2 MaKro. 2:4 - Bhaibheri Rakachena muChindau

⁴ Ringira, ndaakuda kuakira mhatso zina raMambo Mwari, Mwari wangu, nokuipira kwaari, kuti ndipishe pamberi pake mitombo inegwema rakanaka, nokuisapo misara yezvingwa zvakacheneswa zvinopirwa nguva dzeshe nemidiro yokupisha mangwanani nemadeekoni, ngemaSabatha, ngokutawa kwomwedzi, nemazuva emadhiri akaemeswa ndiMambo Mwari, Mwari wedu, kudai ngezvakaemeserwa vaIsuraeri mhera nariini.

2 MaKro. 2:4 Iomraidhean Croise

1 Madzi. 5:5

Ndizvo ndaemesa kuakira zina raMambo Mwari, Mwari wangu, mhatso, kudai ngezvaakaereketa Mambo Mwari kunababa angu Dhavhidha echiti, ‘Mukororo wako wendinozoemesa padendemaro rako, muugaro hwako, iye unozoakira zina rangu mhatso.’

1 Madzi. 8:18

Asi Mambo Mwari wakati kunaDhavhidha baba angu: ‘Wakaita zvakanaka ngokuda mumwoyo mwako kuakira zina rangu mhatso.

1 Madzi. 8:63

Soromoni wakapira kuita mudiro wokuiyanisa kunaMambo Mwari, makabi makumi mairi nemairi emakumi emazana (22,000) nezana nemakumi mairi emakumi emazana (120,000) emakwai. Ndizvo mambo nevaIsuraeri vakapira mhatso yaMambo Mwari.

1 MaKro. 22:5

Ngokuti Dhavhidha wakati, “Soromoni mukororo wangu uchimudoko aasati abva muzero, nemhatso inozoakirwa Mambo Mwari inozoita yakapindisisa kunaka, inembiri nouthende pakati pemadzinza eshe; ndizvo zvino ndinozoinasirira.” Ndizvo Dhavhidha wakanasirira zvakawanda asati afa.

2 MaKro. 13:11

Vanopira kunaMambo Mwari mangwanani eshe nemadeekoni midiro yokupisha nemitombo inegwema rakanaka, vanoisa misara yezvingwa zvinopirwa, patafura romukore wakaereswa rakachena; nezvigadzikiro zvezvibani pamwepo nezvivheneko zvayo, kuti zvibake madeekoni eshe; ngokuti isusu tinongwarira kupanga kwaMambo Mwari, Mwari wedu, asi imwimwi mwakamurasha.

2 MaKro. 2:1

Zvino Soromoni wakadziemesera kuti aakire zina raMambo Mwari mhatso nengome youmambo hwake.

Neh. 10:33

Misara yezvingwa, midiro yezviyo inoangirwa zuva ngezuva, midiro yokupisha inoangirwa, maSabatha, kutawa kwomwedzi mutsva, madhiri akaemeswa, zvipo zvakachena, nemidiro yezvishaishi kuripira vaIsuraeri, nomushando weshe wemhatso yaMwari wedu.

Nduyo 86:8

Akuna wakadai ndiwe, A Mambo Mwari, pakati pezvimwari, nokuti akuna mishando yakadai ngemishando yako.

Nduyo 96:4

Ngokuti Mambo Mwari mukuru, unosisira kukudzwa kakurutu; unosisira kutyiwa kupinda zvimwari zveshe.

EKISEDHUSI 25:30

Newe unozoisa zvingwa zvokuonisa padera petafura pamberi pangu nguva dzeshe.

EKISEDHUSI 30:7

Aroni unozopishirapo mutombo une gwema rakanaka; mangwanani eshe apo paanonasirira zvibani unozoupisha.

Mazwi 7:20

Watora chikwama chemare kuenda nacho, unozouya kanyi mukutawa kwomwedzi.”