2 MaKro. 2:1 - Bhaibheri Rakachena muChindau

¹ Zvino Soromoni wakadziemesera kuti aakire zina raMambo Mwari mhatso nengome youmambo hwake.

2 MaKro. 2:1 Iomraidhean Croise

1 Madzi. 5:15

Soromoni waiya nevanhu makumi manomwe emakumi emazana (70,000) vaitwara mitwaro, nemakumi masere emakumi emazana (80,000) evaitsetsa mapuwe munyika yemitunhu,

1 Madzi. 5:5

Ndizvo ndaemesa kuakira zina raMambo Mwari, Mwari wangu, mhatso, kudai ngezvaakaereketa Mambo Mwari kunababa angu Dhavhidha echiti, ‘Mukororo wako wendinozoemesa padendemaro rako, muugaro hwako, iye unozoakira zina rangu mhatso.’

1 Madzi. 7:1

Soromoni wakapedza makore gumi namatatu echiaka mhatso yake, naye wakaipedza yeshe mhatso yake.

1 Madzi. 8:18

Asi Mambo Mwari wakati kunaDhavhidha baba angu: ‘Wakaita zvakanaka ngokuda mumwoyo mwako kuakira zina rangu mhatso.

1 Madzi. 8:20

Zvino Mambo Mwari wadzadzisa izwi rake raakaereketa; ngokuti inini ndamiruka pandau yaDhavhidha baba angu, ndinogara padendemaro raIsuraeri, kudai ngezvaakagondisa Mambo Mwari, ndaakira zina raMambo Mwari, Mwari waIsuraeri mhatso.

1 Madzi. 9:1

Naapo Soromoni apedza kuaka mhatso yaMambo Mwari, pamwepo nemhatso yamambo, nazvo zveshe izvo zvaaidisisa Soromoni kuaka,

1 MaKro. 22:10

Ndiye unozoakira zina rangu mhatso. Unozoita mukororo kwendiri, neni ndinozoita baba kwaari; ndinozogwinyisisa dendemaro roumambo hwake padera paIsuraeri mhera nariini.’

2 MaKro. 1:17

Vakaunza kubva Egipite ngoro, vaitengesa ngezvigurwa zvesirivha mazana matanhatu (600), nehachi rakaunzwa kubveyo rakatengeswa ngezvigurwa zvesirivha zana nemakumi mashanu (150). Ndizvo kubudikidza ndivo izvi zvakaunzirwa madzimambo eshe evaHiti, nemadzimambo evaAramu.

2 MaKro. 2:12

Hiramu wakatiwo, “Ngaakudzwe Mambo Mwari, Mwari waIsuraeri, uwo wakaita denga nenyika, uwo wakapa mambo Dhavhidha mukororo wakangwara, unokuzwisisa nokuzia, uwo unozoakira Mambo Mwari temperi, nengome youmambo hwake.

Dhuto. 12:11

zvino kunozoa nendau yaanozotsanangura Mambo Mwari, Mwari wenyu kuita kuti zina rake rigare apo, munozounza apo zveshe zvendakamupanga: midiro yenyu yokupisha, nemibairo yenyu, nezvegumi zvenyu, nemidiro yenyara dzenyu zvakatsanangurwa zvemwakapika kupa kunaMambo Mwari.

Dhuto. 12:5

Asi kundau yaanozotsanangura Mambo Mwari, Mwari wenyu kubva mukati mwemadzinza enyu eshe kuti aise zina rake apo, munozotsvaka ugaro hwake, munozoendayo.

Dhuto. 28:58

Kudai musikangwaridziri kuita eshe mazwi emipango akanyorwa mubhuku iri, mutye zina iri rakachena nerinotyisa raMambo Mwari, Mwari wenyu,