende kundau yaanozotsanangura Mambo Mwari.